Daniɛli 6:4 - Bibeli do fee

⁴ Daniɛli takaɛ í re inɛ ngbo minji iyi ihɔ̃ ŋau do akawei kukpɛ̃i ilɛ ŋau, domi hunde iyi í wa siɛu í nya ikã, nɔ ilaaluu wa lasabu nŋu ku na ku jilɔɔ ku jɛ inɛ ngbo si ilɛu fei.

Daniɛli 6:4 Iomraidhean Croise

Kusintii Andunya 41:38

Nɔ Faraɔ̃ í bee woo ce icɛɛ ŋa í ni, iwoi aa ka ba inɛ gɔ bɛi inɛɛu ihɛ̃ má iyi í nɛ hundei Ilaaɔ̃ .

Kusintii Andunya 43:18

Nɔ njo wa mu ŋa, si na iyi í jɔ̀ à gbã ŋa à waa bɔò ŋa kpasɛ̃i Zozɛfuu. À ni, á jɛ na irii fia iyi à sindo si saaki nwa waati iyi à tako à naaui í jɔ̀ à gbã wa à waa bɔò wa kpasɛ̃. Aa koo a lɔsi ku kpã wa iju mbɛ, aa gba gbankɛlɛ nwa ŋa nɔ a mu wa aru.

Mɔnda ŋa 29:27

Inɛ dee dee ŋa a ci ya bi inɛ ŋa iyi daa nŋa kù sĩa, nɔ inɛ laalɔ ŋa mɔ a ci ya bi inɛ jiida ŋa.

Woo lasabu 4:4

Nɔ ǹ yɛ icɛ iyi amanɛ ŋa à waa ce fei do himma nŋa fei à waa cooi do njɛ ku wã ku ba à re kpaasi nŋa ŋa. Nɔ nŋu mɔ má ngbɛi. Í yɛi bɛi amanɛ wa sɛi si fufu.

Zeremi 18:18

Ŋɔi inɛ gɔ ŋa à ni, ka koo, waatii ihɛ̃ bɛ iyi aa ka ba kpãa ka dĩaò Zeremi zamba, domi a kaa ka kua woo wee ŋa iyi aa maa kɔ wa si cio, do ilu laakai ŋa iyi aa maa na wa ikɔ jiida, do walii ŋa iyi aa maa sɔ̃ wa idei Aɔ̃ Lafɛ̃ɛ. I naa wa ŋa kaa nya fũnɛɛ do idei gɛlɛ nwa, nɔ ka maà desi baa ide ku fɔɛ ŋa itĩ.

Zeremi 18:23

Nɔ awɔ Aɔ̃ Lafɛ̃ɛ, ì mà sɔɔlui zamba nŋa iyi à dĩ ku ba a kpam. Na nŋu, maà ce nŋa suurui dulum du ŋa. Maà kpa dulum du ŋa hai si wajuɛ. Jɔ̀ a cuku si wajuɛ. Jɔ̀ idɔɔkɔ̃ɛ ku naa si ŋa.

Zeremi 20:10

Ntɔ ntɔ ǹ ya n maa n gbɔ ide sãmi ŋai hai bi inɛ nkpɔ nkpɔ si gãmɛm, nɔ zigiida í ya maa naai hai bii fei. Inɛ gɔ ŋa à waa ni, ka kooò ideɛ bi inɛ ngbo ŋa. Inɛi kɔkɔm ŋa à ya maa ce laakaim nii a maa cɔ mà an ce kurara gɔ. À ya maa cɔ kpãai aŋa a mum nii si kurara gɔ. Na ŋɔi í jɔ̀ à ya maa ni, aa ka muui nɔ ka sã gbese.

Zeremi 29:7

I dɛdɛ bɛi ilu bii ǹ jɔ̀ ì koo ì wa ŋau á ce ku nɛ laakai ku sũ, nɔ i tɔɔ Aɔ̃ Lafɛ̃ɛ na irii iluu ŋa, domi laakai ku sũi iluui á jɛ laakai ku sũi iŋɛ mɔ.

Daniɛli 3:8

Ŋɔi gbakã inɛi Kaladee gɔ ŋa à na à waa yɛ taalei Zuifu ŋa.

Daniɛli 5:12

Daniɛliu, hunde iyi í nɛ, í nya ikã. Í mà mii fei ku kiiti nɔ í nɛ kumà. Í mà yaasei ala ŋa mɔ ku tusɛ, nɔ í ya gbɔ yaasei mii ŋa iyi à gaabu fei. Nɔ í ya ba iwɔi ide kugaabu ŋa fei. Daniɛli nŋu iyi baaɛ í sɔ Bɛlitasaau, jɔ̀ a kpoo ku naa wa. [Bii í to wa,] á sisiɛ mii iyi à kɔ si idĩu bɛ.

Daniɛli 6:22

Ŋɔi Daniɛli í jɛa ilaaluu í ni, hunde sisɔ kú jɛ ti awɔ ilaalu hee do ajɔ fei.

