Daniɛli 7:6 - Bibeli do fee

⁶ Si anyii nŋu, ǹ yɛ mmuɛ gɔ má iyi í yɛ bɛi muãa, nɔ nŋu mɔ í nɛ ikpai yɛi mɛɛ si anyiɛ. Mɛɛmuu í nɛ iri mɛɛ nɔ í ba gbugbã iyi á kãmia andunyau.

Daniɛli 7:6 Iomraidhean Croise

Ezekiɛli 17:3

Sɔ̃ ŋa i ni amu Aɔ̃ Lafɛ̃ɛi ǹ ni i sɔ̃ ŋa iyi kungbã nla iyi í nɛ ikpa sisɔ do nto sisɔ ku nɛ ila ikã ikãu, í bɔ hee Libãa nɔ í gũ iri kutaɛ ŋau í koo í cɛ imɔi jĩi ndii sɛɛdi wa.

Daniɛli 10:20

Ŋɔi í beem í ni, ì mà mii iyi í jɔ̀ ǹ naa bi tɛɛ? Ǹ naa ku sɔ̃ɛ bɛi tia si bii à kɔ ntɔu wa dɔ̃i. Do nŋu fei, an nyi n ce igũ mái do amaleka iyi í jɛ woo degbei Pɛɛsiu. Waati iyi an nɛ ikpa bɛ, amaleka iyi í jɛ woo degbe ilɛi Gɛrɛsiu á to wa. Nɔ inɛ kãma ci ya sobim si mbɛɛ minji ŋau bɛ ku ba ku ja, í gbe Misɛli woo degbe inɛi Izirɛli ŋa nŋu akã.

Daniɛli 2:39

Si anyiɛ, bomma mmu gɔ á naa iyi kaa toɛ do gbugbã. Si anyiɛ, bomma mɛɛtasia gɔ á naa, nŋui á jɛ bɛi isɔ nkpau, nɔ á fangaai si andunya fei.

Daniɛli 7:4

Sinteu í yɛi bɛi muusu nla nɔ í nɛ ikpa ŋa bɛi ti kungbã. Ŋɔi ǹ wa n cɔɔ, nɔ ǹ ba wee à nya ikpaɛ ŋau. Nɔ à wuu hai ilɛ à leekĩɛ si kutɛɛ ŋa bɛi amanɛ, nɔ à daa si lasabui amanɛ.

Daniɛli 7:5

Si anyii nŋu, nɔ ǹ yɛ mɛɛmu minjisiau mɔ. Inɛ nŋu í jɔ mɛɛmu kugaabu gɔ iyi í yɛ bɛi mbo, nɔ í dede í leekĩ si cingaa akã, nɔ wa mu kũkũi kpakpaa cingaa mɛɛta si gɛlɛɛ si afei inyíɛ ŋa, nɔ à sɔ̃ɔ à waa ni, dede i ŋɔ iŋa nkpɔ nkpɔ.

Ozee 13:7

Nɔ bɛbɛi, amui ǹ baa ǹ jɛ bɛi muusu nla bi iŋɛ inɛi Izirɛli ŋa. Ǹ baa ǹ yɛi bɛi muãa iyi í wa si kpãa nɔ í tã sɔɔlu ku fo ku bata mɛɛmu.

Kuyɛi Zãa 13:2

Mɛɛmu iyi ǹ yɛu í gaabu bɛi muãa, nɔ kutɛɛ í nɛ gbugbã, nɔ gɛlɛɛ í yɛ bɛi ti muusu nla. Akandamau í so gbugbãi nŋu takaɛ í naa, do kitãi bommaɛ do yiiko nlaɛ.