Daniɛli 7:25 - Bibeli do fee

²⁵ Inɛ nŋui á na ku maa fɔaa Ilaaɔ̃ iyi í wa leleu ide sãmi ŋa, nɔ ku jɔ̀ inɛ ŋa iyi à jɛ inɛɛ ŋau a ba wahala. Á nɛ lasabui nŋu ku kpaasi waati ŋa do wooda ŋa, nɔ a so inɛi Ilaaɔ̃ ŋau a daa si awɔ zakai adɔ̃ mɛɛta do bubu.

Daniɛli 7:25 Iomraidhean Croise

Ezai 37:23

Yooi ì donda, nɔ yooi ì waa bu. Yooi ì waa lasi. Amu Aɔ̃ Lafɛ̃ɛ Inɛ Kumái Izirɛliui ì wu iju lele ì waa cɔ.

Daniɛli 11:28

Si anyii nŋu, ilaalui awɔ njɛi kpãai inunuu á sinda ku nyi si ilɛɛi do amani nla nla. Si isɛɛnɛɛu lasabui mii iyi í jilɛ si nŋu ku ceu bɛi á ce si gãmɛi zamaa iyi aŋaò Ilaaɔ̃ ŋa à dĩ akabuuu ku bɛi ku sinda ku nyii si ilɛɛ.

Daniɛli 12:7

Ŋɔi inɛ iyi wa dasi jĩnɛ iyi à ce do acɔ ku nɛ sisimau í wu awɔ minjiɛ ŋau fei ikpa lelei Aɔ̃, nɔ í gbasi do irii inɛ iyi í wɛɛ hee do ajɔ feiu í ni, kukpɛi mii ŋau bɛ á cei zakai adɔ̃ mɛɛta do bubu. Nɔ á koo á leekĩi waati iyi gbugbãi inɛi Ilaaɔ̃ ŋau á kpa iri fei mam mam.

Daniɛli 2:21

Nŋui í ya kpaasi waati ŋa do mii ŋa iyi à waa ce fei. Nŋui í ya kɛkɛ ilaalu ŋa, nɔ nŋui í ya nyi ku jilɛ ŋa má. Nŋui í ya muaa ilu laakai ŋa laakai jiida, nɔ nŋui í ya jɔ̀ ilu bisi ŋa a ba kumà.

Daniɛli 3:26

Si anyii nŋu, ilaalu Nebukanɛsaa í nɛ í bɔ kɔkɔi andɛ bii à dasi ina nla nlau nɔ í ni, Sadaaki, Mesaaki do Abɛdi-Nego, iŋɛ woo ce icɛi Ilaaɔ̃ iyi í wa leleu, i fita i naa wa. Ŋɔi Sadaaki do Mesaaki do Abɛdi-Nego ŋa à fita wa hai si inɔ inau.

Daniɛli 4:17

Ì yɛ jĩi nla nla gɔ iyi í na í nɛ gbugbã ntɔ ntɔ. Jĩi nɔu í gboka hee wa bɔ ku lu lelei Aɔ̃, nɔ inɛi andunya ŋa fei à ba à waa yɔɔ.

Daniɛli 4:2

Idũ ajɔ nŋu gɔ, ǹ wa n sũ si daayim, ŋɔi ǹ ce ala hee í da zigim. Ntɔ ntɔ, lasabu ŋa iyi í naa sim si antaii daayim nɔu, do kuyɛ ŋa iyi ǹ ceu, í jɔ̀ zigim í da jiida jiida.

Daniɛli 4:25

Ide ŋa iyi Daniɛli í sɔ̃ ilaalu Nebukanɛsaau, fei ndɛɛ í na í baa.

Daniɛli 4:32

Baa do iyi inɛi andunya ŋa à kpɔ fei, a kù to nkãma si wajuɛ. Hunde ŋa iyi à wa lele hee do amanɛ ŋa iyi à wa si ilɛ ihɛ̃, bɛi í bii í ya ce nŋa. Inɛ kãma kù wɛɛ iyi á jɛ ku kɔ̀ ide si wajuɛ, nɔ inɛ kãma kaa jɛ ku beeɛ ku ni, mii ì waa ce bɛ.

Daniɛli 7:18

Amma si anyi nŋa, inɛ ŋa iyi à jɛ ti Aɔ̃ Lafɛ̃ɛi leleu, aŋai aa gba bommau. Bommau, tu ŋai á jɛ hee do ajɔ fei.

Daniɛli 7:20

Nɔ ǹ bee inɛɛu iyi í jɛ yaasei ngo mɛɛwa ŋa iyi mɛɛmuu í nɛ si iriɛu mɔ. Nɔ ǹ beeɛ iyi í jɛ yaasei ngo keeke iyi í na í fitau má nɔ í jɔ̀ mɛɛta gɔ ŋa à nya à cukuu. Inɛ nŋu í nɛ iju nɔ í nɛ gɛlɛ iyi í wasi ku fɔò idei faau, nɔ í jɔ bɛi inɛ nŋu í nɛ gbugbã í re iyi ihɔ̃ ŋau.