Matie 26:4

Bɛi à waa busi njɛ bɛi aa ce a ba a mu Jesu do bisi a kpaa.

Matie 27:18

Í fɔ bɛɛbɛi si na iyi í jɔ̀ wa mà sãa sãa iyi na igui í jɔ̀ à daa nŋu Jesu si awɔ.

Luku 20:20

Na ŋɔi í jɔ̀ si fei ndɛɛ à ya maa ce laakaiɛ. Nɔ à bɛ siɛ woo zamba gɔ ŋa iyi à yɛ bɛi inɛ jiida ŋa a koo a cɔ laakaiɛ. À bɛ ŋai ku ba a leaa taai ide nɔ a ba kpãa a muu a daa ilu ilɛu si awɔi nŋu iyi í nɛ gbugbã.

Luku 20:26

Ŋɔi à mɔngɔ ku too awɔ do ideɛ ŋa iyi wa fɔ si wajui zamaau. Ŋɔi à biti do ide ŋa iyi í jɛ, nɔ à coko nŋa.

Luku 22:2

Inɛ ngboi woo weei Ilaaɔ̃ ŋa do woo kɔ inɛ ŋa si wooda ŋau à waa dɛ kpãa bɛi aa ce a kpaò Jesu, amma à waa ce njoi zamaau.

Laabaau jiida iyi Zãa í kɔ 19:4

Ŋɔi Pilati í fita wa má í sɔ̃ zamaau í ni, wee an fitaò nŋɛ mɔkɔu wa ku ba i mà ŋa iyi n kù yɛ siɛ kurara gɔ.

Kɔrɛnti 2, 11:12

Amma bɛi ǹ wa n ce nsɛi, bɛɛbɛi an maa n ce má ku ba n dĩ nŋa kpãa, aŋa iyi à waa dɛ a tɔɔ fufu a ni awaò ŋa ŋa akãi.

Filipi 2:15

ku ba i má dee dee ŋa nɔ i maà nɛ taale gɔ, iŋɛ iyi ì jɛ amai Ilaaɔ̃ ŋa. Kù sĩa i nɛ kurara gɔ si wajui inɛ laalɔi andunya ŋa iyi a kù waa too kpãa. Í sĩa i maa má inya ŋa si anini nŋa bɛi fitila ŋa,

Timɔtee 1, 5:14

Na nŋu ŋau bɛi í jɔ̀ ǹ bi jaaɔ̃ saatara ŋa a so mɔkɔ a bí ama, nɔ a dasi kpasɛ̃ nŋa iju jiida, ku ba a maà na a mua mbɛɛ nwa ŋa kpãa a fɔ laalɔ nwa.

Titee 2:8

Sɔ̃ ŋa idei ntɔu iyi a kaa yɛò taalei ideɛ. Iyi bɛi á jɔ̀ anyɔ ku mu mbɛɛ nŋɛ ŋa domi a kaa ba laalɔ nwa a fɔ.

Piɛɛ 1, 2:12

I jɔ̀ i nɛ daa jiida ŋa si inɔi hai dasi Jesu naanɛ ŋa, domi baa bii à waa kpe ŋɛ inɛ laalɔ ŋa, aa yɛ icɛ jiida nŋɛ nɔ a saabu Ilaaɔ̃ si ajɔ iyi á kiiti inɛ fei.

Piɛɛ 1, 3:16

Amma i jɛ nŋa do ide didɔ̃ do bɛɛrɛ. I jɔ̀ idɔ nŋɛ ku maa má ku ba bii à waa má ŋɛ ide si isɛɛnɛ jiida nŋɛ iyi wa naa hai bi Kirisi, anyɔ ku mu ŋa si ideu.

Woo kiiti ŋa 14:4

Baaɛ do iyeɛ wee a kù mà mà Aɔ̃ Lafɛ̃ɛi í daa si idɔ bɛɛbɛ, domi wa dɛ kpãai bɛi á ce ku kpãò inɛi Filisi ŋau iju. Waati bɛɛbɛ, si awɔi inɛi Filisi ŋaui inɛi Izirɛli ŋau à wa.

Samuɛli 1, 12:4

Ŋɔi à jɛaa à ni, i kù takii wa, i kù wahala wa, i kù nɔ i kù gba nkãma si asii.

Samuɛli 1, 18:14

Í ya maa jɛ igũi waati kãma fei domi Aɔ̃ Lafɛ̃ɛ í wɛɛ do nŋu.

Samuɛli 1, 22:14

Ŋɔi Ahimelɛki í jɛa ilaaluu í ni, si inɔi akaweɛ ŋa fei, kãma nŋa kù nɛ naanɛ kù to Davidi. Awɔi ì waa jɛ anaɛ nɔ nŋu mɔ inɛ ngboi ciikuɛ ŋai. Í nɛ bɛɛrɛ hee í caa si inɔ kpasɛ̃ɛ ihɛ̃.