Daniɛli 6:7 - Bibeli do fee

⁷ Ŋɔi inɛ ngbo minji ŋau do akawei kukpɛ̃i ilɛ ŋau à bɔ bi ilaaluu nɔ à sɔ̃ɔ à ni, ilaalu Dariusi, hunde sisɔ kú jɛ ti awɔ ilaalu hee do ajɔ fei.

Daniɛli 6:7 Iomraidhean Croise

Iri ku kɔ̃ 10:9

Í ya koo maa manjii bɛi muusu nla iyi í wa si koloɛ, nɔ ku zamba hai nɛ gbugbã ŋa ku mu ŋa do cɛkũm dɛɛ.

Iri ku kɔ̃ 2:2

Ilaalui ilɛ ŋa à dede nɔ amanlu ŋa à tɔtɔɔ a ba a ce igũ do Aɔ̃ Lafɛ̃ɛ do inɛ iyi í cica í jɛ ilaaluu à waa ni,

Iri ku kɔ̃ 59:3

Nyam hai si awɔi woo ce laalɔ ŋa, faabam hai si awɔi woo kpa inɛ ŋau.

Iri ku kɔ̃ 59:5

Do iyi n kù ce laalɔ gɔ fei, à sɛi, à waa ce sɔɔlu. Aɔ̃ Lafɛ̃ɛ, cɔ, dede i naa i kòm.

Iri ku kɔ̃ 62:4

Hee waati yoomai aa kɔ̀ i tɔtɔɔ i maa cã inɛ gɔ i ba i kpaa ŋa, bɛi bindi iyi à tale í wɔɔba do bɛi danga iyi wa cuku.

Iri ku kɔ̃ 83:5

À waa ni, i naa wa ŋa kaa kpa irii dimiu, nɔ a maà ye gigii irii Izirɛli má.

Iri ku kɔ̃ 94:20

Mii wa tɔtɔɔ awɔ do woo ce kiiti laalɔ ŋau, aŋa iyi a ci ya ce kiiti bɛi wooda í ni.

Daniɛli 2:4

Ŋɔi inɛi Kaladee ŋau à jɛaa do feei Arameɛ̃ɛ à ni, hunde sisɔ kú jɛ titɛɛ awɔ ilaalu. Sɔ̃ awa woo ce icɛɛ ŋau alaɛu wa ka gbɔ, nɔ ka sisiɛ yaaseɛ.

Daniɛli 3:11

nɔ inɛ baa yooma iyi í kɔ̀ ku sɛɛbata ku tɔɔɛ fei, aa sooi a sɔsiɛ si inɔ bii ina nla nla gɔ wa jou.

Daniɛli 3:2

Ŋɔi ilaalu Nebukanɛsaa í ni à kpe inɛ ngboi ilɛ ŋau wa, do woo gbã ilɛ ŋau, do ilu ilɛ ŋa, do woo na ikɔ ŋa, do woo singa fia ŋa, do woo mà asaiya ŋa, do woo kiiti nla ŋau, do inɛ ŋa iyi à jɛ inɛ ngboi kukpɛ̃i ilɛ ŋau fei. Í ni inɛ ŋau a tɔtɔɔ wai ku ba a naa a ce jingaui kucĩi iwɛ̃ iyi à ce do wura iyi nŋu í jɔ̀ à koo à gũu.

Daniɛli 3:27

Ŋɔi inɛ ngboi ilɛ ŋau, do inɛ ngboi kukpɛ̃i ilɛ ŋau, do ilu ilɛ ŋau, do woo na ilaalu ikɔ ŋau, à koo à tɔtɔɔ à cɔ inɛ mɛɛta ŋau, nɔ à ba wee inau ku cea arai inɛ ŋau nkãma. À ba wee inau kù jo ntoi irii inɛ ŋau, nɔ kù cea ibɔ nŋa ŋa mɔ nkãma, nɔ inunui ina kãma kù wa si ŋa.

Daniɛli 3:6

Inɛ baa yooma iyi í kɔ̀ ku sɛɛbata ku tɔɔɛ fei, aa sooi tengi bɛ gbakã a sɔsiɛ si inɔ bii ina nla nla gɔ wa jo.

Daniɛli 6:16

Ŋɔi mbɛɛi Daniɛli ŋau à kanju à nyi bi ilaaluu má nɔ à sɔ̃ɔ à ni, ilaalu, í jɔ ì mà iyi woodai inɛi Mɛɛdi ŋa do ti inɛi Pɛɛsi ŋau í ni, wooda iyi à jilɛ do ide iyi ilaalu takaɛ í jilɛ nɔ í dasi nyindaɛ, kù nɛ ku kpaasi ya.

Daniɛli 6:22

Ŋɔi Daniɛli í jɛa ilaaluu í ni, hunde sisɔ kú jɛ ti awɔ ilaalu hee do ajɔ fei.

Misee 6:5

Iŋɛ inɛm ŋa, i ye gigii laalɔ iyi Balaki ilaalui Moabu í lasabu ku cea bala nŋɛ ŋa wo, nɔ i ye gigii ide iyi Balamu amai Beɔɔ í jɛɛa wa. Hai Sitimu hee ku naa Giligali, bala nŋɛ ŋa à yɛ jiida ŋa iyi amu Aɔ̃ Lafɛ̃ɛ ǹ ce nŋa.

Nahumu 2:12

Bɛirei bi kuwai muusu nlau í na í jɛ. Ama muusu nla ŋau à waa ba sɔnda nŋa. Waati iyi muusu nlau í bɔ adɛ, inɛ kãma ci ya lu amaɛ ŋau.

Matie 12:14

Ŋɔi Farisi ŋau à fita à koo à waa busi njɛ bɛi aa ce a kpaò Jesu.

Matie 26:4

Bɛi à waa busi njɛ bɛi aa ce a ba a mu Jesu do bisi a kpaa.

Maaku 15:1

Ŋɔi daadaakɔ inɛ ngboi woo weei Ilaaɔ̃ ŋau do inɛ ngboi Zuifu ŋau do woo kɔ inɛ ŋa si wooda ŋau do inɛ ŋa iyi à gbe si igbɛi woo kiiti ŋau fei à tɔtɔɔ à wũa ideu ajɔ. Nɔ à dĩ Jesu à koo à daa Pilati si awɔ.

Laabaau jiida iyi Zãa í kɔ 12:10

Inɛ ngboi woo weei Ilaaɔ̃ ŋau à waa busi njɛ a ba a kpa Lazaa mɔ,