Daniɛli 8:13 - Bibeli do fee

¹³ Ŋɔi ǹ gbɔ amaleka gɔ wa fɔ ide, nɔ amaleka mmuɛ gɔ wa ba inɛ iyi wa fɔ ideu ide ku fɔ wa ni, idei kuweei ajɔ fei iyi kuyɛu ihɛ̃ wa sɔ̃ wau bɛ, hee waati yoomai á kpɛ ku to ya. Aa na a leekĩɛ mbɛ? Kuce laalɔ ŋa iyi wa ce nfei mii feiu ihɛ̃, hee waati yoomai á koo leekĩ. Hee waati yoomai wahalai ile kumáu do ijuukpãi inɛi lelei Aɔ̃ ŋau á leekĩ.

Daniɛli 8:13 Iomraidhean Croise

Iri ku kɔ̃ 74:10

Ilaaɔ̃, hee waati yoomai aa jɔ̀ mbɛɛu ku maa yaakoɛ. Aa jɔ̀ mbɛɛu ku maa donda iriɛ hai nɛ kɔɔi?

Iri ku kɔ̃ 74:9

A kù waa yɛ nyindaɛ gɔ má iyi wa nyisi wa iyi ì wɛɛ do awa. Walii gɔ kù wɛɛ má. Inɛ gɔ si inɔ nwa kù mà hee waati fɛloi aa jɔ̀ wa bɛɛbɛ.

Iri ku kɔ̃ 79:5

Aɔ̃ Lafɛ̃ɛ, hee waati yoomai aa maa mɔsi idɔɔkɔ̃ɛ do awa, hee waati yoomai aa jɔ̀ iguɛu ku maa jo bɛi ina.

Ezai 28:18

Waati bɛɛbɛ, akabuu nŋɛ iyi ì dĩ do ikuu ŋa á leekĩ, nɔ akabuu iyi í wa si gãmɛ nŋɛ do bi kuwai iku ŋau, kaa kɔ̃ má. Waati iyi wahala ku ce asɔɔu á to wa, á kɛkɛ ŋɛ ilɛi mam mam.

Ezai 6:11

Ŋɔi ǹ bee ǹ ni, hee waati yooma Aɔ̃ Lafɛ̃ɛ. Nɔ í jɛɛm í ni, hee bii à ce nfei ilu ŋau nɔ zamaa kãma kù wa si, nɔ inɛ kãma kù gbe si kpasɛ̃ ŋau hee ilɛu ku baa ku kpɔò bomma.

Ezai 63:18

Awa zamaa iyi à nya ikã à jɛ titɛɛ, a kù ba a kù buba si ilɛu kù kpɛ, mbɛɛ nwa ŋa à naa à tɛɛsɛ kpasɛ̃ kumáɛu.

Ezai 9:6

Á jɔ̀ yiikoɛ ku bɔ ku jĩi, nɔ ku jɔ̀ laakai ku sũ hai nɛ kɔɔ ku maa wɛɛ. Nŋui á buba si kitãi bommai Davidi nɔ nŋui á jɛ ilaalui bommau ku ba ku muaa gbugbã nɔ ku jɔ̀ ku maa leekĩ si ntɔ do si dee dee ku jɛ hai nsɛi hee do ajɔ fei. Mii iyi Aɔ̃ Lafɛ̃ɛi lele do ilɛ á ce mbɛ si kubi nlaɛ.

Zeremi 12:10

Woo degbe nkpɔ nkpɔi wa ce asɔɔi jĩi ndii rezɛ̃ɛm. À waa jojo si bantumai ikom ŋa. À waa kpaasi iko kusĩam nɔu bɛi gbaa do bɛi inya iyi í kpɔò bomma.

Daniɛli 11:31

Á jɔ̀ sooge ŋa a koo a leekĩ bi idĩ iyi wa jɛ gbugbãi kpasɛ̃i Ilaaɔ̃ui. Sooge ŋau aa lɔ si ile kumáui a jɔ̀ ku so riisi. Aa ganji inɛ ŋa a cea Ilaaɔ̃ kuweei ajɔ feiu ku ba a jilɛ mii laalɔ iyi á ce asɔɔi mii ŋa si tengi bi ku ce kuweeu.

