Daniɛli 7:1 - Bibeli do fee

¹ Si adɔ̃ sintei bommai ku jɛi Bɛlisasaa ilaalui Babilɔni, Daniɛli í ce ala nɔ í yɛ mii nkpɔ nkpɔ. Wa sũi si daayiɛ í bɛi í ce kuyɛu. Si anyiɛ í bɛi í kɔ ala iyi í ceu. Ideu wee.

Daniɛli 7:1 Iomraidhean Croise

Kusintii Andunya 15:1

Si anyii nŋu bɛ nɔ Aɔ̃ Lafɛ̃ɛ í ba Aburamu ide ku fɔ si kuyɛ í ni, Aburamu, maà ce njo, amui ǹ jɛ tɛliɛ . Ribaɛ á la ntɔ ntɔ.

Kusintii Andunya 46:2

Nɔ si idũ akãu bɛ í ce kuyɛ. Si kuyɛɛu í ba wee Ilaaɔ̃ í naa í ba nŋu ide ku fɔ. Í kpoo í ni, Zakɔbu, Zakɔbu. Nɔ Zakɔbu í jɛ í ni, amu wee.

Zɔɔbu 4:13

Waati iyi inɛ í ya maa lasabu do zigiida si kuyɛ ŋa iyi í ce idũ, do si waati iyi amanɛ ŋa à waa sĩ njoo,

Ezai 30:8

Ŋɔi Aɔ̃ Lafɛ̃ɛ í sɔ̃ Ezai í ni, kɔ ideu ihɛ̃ si wajui inɛi Zeruzalɛmu ŋa si kuta bii à ya kɔsi gɔ, nɔ i kɔɔ si tia gɔ. Iyi bɛi á jɛ sɛɛda hee do ajɔ fei si waati iyi wa naa do waju.

Ezai 8:1

Si anyii nŋu, ŋɔi Aɔ̃ Lafɛ̃ɛ í sɔ̃m í ni, so kuta nla nla, nɔ i kɔ si kutau ku sĩa bɛi inɛ fei á gbɔ yaaseɛ. Ideu wee. Ce ńya i wusɛ amani ŋau nɔ i ko iyi ì ba si igũu wa.

Zeremi 23:28

Si anyiɛ, ŋɔi Aɔ̃ Lafɛ̃ɛ í ni má, walii iyi í ce àla, ku ya ku sisia inɛ ŋa idei àlaɛ iyi í ce. Nɔ inɛ mɔ iyi ǹ ba ide ku fɔ, ku ya ku sisia inɛ ŋa idem dee dee. Amma i maà ya yɔgɛɛ fɔfɔ do ijui amaajɛ ŋa.

Zeremi 27:7

Zamaai andunyau fei á maa ceaa icɛi nŋu do amaɛ do tɔkuɛ hee koo to waati iyi ilɛi nŋu takaɛ mɔ á na ku maa ceaa ilɛ ŋa do ilaalu ŋa iyi à roo do gbugbã ŋau icɛ.

Zeremi 36:32

Ŋɔi Zeremi í so tia mmuɛ má í na Baruku woo kɔ tia iyi wa jɛ amai Neriau. Nɔ Baruku í kɔ ide ŋa iyi Zeremi wa sɔ̃ɔu fei má si tiau bɛi í tako í ce si ti tako iyi Zoakimu ilaalui Zudaa í jou. Si tia iyi ihɛ̃, ide nkpɔ nkpɔ ku jɔ njɛ ŋai à nyi à kɔ̃ɔsi má.

Zeremi 36:4

Ŋɔi Zeremi í kpe Baruku amai Neria, nɔ ide ŋa iyi Aɔ̃ Lafɛ̃ɛ wa sɔ̃ɔu fei nŋu mɔ wa sɔ̃ Baruku, nɔ Baruku wa kɔ ide ŋau fei si tia.

Ezekiɛli 1:1

Si adɔ̃ kuntaasia iyi ǹ nɛ si cukpa mɛɛsiaɛ si ajɔ miiusia, waati iyi à mu ilaalu Zoakɛ̃ɛ à nɛòɛ ilɛ mmu í ce adɔ̃ miiu, amu Ezekiɛli ǹ wa si inɔi aru ŋa iyi à mu à nɛò itĩi idoi Kebaa. Ŋɔi ǹ ce kuyɛ. Si kuyɛu ǹ yɛ lelei Aɔ̃ í cĩ nɔ Aɔ̃ Lafɛ̃ɛ wa bam ide ku fɔ.

Ezekiɛli 40:2

Si kuyɛ iyi Ilaaɔ̃ í jɔ̀ ǹ ce, ǹ yɛ Ilaaɔ̃ í bɔòm ilɛi Izirɛli í koo í jilɛm hee si iri kuta kugboka gɔ. Nɔ do ikpa awɔ cangai kpãai inunu ǹ yɛ ile ŋa bɛ iyi à jɔ ilu gɔ.

Daniɛli 1:17

Ŋɔi Ilaaɔ̃ í muaa awaasũ mɛɛ ŋau kumà, nɔ í jɔ̀ à mà yaasei mii fei ku wũaa si gãmɛi tia ku kɔ do kukaɛ, nɔ í jɔ̀ à jɛ ilu laakai. Si antaii iyi bɛ ŋa, í jɔ̀ Daniɛli í mà yaasei kuyɛ ŋa do ala ŋa fei ku tusɛ.

