Daniɛli 7:2 - Bibeli do fee

² Daniɛli í ni, si kuyɛ iyi ǹ ce idũu, ǹ yɛ fufu wa naa hai bii fei wa yaga tenku nlau.

Daniɛli 7:2 Iomraidhean Croise

Ezai 17:12

Zamaa nkpɔ nkpɔ wa dɔ̃ anu bɛi ibai tenku ŋa. Zamaa nkpɔ nkpɔu wa ce ibai bɛi ibai inyi nla nla ŋa.

Zeremi 49:36

Nɔ an jɔ̀ hai gonta mɛɛi andunyau, fufu ku naa si Elamu wa. An fangaa inɛi Elamu ŋaui bii fei. Inɛi Elamu ŋa aa sa a koo a manjii si andunya fei.

Zeremi 51:42

Inyii tenku í naa si Babilɔni nɔ í biiɛ do kutãngãm nkpɔ nkpɔɛ ŋau.

Daniɛli 11:4

Waati iyi á na ku dedeu, bommaɛu á lɛgɛi nɔ ku kpɛ̃ ikɔ mɛɛ bɛi fufu iyi wa naa hai bii fei. Bommau kaa jɛ ti tɔkuɛ ŋa, nɔ kaa nɛ gbugbã má bɛi í tako í nɛu wo, domi aa wu icãi bommaui nɔ ku baa ku jɛ ti inɛ mmu ŋa, aŋa a kaa ba má.

Daniɛli 2:19

Ŋɔi Ilaaɔ̃ í sɔ̃ Daniɛli yaasei alau si kuyɛ iyi í ce idũ. Ŋɔi Daniɛli í saabu Ilaaɔ̃ Lafɛ̃ɛi leleu.

Daniɛli 7:13

Si kuyɛm ŋa iyi ǹ ce idũu, ǹ ba wee si kudũi ijĩ wa hai lelei Aɔ̃ inɛ gɔ iyi í jɔ amanɛ í nɛ wa naa bi mɔkɔ ngbou, nɔ à gbã à naaɛ wa bi tɛɛ.

Daniɛli 7:7

Si anyiɛ, si kuyɛ ŋa iyi ǹ ce idũu, ǹ yɛ mɛɛmu mɛɛsia kugaabu gɔ iyi á mu inɛ njo, nɔ gbugbãɛ í ce dimi ikã ntɔ ntɔ. Inyíɛ ŋa do isɔi à coo nla nla. Í ya ŋɔ inɛi nɔ ku ga mii iyi í ba fei. Mii iyi kù waa ŋɔ, í ya tɛɛsɛɛi do kutɛɛ ŋa kú lɛgɛɛ. Inɛ nŋu í nya ikã do mɛɛmu sinte mɛɛta ŋau, nɔ í nɛ ngo mɛɛwa.

Daniɛli 8:2

Si kuyɛu, mii iyi ǹ yɛ wee. Ǹ yɔɔ iyi ǹ wa Suze ilu nlai ku kpɛ̃i ilɛi Elamu iyi í wa itĩi ido gɔ iyi à ya kpe Ulai.

Daniɛli 8:8

Iwo kombou í na í la ntɔ ntɔ, amma waati iyi í na í nɛ gbugbã bɛɛbɛ, ngoɛ í cɛ. Ŋɔi ngo ku nɛ gbugbã mɛɛ gɔ ŋa à fita si agbɛɛ à waa cɔ hai do ikpa bii fufui gonta mɛɛi lele ŋau à waa naa.

Zakari 6:5

Nɔ í jɛɛm í ni, fufu mɛɛ ŋau mbɛ. Bi Lafɛ̃ɛi andunya feii à bɔ wo, amma bɛbɛi à fita à waa nɛ.

Matie 24:31

Kãakãakĩ nla nla á dɔ̃ anu nɔ n bɛ amalekam ŋa wa si andunya gonta mɛɛu. Aŋai aa tɔtɔɔ inɛ ŋa iyi ǹ cica si andunyau fei.

Kuyɛi Zãa 17:15

Nɔ amalekau í sɔ̃m má í ni, inyi iyi ì yɛ abo à ce sakarau wa buba si antaiɛu bɛ, nŋui í jɛ inɛ nkpɔ iyi wa naa hai ilɛ ikã ikã nɔ à waa fɔ fee ikã ikã.

Kuyɛi Zãa 7:1

Si anyii nŋu, ǹ yɛ amaleka mɛɛ gɔ ŋa à waa leekĩ si andunya gonta mɛɛ, à waa ganji fufui andunya gonta mɛɛu ku ce si ilɛ do si tenku nɔ ku maà yaga jĩi gɔ.