Daniɛli 12:11

Hai waati si bii aa ganji inɛ ŋa a cea Ilaaɔ̃ kuweei ajɔ fei ku ba a jilɛ mii laalɔ iyi á ce asɔɔi mii ŋa si tengi bi ku ce kuweeu, ajɔ dubu do cĩɔ minji do cinɛò fɛɛwai (1.290) á ce.

Daniɛli 12:8

Ǹ gbɔ ideu, amma n kù gbɔ yaaseɛ. Nɔ ǹ ni, Lafɛ̃ɛm, bɛirei iri ku kpai mii ŋau bɛ á jɛ.

Daniɛli 4:10

Mii iyi ǹ nyi ǹ yɛ waati iyi ǹ wa n sũ si antaii daayim má wee. Ǹ yɛ amalekai Ilaaɔ̃ gɔ iyi í jɛ woo degbei andunya í kita wa hai lelei Aɔ̃.

Daniɛli 4:13

Lasabui amanɛ ku jɛɛu á kpaasii, nɔ idɔi mɛɛmui á sãasi. Nɔ bɛɛbɛi á maa wɛɛ hee adɔ̃ mɛɛje.

Daniɛli 4:23

Wooda iyi wa ni a jɔ̀ icui jĩi nɔu do icãɛ ŋau, yaaseɛi í jɛ iyi bommau á wɛɛi kú maa jɛ titɛɛ waati iyi aa na i mà iyi Ilaaɔ̃ iyi í wa leleui í jɛ Lafɛ̃ɛi inɛ fei.

Daniɛli 7:16

Ŋɔi ǹ bɔ kɔkɔi inɛ akãi inɛ ŋa iyi à wa bɛ, nɔ ǹ beeɛ iyi í jɛ yaase ntɔ ntɔi mii iyi ǹ yɛu bɛ. Ŋɔi í sɔ̃m, nɔ í tusɛɛm yaaseɛ.

Daniɛli 7:23

Ŋɔi inɛɛu í sɔ̃m í ni, mɛɛmu mɛɛsiau bɛ, bomma mɛɛsia iyi á naa si ilɛ mbɛ, nɔ inɛ nŋu á nya ikãi do bomma mmu ŋa iyi à gbe si ilɛ ihɛ̃ fei. Bomma inɛ nŋu, mii iyi í wa si andunyau fei, á jɔɔi. Á tɛɛsɛ mii feii ku lɛgɛ ŋa do kutɛɛ, nɔ ku ga ŋa.

Daniɛli 9:27

Si waatii ankãanyii adɔ̃ mɛɛjeu, á dĩ akabuu do inɛ nkpɔ nkpɔ. Nɔ si anyii adɔ̃ mɛɛta do bubu, á jɔ̀ a leekĩ kuwee do amua ŋa ku ceu. Woo ce laalɔu, á ce laalɔ sãmiɛ ŋai anu akã hee nŋu takaɛ koo kpaò iri si bɛi à fɔ à jilɔɔ.

Zakari 14:5

Angbɔɔu á bɔi hee Asali. Bɛi aa too i saò ŋa. Aa sa ŋai bɛi bala nŋɛ ŋa mɔ à saa kuyayai ilɛ wo, si waatii Oziasi ilaalui Zudaa. Waati bɛɛbɛi Aɔ̃ Lafɛ̃ɛm á naa do amalekaɛ ŋa fei.

Matie 11:27

Nɔ í sɔ̃ inɛ ŋa í ni, Baam nii í daam mii fei si awɔ. Inɛ kãma kù mà amu Amau bii kù jɛ Baau. Nɔ inɛ kãma kù mà Baau bii kù jɛ amu Amau do inɛ ŋa iyi ǹ bi n nyisi ŋa.

Matie 24:15

Jesu í ni, walii Daniɛli í fɔ idei mii laalɔ gɔ wo iyi á riisi kpasɛ̃i Ilaaɔ̃. Nŋui aa yɛ ŋa í wa si inya iyi í jɛ ti Ilaaɔ̃. Inɛ iyi wa cio idei mii laalɔu, ku ce laakai ku gbɔɔ sãa sãa.

