Daniɛli 7:26 - Bibeli do fee

²⁶ Si anyii nŋu, kiiti á to wa, nɔ waati bɛɛbɛi aa gba gbugbãi bommau siɛ hee do ajɔ fei.

Daniɛli 7:26 Iomraidhean Croise

Daniɛli 11:45

Á koo gũ ilei acɔi bommaɛ ŋaui si aninii tenkuu do iri kuta kumá si ilɛ iyi í sĩa í re ilɛ ŋau. Si anyiɛ kuwɛɛɛ á kpa irii, nɔ inɛ kãma kaa sobiɛ.

Daniɛli 7:22

Amma mɔkɔ ngbou njɛi í naa í nyaa inɛi Ilaaɔ̃ ŋau asaiya hee í koo í to waati iyi inɛi Ilaaɔ̃ ŋau à ba bommau.

Tɛsalonika 2, 2:8

Si anyii nŋu, inɛ iyi wa ba Ilaaɔ̃ ku jau á faata wa nɔ amboei kunaai Lafɛ̃ɛ Jesu ku kpa iriɛ. Jesuu, nŋui á kpaa do fufui gɛlɛɛ.

Kuyɛi Zãa 11:13

Bɛ gbakã ilɛ á yaya ntɔ ntɔ, nɔ ikɔ akãi kukpɛ̃ mɛɛwai iluu á cuku. Inɛ ŋa iyi aa ku si kuyayai ilɛu, kukpɔ nŋa á to amanɛ dubu mɛɛje (7.000). Zigii inɛ ŋa iyi à gbe á da ntɔ ntɔ, nɔ aa ni Ilaaɔ̃ í la.

Kuyɛi Zãa 17:14

Aa ce igũ do ama angudãu, amma ama angudãu á jɛ ŋa igũ si na iyi í jɔ̀ í jɛ Lafɛ̃ɛi lafɛ̃ɛ ŋa nɔ í jɛ ilaalui ilaalu ŋa. Nɔ ilu naanɛ ŋa iyi Ilaaɔ̃ í kpe í cica, aŋaò ama angudãu aa jɛ igũ ajɔ.

Kuyɛi Zãa 19:2

Kiitiɛ í jɛ ntɔ, nɔ í tɛ, domi í kiiti abo à ta icu iyi í bɛjɛ andunya fei do daa laalɔɛ ŋa, nɔ í sã siɛ gbese si na iyi í jɔ̀ í nikã njɛi woo ce icɛɛ ŋa.