Daniɛli 7:14 - Bibeli do fee

¹⁴ Inɛ iyi à naaò wau, à naa gbugbã do bɛɛrɛ do yiikoi ilaalu. Nɔ zamaa fei do dimi fei do fee fei à lɔsi icɛ ku ceaa. Gbugbãɛ á maa wɛɛi hee do ajɔ fei, kaa nɛ kɔɔ, nɔ bommaɛ kaa cuku pai.

Daniɛli 7:14 Iomraidhean Croise

Iri ku kɔ̃ 102:22

Si bɛɛbɛ, aa maa sisi idei Aɔ̃ Lafɛ̃ɛ Siɔ̃ɔ, nɔ a maa cũu si ilui Zeruzalɛmu.

Iri ku kɔ̃ 103:19

Aɔ̃ Lafɛ̃ɛ í jilɛ kitãi bommaɛi lelei Aɔ̃, nɔ bommaɛui í wa antaii mii fei.

Iri ku kɔ̃ 145:13

Bommaɛ, bomma gɔi iyi á maa wɛɛ hee do ajɔ fei. Nɔ gbugbãi bommaɛu á maa wɛɛi hee si tɔku do tɔku ŋa fei. Aɔ̃ Lafɛ̃ɛ, awɔ ilu naanɛi si kuwãɛ ŋa fei. Ì ya nyisi kubiɛi si mii ŋa iyi ì waa ce fei.

Iri ku kɔ̃ 146:10

Aɔ̃ Lafɛ̃ɛ á jɛ bommai hee do ajɔ fei. Siɔ̃ɔ, Aɔ̃ Lafɛ̃ɛɛ á maa wɛɛi si tɔku do tɔku ŋa. I saabu Aɔ̃ Lafɛ̃ɛ ŋa.

Iri ku kɔ̃ 45:6

Afaɛ ŋa à gbe anu, à waa lu idɔi mbɛɛɛ ŋa nɔ inɛ ŋa à wasi ku cuku.

Iri ku kɔ̃ 72:11

Ilaalu ŋau fei aa sɛɛbatai si wajuɛ, nɔ dimi ŋau fei aa sũa iri ilɛi,

Iri ku kɔ̃ 72:17

Bɛi inunu í ya maa fita waati kãma fei jɔ̀ iriɛ ku maa wɛɛ hee do ajɔ fei. Jɔ̀ inɛ ŋa a ya maa kpe iriɛ waati iyi à waa weea njɛ fei, nɔ inɛi ilɛ ŋa fei a fɔ a maa ni, ilu inɔ didɔ̃i.

Iri ku kɔ̃ 8:6

Wee ì nɔ ì jɔ̀ í la í maai si amaleka ŋa, nɔ ì jɔ̀ í nɛ amboe do bɛɛrɛ.

Ezai 16:5

bommau á nyi ku ba gbugbã mái na saabui jiida ku jɛ. Nɔ waati bɛɛbɛ inɛ mmu gɔ iyi í jɛ tɔkui Davidii á buba si bommau do dee dee ku jɛ. Inɛ nŋu á jɛ woo kiiti iyi lasabuɛ í wa si mii iyi í tɛ, nɔ á jɛ inɛ iyi á ya bi mii iyi í jɛ dee dee.

Ezai 60:12

Ilɛ gɔ, walakɔ bomma gɔ iyi í kɔ̀ ku ceɛ icɛ fei, í nɛ ku kpa irii. Ilɛ dimi bɛɛbɛ ŋa aa na a tãi mam mam.

Ezai 9:6

Á jɔ̀ yiikoɛ ku bɔ ku jĩi, nɔ ku jɔ̀ laakai ku sũ hai nɛ kɔɔ ku maa wɛɛ. Nŋui á buba si kitãi bommai Davidi nɔ nŋui á jɛ ilaalui bommau ku ba ku muaa gbugbã nɔ ku jɔ̀ ku maa leekĩ si ntɔ do si dee dee ku jɛ hai nsɛi hee do ajɔ fei. Mii iyi Aɔ̃ Lafɛ̃ɛi lele do ilɛ á ce mbɛ si kubi nlaɛ.

