Daniɛli 8:12 - Bibeli do fee

¹² Do kuce laalɔɛ ŋau, í ya jɔ̀ kuweei ajɔ feiu ku bɛjɛi do gbugbãɛ iyi í nɛ. Nɔ do yaase bɛɛbɛi í ya kɛkɛò inɛi lele ŋau mɔ. Í ya jɔ̀ naanɛ iyi í jɛ ntɔ ku ce nfei, nɔ mii iyi í bi ku ce fei, í ya cooi.

Daniɛli 8:12 Iomraidhean Croise

Zɔɔbu 12:6

Amma ile ŋa à ya maa wɛɛò laakai ku sũi si inɔ kpasɛ̃ nŋa ŋa. Inɛ ŋa iyi à waa dɛdɛ anui Ilaaɔ̃ ŋa à ya maa wɛɛ nŋai hai nɛ zigiida, aŋa iyi a kù mà Ilaaɔ̃ kãma bii kù jɛ gbugbã nŋa.

Iri ku kɔ̃ 119:142

Dee dee ku jɛɛ, á maa wɛɛi hee do ajɔ fei, nɔ woodaɛ ŋai à jɛ ntɔ.

Iri ku kɔ̃ 119:43

Sobim waati kãma fei n ya n fɔ ntɔ, domi kpãa ku cɔm í wai si kiitiɛ.

Iri ku kɔ̃ 28:5

Aɔ̃ Lafɛ̃ɛ, inɛ ŋau a ci ya mà bɛɛrɛi mii iyi ì waa ce, nɔ a kù mà bɛɛrɛi icɛi awɔɛ ŋa. Na nŋu, jɔ̀ a cuku, nɔ a maà dede má.

Ezai 59:14

Do yaase bɛɛbɛ, ntɔ kù wa si anini nwa má, nɔ à jĩòɛ. À bii ntɔ si bantuma, nɔ kù wɛɛ má.

Zeremi 12:1

Aɔ̃ Lafɛ̃ɛ, dee dee ku jɛɛ í caa. N kù nɛ n maa n ce kakɔɔ do awɔ. Amma do nŋu fei, ǹ bi n baɛ ide ku fɔ si kiitiɛ ŋa. Inɛ ŋa iyi à jɛ inɛ laalɔ ŋa, mii iyi à waa ce si kuwɛɛ nŋa fei, í ya maa nɛ nŋai dee dee. Na mii. Bɛirei í ce woo zamba inɛ ŋa, aŋa fei à ya maa wɛɛ nŋai do laakai ku sũ.

Daniɛli 11:28

Si anyii nŋu, ilaalui awɔ njɛi kpãai inunuu á sinda ku nyi si ilɛɛi do amani nla nla. Si isɛɛnɛɛu lasabui mii iyi í jilɛ si nŋu ku ceu bɛi á ce si gãmɛi zamaa iyi aŋaò Ilaaɔ̃ ŋa à dĩ akabuuu ku bɛi ku sinda ku nyii si ilɛɛ.

Daniɛli 7:21

Ŋɔi ǹ wa n cɔ ngou, nɔ ǹ ba wee wa ba inɛi Ilaaɔ̃ ŋau igũ ku ce hee wa bi ku kãmia ŋa.

Daniɛli 8:4

Ŋɔi ǹ yɛ angudãu wa cã ngoɛ ŋa do ikpa nunui alɛ, nɔ wa cã ngoɛ ŋau má do ikpa awɔ njɛi kpãai inunu, si anyiɛ, nɔ wa cã ngoɛ ŋau má do ikpa awɔ cangai kpãai inunu. Mɛɛmu kãma kaa jɛ ku kɔ̀ ide si wajuɛ, nɔ inɛ kãma kaa yɔkɔ ku faaba inɛ gɔ hai si awɔ gbugbãɛ. Mii iyi í bii í ya ce, nɔ gbugbãɛ í la wa kɔ̃ɔsi.

Kuyɛi Zãa 13:7

À muaa kpãa ku ce igũ do inɛi Ilaaɔ̃ ŋa nɔ ku jɛ ŋa igũ. Nɔ à naa yiiko si dimi fei do fee fei do ilɛ baa yooma fei.

Samuɛli 1, 23:9

Davidi í gbɔ mii laalɔ iyi Saulu wa dɛdɛ ku cea nŋu, ŋɔi í sɔ̃ Abiataa woo weeu í ni ku naaò efodu wa.