Daniɛli 7:7 - Bibeli do fee

⁷ Si anyiɛ, si kuyɛ ŋa iyi ǹ ce idũu, ǹ yɛ mɛɛmu mɛɛsia kugaabu gɔ iyi á mu inɛ njo, nɔ gbugbãɛ í ce dimi ikã ntɔ ntɔ. Inyíɛ ŋa do isɔi à coo nla nla. Í ya ŋɔ inɛi nɔ ku ga mii iyi í ba fei. Mii iyi kù waa ŋɔ, í ya tɛɛsɛɛi do kutɛɛ ŋa kú lɛgɛɛ. Inɛ nŋu í nya ikã do mɛɛmu sinte mɛɛta ŋau, nɔ í nɛ ngo mɛɛwa.

Daniɛli 7:7 Iomraidhean Croise

Samuɛli 2, 22:43

Ǹ ya n lɔlɔ ŋai a ce bɛi sãa. Ǹ ya n lɔlɔ ŋa, n jojo si ŋa bɛi pɔkɔdɔ si kpãa.

Zɔɔbu 41:14

Kɔ̃ɔɛ í nɛ gbugbã, nɔ zigii inɛ ŋa í ya da bii à wa kɔkɔɛ.

Ezekiɛli 40:2

Si kuyɛ iyi Ilaaɔ̃ í jɔ̀ ǹ ce, ǹ yɛ Ilaaɔ̃ í bɔòm ilɛi Izirɛli í koo í jilɛm hee si iri kuta kugboka gɔ. Nɔ do ikpa awɔ cangai kpãai inunu ǹ yɛ ile ŋa bɛ iyi à jɔ ilu gɔ.

Daniɛli 2:19

Ŋɔi Ilaaɔ̃ í sɔ̃ Daniɛli yaasei alau si kuyɛ iyi í ce idũ. Ŋɔi Daniɛli í saabu Ilaaɔ̃ Lafɛ̃ɛi leleu.

Daniɛli 7:13

Si kuyɛm ŋa iyi ǹ ce idũu, ǹ ba wee si kudũi ijĩ wa hai lelei Aɔ̃ inɛ gɔ iyi í jɔ amanɛ í nɛ wa naa bi mɔkɔ ngbou, nɔ à gbã à naaɛ wa bi tɛɛ.

Daniɛli 7:2

Daniɛli í ni, si kuyɛ iyi ǹ ce idũu, ǹ yɛ fufu wa naa hai bii fei wa yaga tenku nlau.

Daniɛli 8:10

Nɔ í dedeò ide ku kɔ̀ si gãmɛi inɛi lelei Aɔ̃ ŋau. Í cã inɛ gɔ ŋa í nyɔ ŋa wa ilɛ do leleaɔ̃ gɔ ŋa, nɔ í tɛɛsɛ ŋa bugu bugu.

Daniɛli 8:22

Mɛɛ ŋa iyi à fita si agbɛi iyi í cɛu bɛ mɔ, bomma mɛɛ gɔ ŋai iyi aa na a dede hai si bommau bɛ, amma gbugbã nŋa kaa too.

Zakari 2:1

Ŋɔi ǹ ce kuyɛ minjisia má, nɔ ǹ yɛ ngo mɛɛ.

Kuyɛi Zãa 12:3

Ŋɔi nyinda mmu gɔ í fita má lelei Aɔ̃. Akandama nkpa nla nla gɔ í wa bɛ, í nɛ iri mɛɛje do ngo mɛɛwa nɔ wa dasi fulai bomma si iriu akã fei.

Kuyɛi Zãa 13:1

Si anyii nŋu, ǹ yɛ mɛɛmu kugaabu gɔ wa fita wa hai inɔ tenku. Í nɛ ngo mɛɛwa do iri mɛɛje nɔ fulai bomma wa lesi ngo ŋau fei, nɔ si iri ŋau fei à kɔ iri laalɔ ŋa ikã ikã iyi wa bu Ilaaɔ̃.

Kuyɛi Zãa 17:12

Ngo mɛɛwa iyi ì yɛu, aŋai à jɛ ilaalu mɛɛwa ŋa iyi a kù jɛ bomma titã, amma aa ba yiiko a jɛ bomma isɔ akã do mɛɛmuu ajɔ.

Kuyɛi Zãa 17:7

Ŋɔi amalekau í sɔ̃m í ni, na mii í ce ì waa biti. An sisiɛ asiii abou do ti mɛɛmu kugaabu iyi í nɛ iri mɛɛje do ngo mɛɛwau.

Kuyɛi Zãa 17:8

Mɛɛmu iyi ì yɛu bɛ í wɛɛ wo amma kù wɛɛ má nsɛi. Bii í kɔ̃ɔsi à fita wa hai si isa nla hai nɛ kɔɔu ku bɔ nfe ku ce. Inɛi andunya ŋa iyi Ilaaɔ̃ kù kɔ iri nŋa si tiai kuwɛɛ hee ku maa taka andunya, aa biti bii à yɛ mɛɛmuu má, domi í tako í wɛɛ wo amma kù wɛɛ má nsɛi nɔ á na ku faata wa má.