Daniɛli 7:24 - Bibeli do fee

²⁴ Ngo mɛɛwa ŋau bɛ, ilaalu mɛɛwa mbɛ. Aŋai aa na a jɛ ilaalu akã akã si bommau. Ilaalu maatakãsia gɔ á na ku naa. Inɛ nŋu á nya ikã do inɛ ihɔ̃ ŋau. Nŋui á na ku gba bommau, nɔ ku kɛkɛ ilaalu mɛɛta iyi ihɔ̃ ŋau.

Daniɛli 7:24 Iomraidhean Croise

Daniɛli 11:36

Mii iyi ilaaluu í bii á ce. Á so araɛ lele, á maa tɔɔ fufu si iwɛ̃ ŋau fei, nɔ á maa fɔ ide hai nɛ yaase ŋa si gãmɛi Ilaaɔ̃ nŋu iyi í jɛ irii mii fei. Mii iyi wa ce fei, á maa nɛi hee idɔɔkɔ̃i Ilaaɔ̃ koo dedeò. Waati bɛɛbɛi Ilaaɔ̃ á ce mii iyi í dasi idɔ ku ceu.

Daniɛli 2:41

Nɔ do yaase bɛi ì yɛ kutɛɛ do amaasɛɛ, gɔgɔ ŋa à jɛ do amà, nɔ gɔgɔ ŋa mɔ à jɛ do isɔu, bɛɛbɛi bommau bɛ mɔ á na ku kpɛ̃, amma ngɔgɔ á gbeaa iyi á jɛ gbugbãi isɔ, domi ì waa yɔɔ iyi isɔu í yɔgɛɛ do amài.

Daniɛli 7:20

Nɔ ǹ bee inɛɛu iyi í jɛ yaasei ngo mɛɛwa ŋa iyi mɛɛmuu í nɛ si iriɛu mɔ. Nɔ ǹ beeɛ iyi í jɛ yaasei ngo keeke iyi í na í fitau má nɔ í jɔ̀ mɛɛta gɔ ŋa à nya à cukuu. Inɛ nŋu í nɛ iju nɔ í nɛ gɛlɛ iyi í wasi ku fɔò idei faau, nɔ í jɔ bɛi inɛ nŋu í nɛ gbugbã í re iyi ihɔ̃ ŋau.

Daniɛli 7:23

Ŋɔi inɛɛu í sɔ̃m í ni, mɛɛmu mɛɛsiau bɛ, bomma mɛɛsia iyi á naa si ilɛ mbɛ, nɔ inɛ nŋu á nya ikãi do bomma mmu ŋa iyi à gbe si ilɛ ihɛ̃ fei. Bomma inɛ nŋu, mii iyi í wa si andunyau fei, á jɔɔi. Á tɛɛsɛ mii feii ku lɛgɛ ŋa do kutɛɛ, nɔ ku ga ŋa.

Kuyɛi Zãa 12:3

Ŋɔi nyinda mmu gɔ í fita má lelei Aɔ̃. Akandama nkpa nla nla gɔ í wa bɛ, í nɛ iri mɛɛje do ngo mɛɛwa nɔ wa dasi fulai bomma si iriu akã fei.

Kuyɛi Zãa 13:1

Si anyii nŋu, ǹ yɛ mɛɛmu kugaabu gɔ wa fita wa hai inɔ tenku. Í nɛ ngo mɛɛwa do iri mɛɛje nɔ fulai bomma wa lesi ngo ŋau fei, nɔ si iri ŋau fei à kɔ iri laalɔ ŋa ikã ikã iyi wa bu Ilaaɔ̃.

Kuyɛi Zãa 17:3

Ŋɔi Hundei Ilaaɔ̃ í naa sim nɔ amalekau í bɔòm gbaa. Bɛi, ǹ yɛ abo gɔ wa buba si antaii mɛɛmu kugaabu nkpa gɔ. Mɛɛmuu í nɛ iri mɛɛje do ngo mɛɛwa nɔ à kɔ si araɛ fei iri laalɔ ku bu Ilaaɔ̃.