Daniɛli 8:11 - Bibeli do fee

¹¹ Ngou bɛi í ya baò baa inɛ ngboi inɛ ŋa iyi à wa lelei Aɔ̃ ŋau ija. Í ya ganji kuwee iyi à nɛ a ya ceaa ajɔ feiu, nɔ í ya riisi ile kumáɛu.

Daniɛli 8:11 Iomraidhean Croise

Ezai 37:23

Yooi ì donda, nɔ yooi ì waa bu. Yooi ì waa lasi. Amu Aɔ̃ Lafɛ̃ɛ Inɛ Kumái Izirɛliui ì wu iju lele ì waa cɔ.

Ezai 37:29

Ntɔ ntɔ, ì waa ce idɔɔkɔ̃ do amu, nɔ inɛ ku dondaɛ í to wa hee si itĩm ŋa. Na nŋu, an daaɛ si isɔ bɛi lɛlɛawɔ si imɔɛi, nɔ n daaɛ si arezem si gɛlɛɛ. Si anyiɛ, an jɔ̀ i sinda i too kpãa iyi ì naaò wai i nɛò.

Zeremi 48:26

Moabu í tamaa bɛi nŋu í la nŋu í to Aɔ̃ Lafɛ̃ɛi. Na nŋu, a naa atɛ̃ ku mɔ ku kpaa hee ku tu. Waati bɛɛbɛ, inɛ fei á maa yaako nŋu mɔ.

Zeremi 48:42

Aa lɛgɛ ilɛi Moabui nɔ zamaaɛ kaa wɛɛ má, domi à dedeò ide ku kɔ̀ si gãmɛi Aɔ̃ Lafɛ̃ɛ.

Ezekiɛli 46:14

Daakɔ fei, aa ya cea Aɔ̃ Lafɛ̃ɛ kuweei do iyafũi bilee efa akã. Aa kpɛ̃ iyafũui ikɔ mɛɛfa nɔ a so ikɔ akãi iyi aa tɔtɔɔ do ikpoi olivi hini akã iyi à kpɛ̃ mɛɛta nɔ a so ikɔ akã. Wooda gɔ mbɛ iyi á maa wɛɛ hee do ajɔ fei.

Daniɛli 11:22

Wuaai sooge ku nɛ gbugbã kãma kaa yɔkɔ ku jɔɔ igũ. Á lɛgɛ aŋa feii nɔ ku kpa baa inɛ ngboi zamaa iyi í dĩ akabuuu.

Daniɛli 11:31

Á jɔ̀ sooge ŋa a koo a leekĩ bi idĩ iyi wa jɛ gbugbãi kpasɛ̃i Ilaaɔ̃ui. Sooge ŋau aa lɔ si ile kumáui a jɔ̀ ku so riisi. Aa ganji inɛ ŋa a cea Ilaaɔ̃ kuweei ajɔ feiu ku ba a jilɛ mii laalɔ iyi á ce asɔɔi mii ŋa si tengi bi ku ce kuweeu.

Daniɛli 12:11

Hai waati si bii aa ganji inɛ ŋa a cea Ilaaɔ̃ kuweei ajɔ fei ku ba a jilɛ mii laalɔ iyi á ce asɔɔi mii ŋa si tengi bi ku ce kuweeu, ajɔ dubu do cĩɔ minji do cinɛò fɛɛwai (1.290) á ce.

Daniɛli 5:23

Ì waa ce itĩ ku yikai si gãmɛi Ilaaɔ̃ Lafɛ̃ɛi leleu. Kɔɔfuɛ ŋa iyi à wa inɔ kpasɛ̃i awɔ takaɛu, ì jɔ̀ à koo à so ŋa wa, nɔ ì mɔò atɛ̃ vɛ̃ɛ awɔ do inɛ ngbo ŋa iyi à wa bi tɛɛ, do aboɛ ŋa do aboɛ mmuɛ gɔ ŋa má. Ì kɔ̃ iri ì saabu iwɛ̃ɛ ŋa iyi ì ce do isɔ fũfũ do iyi ì ce do wura do isɔ nkpa do isɔ alala do jĩi do kuta. Mii ŋau bɛ kãma nŋa kù waa yɛ ilu, a kù waa gbɔ ide nɔ a kù nɛ kumà kãma. Nɔ Ilaaɔ̃ nŋu iyi amiɛ fei í wa si awɔ gbugbã nlaɛ, nɔ nŋui wa gbãɛ, i kù mà bɛɛrɛɛ.

