Daniɛli 7:10 - Bibeli do fee

¹⁰ Ina iyi í yɛ bɛi inyii ido, í faata wa nɔ wa cã si wajui mɔkɔ ngbou. Amanɛ dubu nkpɔ nkpɔi wa ceaa icɛ. Amanɛ dubu mɛɛwa ikɔ dubu mɛɛwai wa leekĩ si wajuɛ. Inɛ ngbo woo kiiti ŋa à waa buba bɛ, nɔ à cĩ tia ŋa.

Daniɛli 7:10 Iomraidhean Croise

Ilaalu 1, 22:19

Ŋɔi Misee í ni, i sotĩ i gbɔ ide iyi Aɔ̃ Lafɛ̃ɛ wa fɔ. Ǹ yɛ Aɔ̃ Lafɛ̃ɛ wa buba si kitãi bommaɛ nɔ soogei lelei Aɔ̃ ŋau fei à wa kɔkɔɛ canga do njɛɛ.

Bomma 2, 18:18

Ŋɔi Misee í ni, i sotĩ i gbɔ ide iyi Aɔ̃ Lafɛ̃ɛ wa fɔ ŋa. Ǹ yɛ Aɔ̃ Lafɛ̃ɛ wa buba si kitãi bommaɛ nɔ soogei lelei Aɔ̃ ŋau fei à wa kɔkɔɛ canga do njɛɛ.

Zɔɔbu 25:3

Yooi í mà jiai soogeɛ ŋa. Mà yooi inunuɛ kù waa máa inya.

Iri ku kɔ̃ 103:21

I cĩ Aɔ̃ Lafɛ̃ɛ ŋa, iŋɛ sooge woo ce icɛɛ ŋau iyi ì waa ce idɔɔbiɛ ŋa.

Iri ku kɔ̃ 18:8

Ilɛ í yaya nɔ í sɛkɛɛ. Icui iri kuta ŋa à yaya. À yayai na idɔɔkɔ̃i Aɔ̃ Lafɛ̃ɛ iyi í dede.

Iri ku kɔ̃ 50:3

Aɔ̃ Lafɛ̃ɛ nŋu iyi wa naa, ci ya coko, si wajuɛ ina nla gɔ wa jo, nɔ fufu nla gɔ í kaakoɛ.

Iri ku kɔ̃ 68:17

Awɔ iri kuta iyi ì nɛ afe nkpɔ nkpɔ iyi í gboka, na mii í jɔ̀ ì waa ce igu do iri kuta bii Ilaaɔ̃ í bi nŋu ku wau. Ntɔ ntɔ, bɛi Aɔ̃ Lafɛ̃ɛ í ce bi kuwaɛ hee do ajɔ fei.

Ezai 30:27

Aɔ̃ Lafɛ̃ɛ wa naai hai jĩijĩ. Idɔɔkɔ̃ɛ í yɛi bɛi ina iyi wa jo, nɔ ijuukpã iyi wa naaò wa í wo ntɔ ntɔ. Ide ŋa iyi wa fita wa hai si gɛlɛɛ fei, do idɔɔkɔ̃i. Nɔ ideɛ í yɛi bɛi ina iyi á ce asɔɔ.

Ezai 30:33

Hai ku kpɛi à ce sɔɔlui jĩi ŋa à tɔtɔɔɛ. À cooi na irii ilaalu si afe gɔ iyi í cĩ nɔ í jĩisa. Tengi bɛi aa dasi jĩi nkpɔ nkpɔu ina. Fufui kumii Aɔ̃ Lafɛ̃ɛi á dasi inau, nɔ inau á dedei bɛi inai fainwita.

Daniɛli 12:1

Ŋɔi amalekau í bam ide ku fɔ má í ni, si waatiu bɛi Misɛli inɛ ngboi amaleka ŋau á faata wa, nŋu iyi í jɛ inɛ iyi á kɔ̀ò zamaaɛu. Waatiu, waatii wahalai á jɛ iyi a kù yɛ dimiɛ bii kãma hee ku naa si waatiu bɛ. Si waatiu bɛ, inɛɛ ŋa iyi à kɔ iri nŋa si tiai kuwɛɛu fei, aa ba a fita si.

Daniɛli 7:22

Amma mɔkɔ ngbou njɛi í naa í nyaa inɛi Ilaaɔ̃ ŋau asaiya hee í koo í to waati iyi inɛi Ilaaɔ̃ ŋau à ba bommau.

Daniɛli 7:26

Si anyii nŋu, kiiti á to wa, nɔ waati bɛɛbɛi aa gba gbugbãi bommau siɛ hee do ajɔ fei.

Zakari 14:5

Angbɔɔu á bɔi hee Asali. Bɛi aa too i saò ŋa. Aa sa ŋai bɛi bala nŋɛ ŋa mɔ à saa kuyayai ilɛ wo, si waatii Oziasi ilaalui Zudaa. Waati bɛɛbɛi Aɔ̃ Lafɛ̃ɛm á naa do amalekaɛ ŋa fei.

Matie 25:31

Ŋɔi Jesu í ni má, si waati iyi amu Amai Amanɛ an naa do amboem do amaleka ŋau fei, an buba si batai bomma ilu amboem.

Wooda ku kɔsi 33:2

Í ni, Aɔ̃ Lafɛ̃ɛ í naai hai iri kutai Sinai. Bɛi inunu í ya dede, bɛɛbɛi í dede wa hai ilɛi Seii hai bi iri kutai Parãa ŋau í máa inɛɛ ŋau inya. Í naa bi inɛɛ ŋaui do amaleka dubu nkpɔ nkpɔ, nɔ wa mu wooda gɔ wa iyi í yɛ bɛi ina si awɔ njɛɛ.

Ebɛɛ 1:14

Debɛi, mii amaleka ŋa à jɛ. Aŋa fei à jɛ hunde ŋa iyi à waa cea Ilaaɔ̃ icɛ. Aŋai í ya bɛ a koo a sobi inɛ ŋa iyi aa ba faaba.

Ebɛɛ 12:22

Amma iŋɛ, iri kutai Siɔ̃ɔi ì sɛkɛɛ si ŋa, bii ilui Ilaaɔ̃ nŋu iyi í wɛɛ í wa. Iluu, nŋui í jɛ Zeruzalɛmui lele, tengi bii amaleka ŋa à ya tɔtɔɔ nkpɔ nkpɔ do inɔ didɔ̃.

Zudu 1:14

Enɔku mɔ iyi í jɛ tɔku mɛɛjesiai Adamu í ce walii na iri nŋa í ni, Aɔ̃ Lafɛ̃ɛ wee wa naa do amaleka kumáɛ ŋa bututu,

Kuyɛi Zãa 11:18

Dimii andunya fei í damɔɔ. Amma idɔɔkɔ̃ɛ í to wa. Waati í to i kiiti iku ŋa. Waati í nɔ í to i na woo ce icɛɛ ŋa riba nŋa, hai walii ŋa do woo dasi naanɛ ŋa hee do inɛ ŋa iyi à waa jirimaɛ ŋa fei, hai keekeò nlaɛ. Waati í to i ce nfei inɛ ŋa iyi à waa ce nfei andunya.

Kuyɛi Zãa 5:11

Iyi ǹ cɔ ilu má nɔ ǹ gbɔ anui amaleka nkpɔ gɔ ŋa, kukpɔ nŋa í to dubu nkpɔ nkpɔ. À kaako kitãi bommau do ilu hunde ŋau do inɛ ngbo ŋau.