Daniɛli 7:13 - Bibeli do fee

¹³ Si kuyɛm ŋa iyi ǹ ce idũu, ǹ ba wee si kudũi ijĩ wa hai lelei Aɔ̃ inɛ gɔ iyi í jɔ amanɛ í nɛ wa naa bi mɔkɔ ngbou, nɔ à gbã à naaɛ wa bi tɛɛ.

Daniɛli 7:13 Iomraidhean Croise

Iri ku kɔ̃ 110:2

Hai Siɔ̃ɔ, Aɔ̃ Lafɛ̃ɛ á jɔ̀ gbugbãi bommaɛ ku bɔi hee jĩijĩ, nɔ nŋui á jɔ̀ i kãmia mbɛɛ ŋa iyi à kaakoɛ.

Iri ku kɔ̃ 2:8

Í sɔ̃m má í ni, tɔɔm nɔ n naɛ ilɛ ŋau a jɛ tubuɛ. Andunyau fei titɛɛi á jɛ.

Iri ku kɔ̃ 47:5

Í cica nwa ilɛu í jɛ tubu nwa. À nɛ si inɔ didɔ̃ ntɔ ntɔ awa iyi à jɛ tɔkui Zakɔbu ŋa iyi í biu. Kusĩmi.

Zeremi 49:19

Ŋɔi Aɔ̃ Lafɛ̃ɛ í ni, an yɛi bɛi muusu nla iyi í fita wa hai si inɔ agbo iyi í wa si itĩi idoi Zuudɛ̃ɛu nɔ wa nɛ do ikpa bii mandi í wa. An lele inɛ feii anu akã, si anyiɛ nɔ n jilɛ inɛ iyi an cica ku jɛ ilaalu si ilɛi Edɔmu. Ntɔ ntɔ, yooi í yɛ bɛi amu. Yooi á yɔkɔ ku beem yaase bɛi ǹ wa n ce mii ŋa. Nɔ ilaalu yoomai á yɔkɔ ku leekĩ si wajum ku kɔ̀ ide.

Ezekiɛli 1:26

Si antaii afe iyi í wa si antaii iri nŋau, ǹ yɛ dimii kuta boogu gɔ bɛ í jɔ kitãi bommau, si antaii mii iyi í jɔ kitãi bommau ǹ yɛ mii gɔ bɛ í jɔ amanɛ.

Daniɛli 2:44

Si waatii ilaalu ŋau bɛ, Ilaaɔ̃ Lafɛ̃ɛi lele á jilɛ bomma gɔ iyi kaa ce nfe ajɔ kãma, nɔ kaa jɛ arui dimi mmu kãma gɔ má. Bommau á lɛgɛ bomma ŋa iyi à cuaa wa ŋau feii, nɔ ku kpa irii kuwɛɛ nŋa. Bommau á maa wɛɛi hee do ajɔ fei.

Daniɛli 7:12

Nɔ gbugbãi mɛɛmu iyi ihɔ̃ ŋau mɔ í kpa iri, amma do nŋu fei aa yɔkɔ a maa wɛɛ si hunde hee koo toò waati iyi à jɔ̀ nŋau.

Daniɛli 7:2

Daniɛli í ni, si kuyɛ iyi ǹ ce idũu, ǹ yɛ fufu wa naa hai bii fei wa yaga tenku nlau.

Daniɛli 7:22

Amma mɔkɔ ngbou njɛi í naa í nyaa inɛi Ilaaɔ̃ ŋau asaiya hee í koo í to waati iyi inɛi Ilaaɔ̃ ŋau à ba bommau.

Daniɛli 7:9

Ŋɔi ǹ kɔ̀ ǹ wa n mɔsi do ilu ku cɔm nɔu, nɔ ǹ ba wee à jilɛ kitã ŋa iyi à jɛ ti bommau, nɔ mɔkɔ ngbo gɔ í buba si. Mɔkɔ iyi í buba si kitãu, ibɔɛ í fũutai pai pai bɛi iwu, nɔ ntoi iriɛ mɔ í fũutai bɛi ikũ ku ce acɔ. Kitãi bommaɛ iyi wa daanau, í nɛ kutɛ ŋa iyi à waa daana bɛi amɛi ina.

Daniɛli 8:15

Si waati iyi amu Daniɛli ǹ wa n cɔ kuyɛu nɔ ǹ wa n dɛdɛ n gbɔ yaaseɛ, waati bɛɛbɛi inɛ gɔ iyi í yɛ bɛi inɛmɔkɔ kaasãanɛ gɔ í faata wa í naa í leekĩ si wajum.

Matie 13:41

Amu Amai Amanɛ, an bɛ amalekam ŋa wa a na a nya inɛ ŋa iyi à waa dasi inɛ ŋa kurara do woo ce laalɔ ŋau a tekĩò ŋa hai tengi bii an na n jɛ bommam,

Matie 24:30

Waati bɛɛbɛ nyindai amu Amai Amanɛ á fita lelei Aɔ̃. Nɔ dimii andunya ŋa fei aa le awɔ si iri a maa kpataò. Aa yɛ amu Amai Amanɛ ǹ wa n naa si kudũi ijĩ do gbugbã nla nla do amboe.

Matie 25:31

Ŋɔi Jesu í ni má, si waati iyi amu Amai Amanɛ an naa do amboem do amaleka ŋau fei, an buba si batai bomma ilu amboem.

Matie 26:64

Ŋɔi Jesu í jɛaa í ni, awɔi ì fɔɔ. Amma ǹ wa n sɔ̃ ŋɛi, aa yɛ amu Amai Amanɛ ǹ wa n buba awɔ njɛi Ilaaɔ̃ ilu gbugbã fei. Bɛɛbɛ mɔi aa na i yɛm ŋa ajɔ akã ǹ wa n naa si kudũi ijĩ má.