Daniɛli 7:8

Ŋɔi ǹ wa n cɔ ngo ŋau, nɔ ǹ ba wee gɔgɔ iyi í kere í re ŋa í fita wa má, nɔ ngo mɛɛta sinte ŋa iyi à wa bɛ ŋau à tu. Nɔ ngou í nɛ iju ŋa bɛi amanɛ, nɔ í nɛ gɛlɛ iyi wa fɔò idei faau ŋa.

Daniɛli 8:11

Ngou bɛi í ya baò baa inɛ ngboi inɛ ŋa iyi à wa lelei Aɔ̃ ŋau ija. Í ya ganji kuwee iyi à nɛ a ya ceaa ajɔ feiu, nɔ í ya riisi ile kumáɛu.

Daniɛli 8:14

Ŋɔi amaleka sinteu í jɛaa í ni, í gbe hee bii alɛ do daakɔ dubu minji do cĩɔ mɛɛta í lɔ titã (2.300), si anyiɛ a bɛi a lɔsi ile kumáu ku loo má.

Daniɛli 8:9

Hai si akã nŋai ngo keeke gɔ í fita wa, nɔ í la wa koo do ikpa awɔ cangai kpãai inunu, nɔ wa bɔ ikpa nunui daakɔ, nɔ í nyi wa nɛ ikpa ilɛ iyi í sĩa í reu má.

Daniɛli 9:27

Si waatii ankãanyii adɔ̃ mɛɛjeu, á dĩ akabuu do inɛ nkpɔ nkpɔ. Nɔ si anyii adɔ̃ mɛɛta do bubu, á jɔ̀ a leekĩ kuwee do amua ŋa ku ceu. Woo ce laalɔu, á ce laalɔ sãmiɛ ŋai anu akã hee nŋu takaɛ koo kpaò iri si bɛi à fɔ à jilɔɔ.

Ozee 7:16

À sinda à waa baa, amma kù jɛ bi tom. À yɛi bɛi bioo iyi í ka. Inɛ ngbo nŋa ŋa aa kui si igũ, na ide laalɔ ku fɔ nŋa si gãmɛm. Na ŋɔi í jɔ̀ inɛi Ezibiti ŋa aa maa yaako ŋa.

Tɛsalonika 2, 2:3

I maà jɔ̀ inɛ gɔ ku dĩ iju nŋɛ si ide kãma. Ajɔi Lafɛ̃ɛu ku bɛi ku to wa inɛ nkpɔi á fũsi naanɛ ku dasiɛ awɔ. Si anyii nŋu, inɛ iyi wa ba Ilaaɔ̃ ku jau á faata wa, nŋu iyi í jɛ amai nfe ku ce.

Tɛsalonika 2, 2:4

Mbɛɛi Ilaaɔ̃i wa jɛ. Á so araɛ ku re mii fei, nɔ ku kɔ̀si Ilaaɔ̃ do mii iyi inɛ ŋa à waa tɔɔ fei. Kpasɛ̃i Ilaaɔ̃ mɔm nii á koo ku buba ku maa kpe araɛ Ilaaɔ̃.

Tɛsalonika 2, 2:8

Si anyii nŋu, inɛ iyi wa ba Ilaaɔ̃ ku jau á faata wa nɔ amboei kunaai Lafɛ̃ɛ Jesu ku kpa iriɛ. Jesuu, nŋui á kpaa do fufui gɛlɛɛ.

Kuyɛi Zãa 12:14

Amma à na abou ikpa minjii kungbã nla ku ba ku fo ku bɔ ikpa inya iyi Ilaaɔ̃ í ceaa sɔɔluɛu si gbaa bii aa woo adɔ̃ mɛɛta do bubu. Tengi bɛi á jĩò njou.

Kuyɛi Zãa 12:6

Abou í sa í nɛ ikpa gbaa bii Ilaaɔ̃ í ceaa sɔɔlui inya bii á wa a maa woo si afei ajɔ dubu do cĩɔ minji do kita (1.260).

Kuyɛi Zãa 14:12

Na nŋu, í sĩa woo dasi naanɛ ŋa a temua, aŋa iyi à waa jirima woodai Ilaaɔ̃ ŋa nɔ à dasi Jesu naanɛ.

Kuyɛi Zãa 16:6

Inɛ ŋau à kpa woo dasi naanɛ ŋa do walii ŋa à nikã njɛ nŋa, nɔ ì na ŋa njɛ a mɔ. Bɛɛbɛi à jɔò.

Kuyɛi Zãa 17:6

Nɔ ǹ yɛ abou í mɔ njɛi woo dasi naanɛ ŋa iyi à kpa si na iyi í jɔ̀ à jɛ sɛɛdai Jesu, nɔ iriɛ í sinda bɛi atɛ̃ vɛ̃ɛ í ya sinda irii inɛ. Iyi ǹ yɔɔ, ǹ biti ntɔ ntɔ.

Kuyɛi Zãa 18:24

À nyisi ilui Babilɔni ijuukpã si na iyi í jɔ̀ à yɛ siɛ njɛi walii ŋa do ti woo dasi naanɛ ŋa do njɛi inɛ ŋa iyi à kpa si andunyau ihɛ̃ fei.