Daniɛli 7:20 - Bibeli do fee

²⁰ Nɔ ǹ bee inɛɛu iyi í jɛ yaasei ngo mɛɛwa ŋa iyi mɛɛmuu í nɛ si iriɛu mɔ. Nɔ ǹ beeɛ iyi í jɛ yaasei ngo keeke iyi í na í fitau má nɔ í jɔ̀ mɛɛta gɔ ŋa à nya à cukuu. Inɛ nŋu í nɛ iju nɔ í nɛ gɛlɛ iyi í wasi ku fɔò idei faau, nɔ í jɔ bɛi inɛ nŋu í nɛ gbugbã í re iyi ihɔ̃ ŋau.

Daniɛli 7:20 Iomraidhean Croise

Daniɛli 7:11

Ŋɔi ǹ kɔ̀ ǹ mɔsi n wa n cɔ ngo keekeu na idei faau ŋa iyi í wasi ku fɔu. Amma si kucɔm nɔu ǹ na ǹ ba wee à kpa mɛɛmuu, nɔ à soo à dasi ina í jo.

Daniɛli 7:19

Si anyiɛ, ŋɔi ǹ bi n mà yaasei mɛɛmu mɛɛsia iyi í nya ikã do iyi ihɔ̃ ŋau dee dee. Inɛ nŋu mɛɛmu kugaabu gɔi ntɔ ntɔ. Inyíi isɔ ŋai í nɛ, nɔ isɔ nkpai í jɛ cikãasɛɛ ŋa. Í ya ŋɔ mii iyi í bai nɔ ku gaa. Mii iyi kù waa ŋɔ, í ya tɛɛsɛɛi do kutɛɛ ŋa kú lɛgɛɛ.

Daniɛli 7:21

Ŋɔi ǹ wa n cɔ ngou, nɔ ǹ ba wee wa ba inɛi Ilaaɔ̃ ŋau igũ ku ce hee wa bi ku kãmia ŋa.

Daniɛli 7:23

Ŋɔi inɛɛu í sɔ̃m í ni, mɛɛmu mɛɛsiau bɛ, bomma mɛɛsia iyi á naa si ilɛ mbɛ, nɔ inɛ nŋu á nya ikãi do bomma mmu ŋa iyi à gbe si ilɛ ihɛ̃ fei. Bomma inɛ nŋu, mii iyi í wa si andunyau fei, á jɔɔi. Á tɛɛsɛ mii feii ku lɛgɛ ŋa do kutɛɛ, nɔ ku ga ŋa.

Daniɛli 7:7

Si anyiɛ, si kuyɛ ŋa iyi ǹ ce idũu, ǹ yɛ mɛɛmu mɛɛsia kugaabu gɔ iyi á mu inɛ njo, nɔ gbugbãɛ í ce dimi ikã ntɔ ntɔ. Inyíɛ ŋa do isɔi à coo nla nla. Í ya ŋɔ inɛi nɔ ku ga mii iyi í ba fei. Mii iyi kù waa ŋɔ, í ya tɛɛsɛɛi do kutɛɛ ŋa kú lɛgɛɛ. Inɛ nŋu í nya ikã do mɛɛmu sinte mɛɛta ŋau, nɔ í nɛ ngo mɛɛwa.

Daniɛli 7:8

Ŋɔi ǹ wa n cɔ ngo ŋau, nɔ ǹ ba wee gɔgɔ iyi í kere í re ŋa í fita wa má, nɔ ngo mɛɛta sinte ŋa iyi à wa bɛ ŋau à tu. Nɔ ngou í nɛ iju ŋa bɛi amanɛ, nɔ í nɛ gɛlɛ iyi wa fɔò idei faau ŋa.

Kuyɛi Zãa 12:3

Ŋɔi nyinda mmu gɔ í fita má lelei Aɔ̃. Akandama nkpa nla nla gɔ í wa bɛ, í nɛ iri mɛɛje do ngo mɛɛwa nɔ wa dasi fulai bomma si iriu akã fei.