Matie 28:18

Ŋɔi Jesu í sɛkɛɛ si ŋa wa í ni, yiikoi lele do ti ilɛ fei à nam nii.

Matie 8:20

Nɔ Jesu í sɔ̃ɔ í ni, mɛɛmu ŋa à nɛ kolo ŋa nɔ baa yɛi ŋa mɔ à nɛ bi ku sũ. Amma amu Amai Amanɛ n kù nɛ bii an koo n sũ n sĩmi.

Maaku 13:26

Waati bɛɛbɛ inɛ ŋa aa yɛ amu Amai Amanɛ, ǹ wa n naa si kudũi ijĩ do gbugbã nla nla gɔ do amboe.

Luku 21:27

Waati bɛɛbɛi inɛ ŋa aa yɛ amu Amai Amanɛ n faata wa si kudũi ijĩ do gbugbã nla nla do amboe.

Luku 21:36

Na nŋu, i cɔ kpãa i maa ceò kutɔɔ ŋa waati kãma fei ku ba i ba gbugbã i gbã si mii iyi wa naa fei ŋa, nɔ i yɔkɔ i leekĩ si wajui amu Amai Amanɛ ŋa.

Luku 24:27

Ŋɔi í sisi nŋa ide iyi à fɔ si kukɔi idei Ilaaɔ̃ fei si gãmɛi nŋu takaɛ. Í sintiɛi hai si tiai Moizi ŋa do ti walii ŋau fei.

Laabaau jiida iyi Zãa í kɔ 12:34

Ŋɔi zamaau í sɔ̃ɔ í ni, à gbɔ si tiai wooda nwa ŋa iyi inɛ iyi Ilaaɔ̃ í cicau á maa wɛɛi hee do ajɔ fei. Bɛirei í ce ì waa ni kù nɛ bɛi á ce iyi a kù so Amai Amanɛ hai ilɛ a kɔaɛ lele. Yooi í jɛ Amai Amanɛu.

Laabaau jiida iyi Zãa í kɔ 3:13

Inɛ gɔ kù wɛɛ iyi í bɔ lelei Aɔ̃ bii kù jɛ amu Amai Amanɛ, amu iyi ǹ kita wa hai lelei Aɔ̃.

Laabaau jiida iyi Zãa í kɔ 5:27

Nɔ í muum kpãa n kiitiò inɛ ŋa, si na iyi í jɔ̀ ǹ jɛ Amai Amanɛ.

Woo bɛ ŋa 7:56

Ŋɔi í ni, i gbɔ ŋa, ǹ yɛ lele í cĩ nɔ Amai Amanɛ wa leekĩ do ikpa awɔ njɛi Ilaaɔ̃.

Tɛsalonika 1, 4:17

Si anyii nŋu, awa iyi à wɛɛ si hunde si waati bɛɛbɛ, á so wa awaò ŋa ajɔ si kudũi ijĩ, nɔ ka ko Lafɛ̃ɛ lele bɛ. Si bɛɛbɛi aa ka maa wɛɛ do Lafɛ̃ɛ hee do ajɔ fei.

Timɔtee 1, 6:16

Nŋu akãi í jɛ inɛ iyi ci ya ku. Nɔ í wa si inya kumá iyi inɛ gɔ kaa yɔkɔ ku maai si. Inɛ gɔ kù yɔɔ, nɔ inɛ gɔ kaa yɔkɔ ku yɔɔ mɔm. Nŋui í nɛ bɛɛrɛ do gbugbã iyi ci ya tã. Ami.

Ebɛɛ 2:14

Si bɛi amu ŋau à nɛ ara do njɛ, Jesu takaɛ í na í so ara bɛi aŋa mɔ. Í ce bɛɛbɛi ku ba na saabui ikuɛ ku kpa gbugbãi Seetam, nŋu iyi í nɛ gbugbãi iku wo,

Ebɛɛ 9:24

À mà sãa sãa iyi Kirisi kù lɔ ile kumá iyi amanɛ ŋa à ce. Kù lɔ ile kumá iyi í jɔ bi kuwa ntɔ ntɔi Ilaaɔ̃u, amma í lɔi hee lele takaɛ nɔ nsɛi wa leekĩ si wajui Ilaaɔ̃ na iri nwa.

Kuyɛi Zãa 1:13

Nɔ ǹ yɛ inɛ gɔ í jɔ amanɛ wa leekĩ si aninii bi ku lesi fitila ŋau. Wa dasi ibɔ sisɔ nɔ wa dĩ santiikii wura si kpakaɛ.

Kuyɛi Zãa 1:18

Amui ǹ jɛ ilu hunde. Ǹ tako ǹ ku wo amma nsɛi ǹ wɛɛ hee do ajɔ fei. Ǹ nɛ gbugbã si antaii iku nɔ ǹ wa n mu kileei bi kuwai iku ŋa.

Kuyɛi Zãa 1:7

Wee wa naa si kudũi ijĩ. Nɔ ijui inɛ fei á yɔɔ, baa inɛ ŋa iyi à gũu à kpaa. Dimi ikã ikãi andunya fei á kpata na iriɛ. Bɛɛbɛi á ce. Ami.

Kuyɛi Zãa 14:14

Si anyii nŋu, nɔ ǹ yɛ anduulai ijĩ gɔ, inɛ gɔ wa buba bɛ í jɔ amanɛ. Wa dasi fulai wurai amanlu si iriɛ, nɔ wa mu kɔɔma ku dɔ̃ anu gɔ.