Daniɛli 2:1

Nebukanɛsaa í ce ala si adɔ̃ minjisiai bomma ku jɛɛ. Alau í jɔ̀ í biti ntɔ ntɔ hee njoo í nya siɛ.

Daniɛli 2:26

Ŋɔi ilaaluu í bee Daniɛli nŋu iyi à ya nyi a kpe Bɛlitasaa máu í ni, aa yɔkɔ i sisi ala iyi ǹ ceu nɔ i tusɛɛm yaaseɛ?

Daniɛli 4:13

Lasabui amanɛ ku jɛɛu á kpaasii, nɔ idɔi mɛɛmui á sãasi. Nɔ bɛɛbɛi á maa wɛɛ hee adɔ̃ mɛɛje.

Daniɛli 4:5

Hee do ankãanyii Daniɛli nŋu iyi à ya nyi a kpe Bɛlitasaa má si yaasei kukpei iwɛ̃m í na í naa bi titom. Daniɛliu inɛ nŋu njɛ í nɛ iwɛ̃ jiida ŋa. Ŋɔi ǹ sisiaa alau.

Daniɛli 5:1

Ajɔ nŋu gɔ, ilaalu Bɛlisasaa í nya jingau nla nla ti akawe nlaɛ ŋa. Akawe ŋau à wɛɛi aŋa dubu. Ŋɔi si wajui inɛ dubu ŋau, í lɔsi atɛ̃ vɛ̃ɛ ku mɔ.

Daniɛli 5:22

Nɔ awɔ Bɛlisasaa amaɛ i kù jɛ ku kaye araɛ baa do iyi ì mà ide ŋau bɛ fei.

Daniɛli 5:30

Si idũ akãu bɛ mɔi à kpa Bɛlisasaa ilaalui inɛi Kaladee ŋau.

Daniɛli 7:13

Si kuyɛm ŋa iyi ǹ ce idũu, ǹ ba wee si kudũi ijĩ wa hai lelei Aɔ̃ inɛ gɔ iyi í jɔ amanɛ í nɛ wa naa bi mɔkɔ ngbou, nɔ à gbã à naaɛ wa bi tɛɛ.

Daniɛli 7:15

Ŋɔi amu Daniɛli, ideu í mum biti hee si lɛlɛi idɔm ntɔ ntɔ. Mii iyi ǹ yɛu, í mum njo ntɔ ntɔ.

Daniɛli 7:7

Si anyiɛ, si kuyɛ ŋa iyi ǹ ce idũu, ǹ yɛ mɛɛmu mɛɛsia kugaabu gɔ iyi á mu inɛ njo, nɔ gbugbãɛ í ce dimi ikã ntɔ ntɔ. Inyíɛ ŋa do isɔi à coo nla nla. Í ya ŋɔ inɛi nɔ ku ga mii iyi í ba fei. Mii iyi kù waa ŋɔ, í ya tɛɛsɛɛi do kutɛɛ ŋa kú lɛgɛɛ. Inɛ nŋu í nya ikã do mɛɛmu sinte mɛɛta ŋau, nɔ í nɛ ngo mɛɛwa.

Daniɛli 8:1

Si adɔ̃ mɛɛtasiai bomma ku jɛi ilaalu Bɛlisasaa, amu Daniɛli ǹ ce kuyɛ gɔ si anyii iyi ǹ tako ǹ yɛu.

Amɔsu 3:7

Ntɔ ntɔ Aɔ̃ Lafɛ̃ɛ kaa ce ngɔgɔ iyi kù sɔ̃ walii woo ce icɛɛ ŋa si asii titã.

Abakuku 2:2

Ŋɔi Aɔ̃ Lafɛ̃ɛ í jɛɛm í ni, kɔ ide iyi ǹ sɔ̃ɛ si kuyɛ. Kɔɔ si kuta ku munga anu ŋau bɛi inɛ á yɔkɔ ku cioɛ sãa sãa.

Kuka 12:6

Nɔ í sɔ̃ ŋa í ni, i de itĩ i gbɔ idem ku ce ncɛɛ ŋa, bii walii gɔ í wa inɔ nŋɛ, si kuyɛi amu Aɔ̃ Lafɛ̃ɛ ǹ ya n nyisiɛ aram, nɔ si alai ǹ ya n baa ide ku fɔ.

Romu 15:4

Mii iyi à kɔ tako fei wo, à kɔɔi ku ba ku kɔ wa nɔ ka nɛ kpãa ku cɔ hai si kukɔi idei Ilaaɔ̃, iyi wa mu nwa gbugbã do temua.

Kɔrɛnti 2, 12:1

Debɛi í gbe n tɔɔ fufu, baa bii í jɛ kù nɛ aranfãani gɔ. Amma nsɛi an fɔ idei kuyɛ do kukɔsi iyi Lafɛ̃ɛ í nyisim.

Kuyɛi Zãa 1:19

Na nŋu, kɔ iyi ì yɛ, iyi wa ce nsɛi do iyi á na ku ce si anyiɛ.

Kuyɛi Zãa 10:4

Iyi kulai ijĩ tuuba mɛɛje ŋau à lɔ, gbakã ǹ tã sɔɔlu n kɔ ide nŋau. Amma ǹ gbɔ ide ku fɔ gɔ wa hai lele wa ni, maà ti i kɔ ide iyi kulai ijĩ tuuba mɛɛje ŋau à fɔ. Muu si asii.