Ezai 9:7

Aɔ̃ Lafɛ̃ɛ í fɔ si tɔkui Zakɔbu ŋa ide, nɔ ideu í cuku si ŋa aŋa inɛi bommai Izirɛli ŋau.

Daniɛli 2:35

Ŋɔi anu akã, isɔu do amàu do isɔ nkpau do isɔ fũfũu do wurau, fei ndɛɛ í baa í ce fufu, hee fufu iyi wa ce í soo wa nɛò bɛi fɔfɔ ŋa iyi fufu í ya so ku maa nɛò waati iyi à waa fɛ amaajɛ ŋa hee inɛ kaa yɛ baa tuubaɛ mɔm. Amma kuta iyi í naa í lɛgɛ mii iyi à gbeu, í baa í ce iri kuta nla nla, nɔ í gba andunyau fei.

Daniɛli 2:37

Ilaalu, awɔi ì la ì re ilaalu ŋa fei. Ilaaɔ̃ Lafɛ̃ɛi leleui í jɔ̀ ì jɛ bomma, nɔ í muuɛ gbugbã do bɛɛrɛ.

Daniɛli 2:44

Si waatii ilaalu ŋau bɛ, Ilaaɔ̃ Lafɛ̃ɛi lele á jilɛ bomma gɔ iyi kaa ce nfe ajɔ kãma, nɔ kaa jɛ arui dimi mmu kãma gɔ má. Bommau á lɛgɛ bomma ŋa iyi à cuaa wa ŋau feii, nɔ ku kpa irii kuwɛɛ nŋa. Bommau á maa wɛɛi hee do ajɔ fei.

Daniɛli 3:4

Ŋɔi inɛ iyi í jɛ inɛ ngboi bukiu í dede í dɔ̃ anu do gbugbã í ni, wooda iyi à waa na iŋɛ zamaau fei, do dimi fei, do fee ikã ikã ŋau fei wee.

Daniɛli 4:3

Ǹ na woodai ǹ ni a jɔ̀ woo mài Babilɔni ŋau fei a naa wa bi titom ku ba a tusɛɛm yaasei ala iyi ǹ ceu ihɛ̃.

Daniɛli 6:26

Si anyiɛ, ilaalu Dariusi í kɔa zamaau fei, do dimi fei, do fee ŋa iyi à wa si andunyau fei. Nɔ í ni, laakai ku sũ nla nla ku wɛɛ do iŋɛ.

Daniɛli 7:18

Amma si anyi nŋa, inɛ ŋa iyi à jɛ ti Aɔ̃ Lafɛ̃ɛi leleu, aŋai aa gba bommau. Bommau, tu ŋai á jɛ hee do ajɔ fei.

Daniɛli 7:27

Waati bɛɛbɛ, hai bommau do gbugbãɛ do kulai bomma ŋa iyi à wa si andunyau fei, ti inɛi Ilaaɔ̃ ŋaui á jɛ. Bommau á maa wɛɛi hee do ajɔ fei, nɔ ilu gbugbã ŋau fei aa gbɔ ideɛi nɔ a maa cea icɛ.

Abudiasi 1:21

Woo jɛ igũ ŋai aa jɛ nɔ aa mɔsi hee antaii iri kutai Siɔ̃ɔ. Bɛi aa buba a maa jɛ inɛ ngboi inɛi Edɔmu ŋa. Do yaase bɛɛbɛi Aɔ̃ Lafɛ̃ɛ á jɛò bomma.

Misee 4:7

An jɔ̀ inɛ ŋa iyi à ba kumɛɛ à waa sukutɛ ŋau, a fita si. Inɛ ŋa iyi à waa jɛ inɛ njoo si ilɛ mmu, an jɔ̀ a baa a jɛ inɛ ŋa iyi ilɛ nŋa í nɛ gbugbã. Nɔ amu Aɔ̃ Lafɛ̃ɛi an jɛ ilaalu nŋa hai waati bɛɛbɛ hee do ajɔ fei si iri kutai Siɔ̃ɔ.

