Daniɛli 7:21 - Bibeli do fee

²¹ Ŋɔi ǹ wa n cɔ ngou, nɔ ǹ ba wee wa ba inɛi Ilaaɔ̃ ŋau igũ ku ce hee wa bi ku kãmia ŋa.

Daniɛli 7:21 Iomraidhean Croise

Daniɛli 11:31

Á jɔ̀ sooge ŋa a koo a leekĩ bi idĩ iyi wa jɛ gbugbãi kpasɛ̃i Ilaaɔ̃ui. Sooge ŋau aa lɔ si ile kumáui a jɔ̀ ku so riisi. Aa ganji inɛ ŋa a cea Ilaaɔ̃ kuweei ajɔ feiu ku ba a jilɛ mii laalɔ iyi á ce asɔɔi mii ŋa si tengi bi ku ce kuweeu.

Daniɛli 12:7

Ŋɔi inɛ iyi wa dasi jĩnɛ iyi à ce do acɔ ku nɛ sisimau í wu awɔ minjiɛ ŋau fei ikpa lelei Aɔ̃, nɔ í gbasi do irii inɛ iyi í wɛɛ hee do ajɔ feiu í ni, kukpɛi mii ŋau bɛ á cei zakai adɔ̃ mɛɛta do bubu. Nɔ á koo á leekĩi waati iyi gbugbãi inɛi Ilaaɔ̃ ŋau á kpa iri fei mam mam.

Daniɛli 7:20

Nɔ ǹ bee inɛɛu iyi í jɛ yaasei ngo mɛɛwa ŋa iyi mɛɛmuu í nɛ si iriɛu mɔ. Nɔ ǹ beeɛ iyi í jɛ yaasei ngo keeke iyi í na í fitau má nɔ í jɔ̀ mɛɛta gɔ ŋa à nya à cukuu. Inɛ nŋu í nɛ iju nɔ í nɛ gɛlɛ iyi í wasi ku fɔò idei faau, nɔ í jɔ bɛi inɛ nŋu í nɛ gbugbã í re iyi ihɔ̃ ŋau.

Daniɛli 8:12

Do kuce laalɔɛ ŋau, í ya jɔ̀ kuweei ajɔ feiu ku bɛjɛi do gbugbãɛ iyi í nɛ. Nɔ do yaase bɛɛbɛi í ya kɛkɛò inɛi lele ŋau mɔ. Í ya jɔ̀ naanɛ iyi í jɛ ntɔ ku ce nfei, nɔ mii iyi í bi ku ce fei, í ya cooi.

Daniɛli 8:24

Gbugbãɛ á la ku maa kooi, amma kaa jɛ hai si nŋu takaɛi gbugbãu wa naa. Á ce nfei mii ŋai do gbugbã nla nla. Mii iyi í dasi idɔ nŋu ku ce fei, á cooi. Á kpa ilu gbugbã ŋa, nɔ bɛɛbɛ mɔi á kpa inɛi Ilaaɔ̃ ŋau mɔ.

Daniɛli 8:9

Hai si akã nŋai ngo keeke gɔ í fita wa, nɔ í la wa koo do ikpa awɔ cangai kpãai inunu, nɔ wa bɔ ikpa nunui daakɔ, nɔ í nyi wa nɛ ikpa ilɛ iyi í sĩa í reu má.

Kuyɛi Zãa 17:14

Aa ce igũ do ama angudãu, amma ama angudãu á jɛ ŋa igũ si na iyi í jɔ̀ í jɛ Lafɛ̃ɛi lafɛ̃ɛ ŋa nɔ í jɛ ilaalui ilaalu ŋa. Nɔ ilu naanɛ ŋa iyi Ilaaɔ̃ í kpe í cica, aŋaò ama angudãu aa jɛ igũ ajɔ.

Kuyɛi Zãa 17:6

Nɔ ǹ yɛ abou í mɔ njɛi woo dasi naanɛ ŋa iyi à kpa si na iyi í jɔ̀ à jɛ sɛɛdai Jesu, nɔ iriɛ í sinda bɛi atɛ̃ vɛ̃ɛ í ya sinda irii inɛ. Iyi ǹ yɔɔ, ǹ biti ntɔ ntɔ.

Kuyɛi Zãa 19:19

Ŋɔi ǹ yɛ mɛɛmu kugaabuu do ilaalui andunya ŋa do woo ce igũ nŋa ŋa, aŋa fei à tɔtɔɔ ku ba a ce igũ do inɛ iyi wa gũ acĩu do woo ce igũɛ ŋa.