Daniɛli 6:8 - Bibeli do fee

⁸ Inɛ ngbo ŋa iyi à wa si bommai ilɛu, do akawe ŋa do ilu ilɛ ŋau à ce kutɔtɔɔ. Si kutɔtɔɔ nŋau, ikɔ iyi à waa bi a naɛ wee. À yɔɔi iyi zakai ajɔ kuntaa, ì nɛ i jilɛ woodai iyi á ganji inɛ gɔ ku tɔɔ inɛ mmu gɔ walakɔ iwɛ̃ gɔ bii kù jɛ awɔ. Nɔ si afei ajɔ kuntaau bɛ, inɛ baa yooma iyi wa ce kutɔɔ do irii iwɛ̃ gɔ, walakɔ do irii inɛ mmu gɔ, bii kù jɛ do irii awɔ ilaalu, a so lafɛ̃ɛ a sɔsiɛ si inɔ isa bii muusu nla ŋa à wau.

Daniɛli 6:8 Iomraidhean Croise

Ɛsitɛɛ 1:19

Awɔ ilaalu, bii ì yɔɔ iyi í sĩa, na wooda iyi kaa nɛ ku kpaasi Vasiti ku maà naa bi tɛɛ má, nɔ i jɔ̀ a fɔ woodau si bantuma, nɔ a kɔɔ si woodai inɛi Pɛɛsi ŋa do inɛi Mɛɛdi ŋa. Nɔ i cica inaabo gɔ iyi í nɛ jirima í re i naa bommau.

Ɛsitɛɛ 3:12

Ŋɔi si ajɔ maatɛtasiai cukpa sinteu à kpe woo kɔ tiai ilaalu ŋau, nɔ bɛi Hamaa wa sɔ̃ ŋa fei à wasi ku kɔɔ. Nɔ amanlu ŋai à waa kɔa do inɛ ngboi ilɛ ŋau do inɛ ŋa iyi à jɛ inɛ ngbo si dimi ikã ikã fei. À kɔ tiaui ikã ikã si dimii kukɔ iyi inɛ ŋa à mà, do si fee iyi inɛ ŋa à waa fɔ fei si bommau. À kɔɔi do irii ilaaluu do sɛɛdai nŋu takaɛ.

Ɛsitɛɛ 8:10

Ŋɔi à kɔ tiau do irii ilaaluu nɔ à mási sɛɛdai nŋu takaɛ. Nɔ à ni masa ŋa a gũ acĩ ŋa iyi à wa inɔ kaai ilaaluu a dabii a kpɛ̃ tia ŋau.

Ɛsitɛɛ 8:3

Nɔ Ɛsitɛɛ í nyi í sisi wa tɔɔ ilaaluu suuru má. Í koo í gulɛ si wajuɛ do kukpata wa tɔɔɛ ku ganji laalɔ iyi Hamaa tɔkui Agagi í jilɛ ku ba a kpa Zuifu ŋau.

Ɛsitɛɛ 8:8

Amma n kaa n yɔkɔ n kpaasi woodau, domi tia iyi à kɔ do irii ilaalu nɔ à mási sɛɛdaɛ, inɛ gɔ kaa yɔkɔ ku ganji idei tiau. Na nŋu, iŋɛ mɔ i kɔ tia do irim na aranfãanii Zuifu ŋa si bɛi í sĩa nŋɛ si, nɔ i mási sɛɛdai amu takam ŋa.

Iri ku kɔ̃ 94:21

À ya tɔtɔɔi si gãmɛi inɛ dee dee nɔ a yɛ taalei hai nɛ taale.

Ezai 10:1

Inɔ kufɔi í jɛ ti woo jilɛ wooda hai jɛ dee dee ŋa. Wooda ŋa iyi à kɔui í ya naa inɛ ŋa inɔ kufɔ wa.

Daniɛli 5:28

PAASINIU bɛ mɔi í jɛ mii gɔ iyi à kpɛ̃. Aa kpɛ̃a inɛi Mɛɛdi ŋa do inɛi Pɛɛsi ŋa bommaɛui.

Daniɛli 6:12

Ŋɔi gbakã mbɛɛ ŋau à kanju wa nɔ à naa à ba Daniɛli í wasi ku ce kutɔɔ wa kpe Ilaaɔ̃ Lafɛ̃ɛɛ.

Daniɛli 6:15

Iyi ilaaluu í gbɔ ideu bɛɛbɛ, inɔɛ í fɔ ntɔ ntɔ. Ŋɔi í dasi idɔ nŋu ku faaba Daniɛli, nɔ í wasi kookaaiɛ ku ce hee alɛ í koo í lɛò.

Matie 24:35

Lele do ilɛ fei á na ku tã, amma idem ŋa a kaa tã pai.