Daniɛli 7:5 - Bibeli do fee

⁵ Si anyii nŋu, nɔ ǹ yɛ mɛɛmu minjisiau mɔ. Inɛ nŋu í jɔ mɛɛmu kugaabu gɔ iyi í yɛ bɛi mbo, nɔ í dede í leekĩ si cingaa akã, nɔ wa mu kũkũi kpakpaa cingaa mɛɛta si gɛlɛɛ si afei inyíɛ ŋa, nɔ à sɔ̃ɔ à waa ni, dede i ŋɔ iŋa nkpɔ nkpɔ.

Daniɛli 7:5 Iomraidhean Croise

Ilaalu 2, 2:24

Ŋɔi í sinda í cɔ ŋa nɔ í ceekpe ŋa do irii Aɔ̃ Lafɛ̃ɛ. Ŋɔi mɛɛmu kugaabu minji gɔ ŋa à fita wa hai inɔ agbo nɔ à gagaga ama awaasũ ciiji do minji si inɔ nŋa.

Mɔnda ŋa 17:12

Í sĩa i ko muusu nla iyi í nyɔ amaɛ ŋa do iyi aa ko nnyɛi ajɔ iyi sũmuɛ á dede.

Ezai 56:9

Iŋɛ mɛɛmui sako ŋa fei, do iŋɛ mɛɛmui inɔ agbo ŋa fei, i naa i jɛ ŋa.

Daniɛli 11:2

Bɛbɛi, ǹ wa n sɔ̃ɛi dee dee mii iyi á na ku ce. Ilaalu ikã ikã mɛɛtai á na ku jɛ bomma si ilɛi Pɛɛsi. Si anyiɛ inɛ mɛɛsia á na ku jɛ bommau, nɔ inɛ nŋu á ko amani ku re inɛ ihɔ̃ ŋau. Waati iyi á ba gbugbã na saabui amaniɛ ŋau, á ce igũi do bommai inɛi Gɛrɛsi ŋa.

Daniɛli 2:39

Si anyiɛ, bomma mmu gɔ á naa iyi kaa toɛ do gbugbã. Si anyiɛ, bomma mɛɛtasia gɔ á naa, nŋui á jɛ bɛi isɔ nkpau, nɔ á fangaai si andunya fei.

Daniɛli 5:28

PAASINIU bɛ mɔi í jɛ mii gɔ iyi à kpɛ̃. Aa kpɛ̃a inɛi Mɛɛdi ŋa do inɛi Pɛɛsi ŋa bommaɛui.

Daniɛli 7:4

Sinteu í yɛi bɛi muusu nla nɔ í nɛ ikpa ŋa bɛi ti kungbã. Ŋɔi ǹ wa n cɔɔ, nɔ ǹ ba wee à nya ikpaɛ ŋau. Nɔ à wuu hai ilɛ à leekĩɛ si kutɛɛ ŋa bɛi amanɛ, nɔ à daa si lasabui amanɛ.

Daniɛli 7:6

Si anyii nŋu, ǹ yɛ mmuɛ gɔ má iyi í yɛ bɛi muãa, nɔ nŋu mɔ í nɛ ikpai yɛi mɛɛ si anyiɛ. Mɛɛmuu í nɛ iri mɛɛ nɔ í ba gbugbã iyi á kãmia andunyau.

Ozee 13:8

An bata ŋɛi bɛi mbo iyi í kua amaɛ ŋa. An ga gɛndɛ nŋɛi. An ŋɔ ŋɛi bɛi muusu nla iyei ama í ya ce. Mɛɛmui sako ŋa aa gagaga ŋɛi.

Kuyɛi Zãa 13:2

Mɛɛmu iyi ǹ yɛu í gaabu bɛi muãa, nɔ kutɛɛ í nɛ gbugbã, nɔ gɛlɛɛ í yɛ bɛi ti muusu nla. Akandamau í so gbugbãi nŋu takaɛ í naa, do kitãi bommaɛ do yiiko nlaɛ.