Daniɛli 7:25

Inɛ nŋui á na ku maa fɔaa Ilaaɔ̃ iyi í wa leleu ide sãmi ŋa, nɔ ku jɔ̀ inɛ ŋa iyi à jɛ inɛɛ ŋau a ba wahala. Á nɛ lasabui nŋu ku kpaasi waati ŋa do wooda ŋa, nɔ a so inɛi Ilaaɔ̃ ŋau a daa si awɔ zakai adɔ̃ mɛɛta do bubu.

Daniɛli 8:12

Do kuce laalɔɛ ŋau, í ya jɔ̀ kuweei ajɔ feiu ku bɛjɛi do gbugbãɛ iyi í nɛ. Nɔ do yaase bɛɛbɛi í ya kɛkɛò inɛi lele ŋau mɔ. Í ya jɔ̀ naanɛ iyi í jɛ ntɔ ku ce nfei, nɔ mii iyi í bi ku ce fei, í ya cooi.

Daniɛli 8:24

Gbugbãɛ á la ku maa kooi, amma kaa jɛ hai si nŋu takaɛi gbugbãu wa naa. Á ce nfei mii ŋai do gbugbã nla nla. Mii iyi í dasi idɔ nŋu ku ce fei, á cooi. Á kpa ilu gbugbã ŋa, nɔ bɛɛbɛ mɔi á kpa inɛi Ilaaɔ̃ ŋau mɔ.

Daniɛli 8:25

Do saabui bisiɛi á ya ba ku zambaò inɛ ŋa. Faaui á waa si idɔ, nɔ si waati iyi laakai ku sũ í wɛɛ ntɔ ntɔ, waati bɛɛbɛi á ce nfei zamaa nkpɔ nkpɔ. Á dedeò ija si gãmɛi ilaalui ilaalu ŋa. Amma ilaalui ilaalu ŋau á lɛgɛɛi, nɔ kaa jɛ do sobii inɛ kãma.

Daniɛli 9:25

Na nŋu, iyi ì nɛ i mà nɔ i gbɔ yaaseɛ wee. Ajɔ nŋu ì gbɔ laabaau gɔ iyi wa fɔ idei kubaai aru ŋa do idei Zeruzalɛmu ku teese ku ma. To, hai waati bɛɛbɛ hee ku naa si inɛ ngbo iyi Ilaaɔ̃ í cicau, adɔ̃ mɛɛje ikɔ mɛɛje mbɛ. Si adɔ̃ mɛɛje ikɔ kita do minjii aa teese a ma iluu do bindi ku nɛ gbugbã ŋau, amma waatiu á jɛ waati kugaabu ŋa.

Kuka 28:3

Ajɔ akã fei aa ya naa amu Aɔ̃ Lafɛ̃ɛ ama angudãi adɔ̃ akã wai ara minji iyi a kù nɛ leebu gɔ nɔ a jo ŋa fei sãa sãa.

Luku 21:24

Aa maa kpa ŋa do taakuba, nɔ a mu ŋa aru si ilɛ ŋa fei. Dimi mmu ŋa aa tɛɛsɛ Zeruzalɛmuui hee waatiu koo kpaò iri.

Tɛsalonika 2, 2:4

Mbɛɛi Ilaaɔ̃i wa jɛ. Á so araɛ ku re mii fei, nɔ ku kɔ̀si Ilaaɔ̃ do mii iyi inɛ ŋa à waa tɔɔ fei. Kpasɛ̃i Ilaaɔ̃ mɔm nii á koo ku buba ku maa kpe araɛ Ilaaɔ̃.

Ebɛɛ 2:10

Do ntɔ, Ilaaɔ̃, nŋu iyi í taka mii fei nɔ wa mu fei ndɛɛ, í yɔɔ iyi í sĩa Jesu ku yɛ ijuukpã ku ba ku jɛ amanɛ iyi í kɔ̃ nɔ ku gbã amanɛ nkpɔ nkpɔ ku naaò ŋa wa si amboeɛ, domi Jesui í jɛ icui faaba nŋa.

Kuyɛi Zãa 17:14

Aa ce igũ do ama angudãu, amma ama angudãu á jɛ ŋa igũ si na iyi í jɔ̀ í jɛ Lafɛ̃ɛi lafɛ̃ɛ ŋa nɔ í jɛ ilaalui ilaalu ŋa. Nɔ ilu naanɛ ŋa iyi Ilaaɔ̃ í kpe í cica, aŋaò ama angudãu aa jɛ igũ ajɔ.