Daniɛli 7:22 - Bibeli do fee

²² Amma mɔkɔ ngbou njɛi í naa í nyaa inɛi Ilaaɔ̃ ŋau asaiya hee í koo í to waati iyi inɛi Ilaaɔ̃ ŋau à ba bommau.

Daniɛli 7:22 Iomraidhean Croise

Iri ku kɔ̃ 149:5

Inɛ dee dee ŋa a ya maa jojo do inɔ didɔ̃, si na iyi í jɔ̀ Aɔ̃ Lafɛ̃ɛ í jɛ igũ na iri nŋa. Nɔ baa si antaii daayi nŋa, a ya maa dɔ̃ anu do inɔ didɔ̃.

Ezai 63:4

Ntɔ ntɔ, ǹ wa n lasabu si ajɔ iyi an jaa inɛm ŋa, nɔ adɔ̃i ku ya nŋaui í to wa bɛ.

Daniɛli 7:18

Amma si anyi nŋa, inɛ ŋa iyi à jɛ ti Aɔ̃ Lafɛ̃ɛi leleu, aŋai aa gba bommau. Bommau, tu ŋai á jɛ hee do ajɔ fei.

Daniɛli 7:23

Ŋɔi inɛɛu í sɔ̃m í ni, mɛɛmu mɛɛsiau bɛ, bomma mɛɛsia iyi á naa si ilɛ mbɛ, nɔ inɛ nŋu á nya ikãi do bomma mmu ŋa iyi à gbe si ilɛ ihɛ̃ fei. Bomma inɛ nŋu, mii iyi í wa si andunyau fei, á jɔɔi. Á tɛɛsɛ mii feii ku lɛgɛ ŋa do kutɛɛ, nɔ ku ga ŋa.

Matie 19:28

Nɔ Jesu í sɔ̃ ŋa í ni, ntɔ ntɔ ǹ wa n sɔ̃ ŋɛi, waati iyi Ilaaɔ̃ á ce mii fei titɔ̃ nɔ amu Amai Amanɛ n maa n buba si batai bomma ilu amboem, iŋɛ amanɛ maateeji iyi ì waa toom ŋau ihɛ̃, iŋɛ mɔ aa buba si batai bommau i kiitiò dimi maateejii inɛi Izirɛli ŋau.

Tɛsalonika 2, 2:8

Si anyii nŋu, inɛ iyi wa ba Ilaaɔ̃ ku jau á faata wa nɔ amboei kunaai Lafɛ̃ɛ Jesu ku kpa iriɛ. Jesuu, nŋui á kpaa do fufui gɛlɛɛ.

Kuyɛi Zãa 1:6

Nɔ í tɔtɔɔ wa í jɛ ilaalu nwa, í ce wa woo weei Ilaaɔ̃ baaɛ. Amboe do gbugbã ku jɛ tɛɛ hee do ajɔ fei. Ami.

Kuyɛi Zãa 20:4

Ŋɔi ǹ yɛ kitãi bomma gɔ ŋa nɔ inɛ ŋa à waa buba si. À na inɛ ŋa iyi à waa buba si ŋau yiiko a kiiti inɛ ŋa. Nɔ ǹ yɛ inɛ ŋa iyi à bu iri nŋa na idei Ilaaɔ̃ do si na iyi í jɔ̀ à jɛ sɛɛdai Jesu. Aŋai a kù tɔɔ mɛɛmuu hee má jɛ mii iyi à gbeu, nɔ a kù jɛ aŋa a nɛ nyindaɛ si ikpo nŋa walakɔ si awɔ nŋa. À dede hai si balɛ nɔ à jɛ bomma do Kirisi ajɔ adɔ̃ dubu.

Kuyɛi Zãa 3:21

Inɛ iyi í jɛ igũ, lafɛ̃ɛi an jɔ̀ ku bam ku buba si kitãi bommam, si bɛi amu mɔ ǹ jɛ igũ nɔ ǹ buba do Baam si kitãi bommaɛ.

Kuyɛi Zãa 5:10

Nɔ ì tɔtɔɔ ŋa ì jɛ ilaalu nŋa, ì ce ŋa woo weei Ilaaɔ̃ Lafɛ̃ɛ nwa, nɔ aŋai aa jɛ bomma si andunyau.