Daniɛli 7:4 - Bibeli do fee

⁴ Sinteu í yɛi bɛi muusu nla nɔ í nɛ ikpa ŋa bɛi ti kungbã. Ŋɔi ǹ wa n cɔɔ, nɔ ǹ ba wee à nya ikpaɛ ŋau. Nɔ à wuu hai ilɛ à leekĩɛ si kutɛɛ ŋa bɛi amanɛ, nɔ à daa si lasabui amanɛ.

Daniɛli 7:4 Iomraidhean Croise

Samuɛli 2, 1:23

Kuwɛɛi Saulu do Zonatãa í dɔ̃a inɛi Izirɛli ŋa si, nɔ à bi ide nŋa si kuwɛɛ nŋa fei. Nɔ si ajɔi iku nŋa a kù fɛɛfɛ njɛ. Aŋa minji fei à gbãai à re baa katɔ ŋa, nɔ gbugbã nŋa í re baa ti muusu nla ŋa.

Zɔɔbu 25:6

bɛirei amanɛ iyi í yɛ bɛi dankokoo á yɛaa, bɛirei nŋu iyi í yɛ bɛi danfɛlɛ á yɛaa.

Iri ku kɔ̃ 9:20

Aɔ̃ Lafɛ̃ɛ, dede, maà jɔ̀ amanɛ ku jɛ igũ. Jɔ̀ inɛi ilɛ ŋau a naa si wajuɛ nɔ i kiiti ŋa.

Zeremi 25:38

Aa ni bɛi muusu nla í fita hai si inɔ bi kuwaɛi. Ilɛ nŋau í baa í kpɔò gbaa na igũ hai nɛ araare iyi wa ce si ilɛu do na idɔɔkɔ̃ nla nlai Aɔ̃ Lafɛ̃ɛu.

Zeremi 4:13

Woo bɛjɛu wee wa nɛ wa bɛi kudũi ijĩ. Sarɛtiɛ ŋau à yɛi bɛi fufu dabii. Acĩɛ ŋa à gbãa à re baa katɔ. Laalɔi aa ka yɛ, domi à ce nfe mbɛ.

Zeremi 4:7

Woo ce nfei ilɛ ŋau wa nɛ wa bɛi muusu nla iyi í fita wa hai inɔ kubuɛ. Í dede wa hai inyaɛ ku ba ku ce nfei ilɛɛu. Iluɛ ŋa aa ce kuku, nɔ inɛ kãma kaa wa si.

Zeremi 48:40

Aɔ̃ Lafɛ̃ɛ í ni, mbɛɛ í yɛi bɛi yembeeku iyi wa fo, nɔ í fũ ikpaɛ ŋa si inɛi Moabu ŋau.

Zeremi 49:19

Ŋɔi Aɔ̃ Lafɛ̃ɛ í ni, an yɛi bɛi muusu nla iyi í fita wa hai si inɔ agbo iyi í wa si itĩi idoi Zuudɛ̃ɛu nɔ wa nɛ do ikpa bii mandi í wa. An lele inɛ feii anu akã, si anyiɛ nɔ n jilɛ inɛ iyi an cica ku jɛ ilaalu si ilɛi Edɔmu. Ntɔ ntɔ, yooi í yɛ bɛi amu. Yooi á yɔkɔ ku beem yaase bɛi ǹ wa n ce mii ŋa. Nɔ ilaalu yoomai á yɔkɔ ku leekĩ si wajum ku kɔ̀ ide.

Kukpata 4:19

Inɛ ŋa iyi à waa lele wa ŋau, à gbãa à re baa kungbã iyi wa fo lele. À lele wai hee si iri kuta ŋa. À koo à waa manji nwai si gbaa.

Ezekiɛli 17:3

Sɔ̃ ŋa i ni amu Aɔ̃ Lafɛ̃ɛi ǹ ni i sɔ̃ ŋa iyi kungbã nla iyi í nɛ ikpa sisɔ do nto sisɔ ku nɛ ila ikã ikãu, í bɔ hee Libãa nɔ í gũ iri kutaɛ ŋau í koo í cɛ imɔi jĩi ndii sɛɛdi wa.

Ezekiɛli 28:2

awɔ amanɛ, sɔ̃ ilaalui Tii i ni amu Aɔ̃ Lafɛ̃ɛ ǹ ni, ì so araɛ lele ì ni awɔ Ilaaɔ̃i nɔ ì ni si aninii tenkui ì koo ì wa, ì waa ce araɛ saai Ilaaɔ̃, do nŋu fei, awɔ amanɛi i kù jɛ Ilaaɔ̃.

Ezekiɛli 28:9

Waati iyi aa naa ku kpaɛ, aa jɛ i ni awɔ Ilaaɔ̃i? Aawo, awɔ amanɛi. I kù jɛ Ilaaɔ̃ si awɔi inɛ ŋa iyi à waa kpaɛ.

Daniɛli 2:38

Nŋui í so amanɛ ŋa do mɛɛmui sako ŋa do yɛi ŋa í daaɛ si awɔ ku ba aŋa fei à maa sũɛ iri ilɛ tengi bii à wa fei. Awɔi ì jɛ iri iyi à ce do wura alalau.

Daniɛli 7:12

Nɔ gbugbãi mɛɛmu iyi ihɔ̃ ŋau mɔ í kpa iri, amma do nŋu fei aa yɔkɔ a maa wɛɛ si hunde hee koo toò waati iyi à jɔ̀ nŋau.

Daniɛli 7:5

Si anyii nŋu, nɔ ǹ yɛ mɛɛmu minjisiau mɔ. Inɛ nŋu í jɔ mɛɛmu kugaabu gɔ iyi í yɛ bɛi mbo, nɔ í dede í leekĩ si cingaa akã, nɔ wa mu kũkũi kpakpaa cingaa mɛɛta si gɛlɛɛ si afei inyíɛ ŋa, nɔ à sɔ̃ɔ à waa ni, dede i ŋɔ iŋa nkpɔ nkpɔ.

Matie 24:28

Tengi bii iku í wa, bɛi yembeeku ŋa à ya tɔtɔɔ.

Wooda ku kɔsi 28:49

Aɔ̃ Lafɛ̃ɛ á jɔ̀ dimi gɔ ku naa si ŋɛ wa hai hee jĩijĩ, hai kɔɔi andunya wa. Dimiu á naa si ŋɛ wai bɛi kungbã í ya naa si sɔndaɛ, nɔ dimiu, dimi gɔi iyi i kaa gbɔ feeɛ ŋa.

Kuyɛi Zãa 13:2

Mɛɛmu iyi ǹ yɛu í gaabu bɛi muãa, nɔ kutɛɛ í nɛ gbugbã, nɔ gɛlɛɛ í yɛ bɛi ti muusu nla. Akandamau í so gbugbãi nŋu takaɛ í naa, do kitãi bommaɛ do yiiko nlaɛ.