Daniɛli 7:9 - Bibeli do fee

⁹ Ŋɔi ǹ kɔ̀ ǹ wa n mɔsi do ilu ku cɔm nɔu, nɔ ǹ ba wee à jilɛ kitã ŋa iyi à jɛ ti bommau, nɔ mɔkɔ ngbo gɔ í buba si. Mɔkɔ iyi í buba si kitãu, ibɔɛ í fũutai pai pai bɛi iwu, nɔ ntoi iriɛ mɔ í fũutai bɛi ikũ ku ce acɔ. Kitãi bommaɛ iyi wa daanau, í nɛ kutɛ ŋa iyi à waa daana bɛi amɛi ina.

Daniɛli 7:9 Iomraidhean Croise

Ilaalu 1, 22:19

Ŋɔi Misee í ni, i sotĩ i gbɔ ide iyi Aɔ̃ Lafɛ̃ɛ wa fɔ. Ǹ yɛ Aɔ̃ Lafɛ̃ɛ wa buba si kitãi bommaɛ nɔ soogei lelei Aɔ̃ ŋau fei à wa kɔkɔɛ canga do njɛɛ.

Bomma 2, 18:18

Ŋɔi Misee í ni, i sotĩ i gbɔ ide iyi Aɔ̃ Lafɛ̃ɛ wa fɔ ŋa. Ǹ yɛ Aɔ̃ Lafɛ̃ɛ wa buba si kitãi bommaɛ nɔ soogei lelei Aɔ̃ ŋau fei à wa kɔkɔɛ canga do njɛɛ.

Iri ku kɔ̃ 45:8

Ì bi iyi í jɛ dee dee nɔ ì cé kuce laalɔ ŋa. Na ŋɔi í jɔ̀ Aɔ̃ Lafɛ̃ɛɛ í cicaɛ ikã, do inɔ didɔ̃ í tontooɛ ikpo si iri í nyaɛ ikã hai si inɔi kpaasiɛ ŋa.

Iri ku kɔ̃ 90:2

Hee i maa ce iri kuta ŋa, nɔ hee i maa taka andunya, awɔ Ilaaɔ̃ ì wɛɛi hai ku kpɛ, nɔ aa maa wɛɛi hee do ajɔ fei.

Iri ku kɔ̃ 93:2

Aɔ̃ Lafɛ̃ɛ, bommaɛ í wɛɛi hai ku kpɛ, nɔ á maa wɛɛi hee do ajɔ fei.

Ezai 6:1

Si adɔ̃ iyi ilaalu Oziasi í kuu bɛ, ǹ yɛ Aɔ̃ Lafɛ̃ɛ wa buba si kitãi bomma gɔ hee lele. Nɔ itĩi ibɔɛ ŋa í kɔ̃ kpasɛ̃i Ilaaɔ̃u fei.

Ezai 9:6

Á jɔ̀ yiikoɛ ku bɔ ku jĩi, nɔ ku jɔ̀ laakai ku sũ hai nɛ kɔɔ ku maa wɛɛ. Nŋui á buba si kitãi bommai Davidi nɔ nŋui á jɛ ilaalui bommau ku ba ku muaa gbugbã nɔ ku jɔ̀ ku maa leekĩ si ntɔ do si dee dee ku jɛ hai nsɛi hee do ajɔ fei. Mii iyi Aɔ̃ Lafɛ̃ɛi lele do ilɛ á ce mbɛ si kubi nlaɛ.

Zeremi 49:38

Ŋɔi Aɔ̃ Lafɛ̃ɛ í nyi í ni má, an kpa ilaalui Elamuui hee do akaweɛ ŋau fei, nɔ n jilɛ bommam si ilɛu bɛ.

Ezekiɛli 1:26

Si antaii afe iyi í wa si antaii iri nŋau, ǹ yɛ dimii kuta boogu gɔ bɛ í jɔ kitãi bommau, si antaii mii iyi í jɔ kitãi bommau ǹ yɛ mii gɔ bɛ í jɔ amanɛ.

Daniɛli 7:13

Si kuyɛm ŋa iyi ǹ ce idũu, ǹ ba wee si kudũi ijĩ wa hai lelei Aɔ̃ inɛ gɔ iyi í jɔ amanɛ í nɛ wa naa bi mɔkɔ ngbou, nɔ à gbã à naaɛ wa bi tɛɛ.

Daniɛli 7:22

Amma mɔkɔ ngbou njɛi í naa í nyaa inɛi Ilaaɔ̃ ŋau asaiya hee í koo í to waati iyi inɛi Ilaaɔ̃ ŋau à ba bommau.

