Daniɛli 7:18 - Bibeli do fee

¹⁸ Amma si anyi nŋa, inɛ ŋa iyi à jɛ ti Aɔ̃ Lafɛ̃ɛi leleu, aŋai aa gba bommau. Bommau, tu ŋai á jɛ hee do ajɔ fei.

Daniɛli 7:18 Iomraidhean Croise

Iri ku kɔ̃ 45:16

À gbã ŋa wai do anu ku dɔ̃i inɔ didɔ̃ nla nla à lɔò ŋa wa si inɔ kabai ilaaluu.

Iri ku kɔ̃ 49:14

Inɛ ŋa iyi à waa naanɛ ara nŋa do inɛ ŋa iyi à ya bi inɛ ŋa a maa desi aŋa itĩ, yaase bɛi kuwɛɛ nŋa í ya kpa iri mbɛ. Kusĩmi.

Ezai 14:2

Inɛi ilɛ mmu ŋai aa gbã inɛi Izirɛli ŋa a baaò ŋa wa si ilɛ nŋa, nɔ inɛi Izirɛli ŋa aa gba ŋai a jɛ tubu nŋa. Nɔ tengi bɛ, si ilɛ iyi í jɛ ti Aɔ̃ Lafɛ̃ɛu, inɛi Izirɛli ŋau aa mu inɛmɔkɔ do inaabo ŋa arui. Inɛ ŋa iyi à tako à mu ŋa aru wo, aŋa mɔ aa mu lafɛ̃ɛ ŋa arui. Izirɛlii á baa ku jɛ lafɛ̃ɛi inɛ ŋa iyi à tako à kãmiaɛ ŋau wo.

Daniɛli 7:14

Inɛ iyi à naaò wau, à naa gbugbã do bɛɛrɛ do yiikoi ilaalu. Nɔ zamaa fei do dimi fei do fee fei à lɔsi icɛ ku ceaa. Gbugbãɛ á maa wɛɛi hee do ajɔ fei, kaa nɛ kɔɔ, nɔ bommaɛ kaa cuku pai.

Daniɛli 7:17

Í ni, mɛɛmu nla mɛɛ ŋau bɛ, ilaalu mɛɛ mbɛ iyi aa na a naa si ilɛ.

Daniɛli 7:22

Amma mɔkɔ ngbou njɛi í naa í nyaa inɛi Ilaaɔ̃ ŋau asaiya hee í koo í to waati iyi inɛi Ilaaɔ̃ ŋau à ba bommau.

Daniɛli 7:25

Inɛ nŋui á na ku maa fɔaa Ilaaɔ̃ iyi í wa leleu ide sãmi ŋa, nɔ ku jɔ̀ inɛ ŋa iyi à jɛ inɛɛ ŋau a ba wahala. Á nɛ lasabui nŋu ku kpaasi waati ŋa do wooda ŋa, nɔ a so inɛi Ilaaɔ̃ ŋau a daa si awɔ zakai adɔ̃ mɛɛta do bubu.

Daniɛli 7:27

Waati bɛɛbɛ, hai bommau do gbugbãɛ do kulai bomma ŋa iyi à wa si andunyau fei, ti inɛi Ilaaɔ̃ ŋaui á jɛ. Bommau á maa wɛɛi hee do ajɔ fei, nɔ ilu gbugbã ŋau fei aa gbɔ ideɛi nɔ a maa cea icɛ.

Abudiasi 1:17

Amma si iri kutai Siɔ̃ɔ iyi aa nya ikã má ku jɛ titom nɔui inɛ ŋa iyi à ba à fita si ŋau aa wa. Tɔkui Zakɔbu ŋa aa gba ilɛ nŋa má hai bi inɛ ŋa iyi à jɛ ŋa igũ wo à gbaau.

Luku 1:33

Nŋui á jɛ bomma si dimii Zakɔbu do ajɔ fei. Bommaɛ kaa nɛ kɔɔ.

Kɔrɛnti 1, 6:2

I kù mà ŋa iyi woo dasi naanɛ ŋai aa na a kiiti inɛi andunya ŋa? Nɔ bii iŋɛi aa kiiti inɛi andunya ŋa, debɛi i kaa yɔkɔ i kiiti baa ide keeke ŋa?

Efɛɛzu 1:3

I jɔ̀ ka saabu Ilaaɔ̃ Baai Lafɛ̃ɛ nwa Jesu Kirisi. Na saabui anu akã nwa do Kirisi, í wee nwa do didɔ̃ ikã ikã iyi Hundeɛ wa mu nwa wa hai lele.

Efɛɛzu 6:12

domi kù jɛ do amanɛ ŋai à waa ja. À waa jai do ilu iri laalɔi lele ŋa do ilu yiiko ŋa, do gbugbãi andunyai ilu kuku ŋau ihɛ̃, do inɛi inɔɔko woo ce icɛi Seetam ŋa.

Kuyɛi Zãa 20:4

Ŋɔi ǹ yɛ kitãi bomma gɔ ŋa nɔ inɛ ŋa à waa buba si. À na inɛ ŋa iyi à waa buba si ŋau yiiko a kiiti inɛ ŋa. Nɔ ǹ yɛ inɛ ŋa iyi à bu iri nŋa na idei Ilaaɔ̃ do si na iyi í jɔ̀ à jɛ sɛɛdai Jesu. Aŋai a kù tɔɔ mɛɛmuu hee má jɛ mii iyi à gbeu, nɔ a kù jɛ aŋa a nɛ nyindaɛ si ikpo nŋa walakɔ si awɔ nŋa. À dede hai si balɛ nɔ à jɛ bomma do Kirisi ajɔ adɔ̃ dubu.

Kuyɛi Zãa 22:5

Idũ kaa ya dũ bɛ. A kaa nɛ bukaatai inya kumái fitila walakɔ ti inunu, domi Aɔ̃ Lafɛ̃ɛi á jɛ inya kumá nŋa. Aa nɔ a jɛ bomma hee do ajɔ fei.

Kuyɛi Zãa 3:21

Inɛ iyi í jɛ igũ, lafɛ̃ɛi an jɔ̀ ku bam ku buba si kitãi bommam, si bɛi amu mɔ ǹ jɛ igũ nɔ ǹ buba do Baam si kitãi bommaɛ.

Kuyɛi Zãa 5:10

Nɔ ì tɔtɔɔ ŋa ì jɛ ilaalu nŋa, ì ce ŋa woo weei Ilaaɔ̃ Lafɛ̃ɛ nwa, nɔ aŋai aa jɛ bomma si andunyau.