Matie 11:27

Nɔ í sɔ̃ inɛ ŋa í ni, Baam nii í daam mii fei si awɔ. Inɛ kãma kù mà amu Amau bii kù jɛ Baau. Nɔ inɛ kãma kù mà Baau bii kù jɛ amu Amau do inɛ ŋa iyi ǹ bi n nyisi ŋa.

Matie 28:18

Ŋɔi Jesu í sɛkɛɛ si ŋa wa í ni, yiikoi lele do ti ilɛ fei à nam nii.

Luku 1:33

Nŋui á jɛ bomma si dimii Zakɔbu do ajɔ fei. Bommaɛ kaa nɛ kɔɔ.

Luku 10:22

Baam nii í daam mii fei si awɔ. Inɛ kãma kù mà amu Amau bii kù jɛ Baau. Nɔ inɛ kãma kù mà Baau bii kù jɛ amu Amau do inɛ ŋa iyi ǹ bi n nyisi ŋa.

Laabaau jiida iyi Zãa í kɔ 12:34

Ŋɔi zamaau í sɔ̃ɔ í ni, à gbɔ si tiai wooda nwa ŋa iyi inɛ iyi Ilaaɔ̃ í cicau á maa wɛɛi hee do ajɔ fei. Bɛirei í ce ì waa ni kù nɛ bɛi á ce iyi a kù so Amai Amanɛ hai ilɛ a kɔaɛ lele. Yooi í jɛ Amai Amanɛu.

Laabaau jiida iyi Zãa í kɔ 3:35

Ilaaɔ̃ Baaba í bi Amaɛ nɔ í daa mii fei si awɔ.

Ebɛɛ 12:28

Na nŋu, ka saabu Ilaaɔ̃ domi à nɛ bomma iyi kaa yaya nɔ ka tɔɔɛ si bɛi í bi nɔ ka mà bɛɛrɛɛ ka jirimaɛ.

Piɛɛ 1, 3:22

nŋu iyi í bɔ lele nɔ wa buba si awɔ njɛi Ilaaɔ̃. Bɛi amaleka ŋa do ilu yiikoi lele ŋa do ilu gbugbã ŋa à waa sũaa iri ilɛ.

Kuyɛi Zãa 1:6

Nɔ í tɔtɔɔ wa í jɛ ilaalu nwa, í ce wa woo weei Ilaaɔ̃ baaɛ. Amboe do gbugbã ku jɛ tɛɛ hee do ajɔ fei. Ami.

Kuyɛi Zãa 11:15

Si anyii nŋu, amaleka mɛɛjesiau í fã kãakãakĩɛ. Ŋɔi à gbɔ anu ku dɔ̃ nla nla gɔ ŋa lelei Aɔ̃ à ni, à sindoa Aɔ̃ Lafɛ̃ɛ nwa do inɛ iyi í cicau bommai andunyau, nɔ á jɛ bomma hee do ajɔ fei.

Kuyɛi Zãa 17:14

Aa ce igũ do ama angudãu, amma ama angudãu á jɛ ŋa igũ si na iyi í jɔ̀ í jɛ Lafɛ̃ɛi lafɛ̃ɛ ŋa nɔ í jɛ ilaalui ilaalu ŋa. Nɔ ilu naanɛ ŋa iyi Ilaaɔ̃ í kpe í cica, aŋaò ama angudãu aa jɛ igũ ajɔ.

Kuyɛi Zãa 3:21

Inɛ iyi í jɛ igũ, lafɛ̃ɛi an jɔ̀ ku bam ku buba si kitãi bommam, si bɛi amu mɔ ǹ jɛ igũ nɔ ǹ buba do Baam si kitãi bommaɛ.