Misee 5:2

Na ŋɔi í ce, Aɔ̃ Lafɛ̃ɛ á fũsi inɛɛ ŋa awɔ hee koo to waati iyi abo iyi á bí amau ku bí, nɔ inɛɛ ŋa iyi à gbe à wɛɛ si hunde ilɛ mmu a baa a na a tɔtɔɔ do inɛi Izirɛli ŋau.

Abakuku 1:12

Hai tako, awɔi ì wɛɛ, awɔi ì jɛ Aɔ̃ Lafɛ̃ɛm, Ilaaɔ̃ kumá iyi kaa ku. Aɔ̃ Lafɛ̃ɛ, awɔi ì jɛ kuta bi ku manjim, awɔi ì cica inɛi Babilɔni ŋa, ì mu nŋa gbugbã ku ba a kpã wa iju a kiiti wa.

Matie 17:2

Ŋɔi à ba wee araɛ í kpaasi. Wajuɛ wa daana jiida jiida, nɔ jaaɛ ŋa í fũuta pai pai bɛi inya kumá.

Matie 28:3

Wajuɛ wa daana bɛi kuŋɔi ijĩ nɔ nyauɛ ŋa mɔ wa fũuta bɛi iwu tafa.

Maaku 9:3

Ŋɔi jaaɛ ŋa wa daana jiida í fũuta pai pai hee inɛ gɔ kù wɛɛ si andunya ihɛ̃ iyi á yɔkɔ ku fɔ acɔɛ ku fũuta bɛɛbɛ má.

Woo bɛ ŋa 2:30

Amma si bɛi í jɛ walii, í mà iyi Ilaaɔ̃ í cea nŋu kuwãi ide gɔ do kugbasi í ni tɔkuɛ gɔ á na ku buba si kitãi bommaɛ.

Woo bɛ ŋa 2:33

Ilaaɔ̃ Baaba í soo lele í wa awɔ njɛɛ nɔ í muaa Hundeɛ iyi í wãaò wo. Nɔ nŋu mɔ í mua awa mɔ Hundeu. Nŋui ì waa yɛ nɔ ì waa gbɔ ŋa bɛ.

Filipi 3:9

nɔ n wɛɛ do nŋu. Nɔ ǹ wa n mà n kaa n yɔkɔ n jɛ dee dee na wooda ku jirima, amma ǹ jɛ dee deei si na iyi í jɔ̀ ǹ dasi Kirisi naanɛ. Dee dee ku jɛu wa naai hai bi Ilaaɔ̃ na saabui naanɛ iyi à dasiu.

Timɔtee 1, 6:16

Nŋu akãi í jɛ inɛ iyi ci ya ku. Nɔ í wa si inya kumá iyi inɛ gɔ kaa yɔkɔ ku maai si. Inɛ gɔ kù yɔɔ, nɔ inɛ gɔ kaa yɔkɔ ku yɔɔ mɔm. Nŋui í nɛ bɛɛrɛ do gbugbã iyi ci ya tã. Ami.

Zãa 1, 1:5

Laabaau iyi à gbɔ hai bi Jesu Kirisi, nɔ à waa sisi nŋɛ wee. Ilaaɔ̃i í jɛ inya kumá, ilu kuku kãma kù wa siɛ.

Kuyɛi Zãa 1:14

Ntoi iriɛ fei í fũuta pai pai bɛi iwu, nɔ ijuɛ í yɛ bɛi amɛi ina.

Kuyɛi Zãa 19:18

I naa i jɛ iŋai arai ilaalu ŋa do ti inɛ ngboi sooge ŋa do ti woo ce igũ ŋa, do ti acĩ ŋa do masa nŋa ŋa, do iŋai inɛ fei, hai aru hee do inɛ ŋa iyi à nɛ ara nŋa, keekeò nla.

Kuyɛi Zãa 20:4

Ŋɔi ǹ yɛ kitãi bomma gɔ ŋa nɔ inɛ ŋa à waa buba si. À na inɛ ŋa iyi à waa buba si ŋau yiiko a kiiti inɛ ŋa. Nɔ ǹ yɛ inɛ ŋa iyi à bu iri nŋa na idei Ilaaɔ̃ do si na iyi í jɔ̀ à jɛ sɛɛdai Jesu. Aŋai a kù tɔɔ mɛɛmuu hee má jɛ mii iyi à gbeu, nɔ a kù jɛ aŋa a nɛ nyindaɛ si ikpo nŋa walakɔ si awɔ nŋa. À dede hai si balɛ nɔ à jɛ bomma do Kirisi ajɔ adɔ̃ dubu.

Kuyɛi Zãa 4:2

Gbakã Hundei Ilaaɔ̃ í so í nɛɛm. Nɔ lelei Aɔ̃ bɛ ǹ yɛ kitãi bomma gɔ, inɛ gɔ wa buba si.