Maaku 13:14

Nɔ Jesu í ni má, aa yɛ mii laalɔ iyi wa bɛjɛ mii ŋa tengi bii kù jɔ ku wa ŋa. Inɛ iyi wa cio idei mii laalɔu ku ce laakai ku gbɔɔ sãa sãa. Waati bɛɛbɛ inɛ ŋa iyi à wa ilɛi Zudee a sa a bɔ iri kuta ŋau.

Luku 10:22

Baam nii í daam mii fei si awɔ. Inɛ kãma kù mà amu Amau bii kù jɛ Baau. Nɔ inɛ kãma kù mà Baau bii kù jɛ amu Amau do inɛ ŋa iyi ǹ bi n nyisi ŋa.

Luku 21:20

Ajɔ iyi ì yɛ woo ja igũ ŋa à to wa Zeruzalɛmu à buu koe, i mà ŋa iyi kulɛgɛɛ í maai wa mbɛ.

Luku 21:24

Aa maa kpa ŋa do taakuba, nɔ a mu ŋa aru si ilɛ ŋa fei. Dimi mmu ŋa aa tɛɛsɛ Zeruzalɛmuui hee waatiu koo kpaò iri.

Laabaau jiida iyi Zãa í kɔ 1:18

Inɛ kãma kù yɛ Ilaaɔ̃ Baaba ajɔ kãma. Ama akãɛ iyi í wa bi tɛɛu nŋu takaɛ Ilaaɔ̃i. Nŋui í jɔ̀ à màa.

Wooda ku kɔsi 33:2

Í ni, Aɔ̃ Lafɛ̃ɛ í naai hai iri kutai Sinai. Bɛi inunu í ya dede, bɛɛbɛi í dede wa hai ilɛi Seii hai bi iri kutai Parãa ŋau í máa inɛɛ ŋau inya. Í naa bi inɛɛ ŋaui do amaleka dubu nkpɔ nkpɔ, nɔ wa mu wooda gɔ wa iyi í yɛ bɛi ina si awɔ njɛɛ.

Tɛsalonika 1, 3:13

Nɔ ku jɔ̀ idɔ nŋɛ ku leekĩ si dim dim, ku jɛò dee dee, ku maà nɛ taale gɔ si wajui Ilaaɔ̃ Baa nwa, si waati iyi Lafɛ̃ɛ nwa Jesu á nyi wa do inɛ ŋa iyi í cica fei.

Ebɛɛ 10:29

Debɛi, inɛ iyi wa donda Amai Ilaaɔ̃ wa cɔ njɛɛ nfe, njɛ si bii Ilaaɔ̃ í dĩ akabuuɛ iyi á jɔ̀ lafɛ̃ɛ ku má, nɔ wa bu Hundei Ilaaɔ̃ iyi wa nyisi wa didɔ̃u, i cɔ zaka bɛi mii iyi á na ku ba lafɛ̃ɛ si ajɔi kiitiu á to.

Piɛɛ 1, 1:12

Ilaaɔ̃ í sisia walii ŋau í ni ide iyi nŋu í sɔ̃ ŋau kù jɛ ti aŋa taka nŋa, tu ŋɛi. Nsɛi woo sisi laabaau jiida ŋau à waazo nŋɛ nɔ ì gbɔ ideu ŋa. À fɔ idei do gbugbãi Hundei Ilaaɔ̃ iyi Ilaaɔ̃ í bɛ wa hai lele. Nɔ amaleka ŋau taka nŋa à waa bi a mà yaasei ideu.

Zudu 1:14

Enɔku mɔ iyi í jɛ tɔku mɛɛjesiai Adamu í ce walii na iri nŋa í ni, Aɔ̃ Lafɛ̃ɛ wee wa naa do amaleka kumáɛ ŋa bututu,

Kuyɛi Zãa 11:2

Amma maà wã bantumaɛ, domi à mua dimi mmu ŋa, aŋa iyi aa tɛɛsɛ ilu kumáu si afei cukpa ciiji do minji.

Kuyɛi Zãa 6:10

Hunde ŋau à la à ni, Lafɛ̃ɛ kumá ilu ntɔ, hee waati yoomai ì waa degbe i bɛi i kiiti inɛi andunya ŋa i sã nwa gbese si na iyi í jɔ̀ à kpa wa.

Woo kiiti ŋa 13:18

Ŋɔi amalekau í ni, bɛirei í ce ì waa bee irim. Irim nii í jɛ maamaake.