Daniɛli 6:27 - Bibeli do fee

²⁷ Si anyii nŋu, nɔ Dariusi í ni má, wooda iyi ǹ wa n jilɛ wee. Si bommam nɔu, inɛ fei í nɛ ku mà bɛɛrɛi Ilaaɔ̃ Lafɛ̃ɛi Daniɛlii nɔ ku ya maa jirimaɛ, domi nŋui í jɛ Ilaaɔ̃ iyi í wɛɛ nɔ á maa wɛɛi hee do ajɔ fei. A kaa ce nfei bommaɛ ajɔ kãma, nɔ gbugbãɛu á maa wɛɛi kaa nɛ kɔɔ.

Daniɛli 6:27 Iomraidhean Croise

Zɔɔbu 36:15

Amma Ilaaɔ̃ í ya faaba ilu arei si antaii are ku jɛɛ. Nɔ do wahalai í ya sɔ̃ɔ ku ce laakai.

Iri ku kɔ̃ 145:13

Bommaɛ, bomma gɔi iyi á maa wɛɛ hee do ajɔ fei. Nɔ gbugbãi bommaɛu á maa wɛɛi hee si tɔku do tɔku ŋa fei. Aɔ̃ Lafɛ̃ɛ, awɔ ilu naanɛi si kuwãɛ ŋa fei. Ì ya nyisi kubiɛi si mii ŋa iyi ì waa ce fei.

Iri ku kɔ̃ 18:48

Aɔ̃ Lafɛ̃ɛ nŋui í ya sãam gbese nɔ nŋui í ya jɔ̀ dimi ŋa a sũum iri ilɛ.

Iri ku kɔ̃ 18:50

Aɔ̃ Lafɛ̃ɛ, an sisi n maa n fɔ kulaɛi si inɔi dimi mmu ŋa nɔ n kɔ̃ iri n maa n na iriɛ bɛɛrɛ.

Iri ku kɔ̃ 32:7

Awɔi ì jɛ bi ku manjim, awɔi ì ya degbem si waatii wahala, ì jɔ̀ inɛ ŋa iyi à waa dɔ̃ anu do inɔ didɔ̃ na faabam à kaakom. Kusĩmi.

Iri ku kɔ̃ 35:17

Aɔ̃ Lafɛ̃ɛ, maà cɔ mii iyi inɛ ŋau à waa ceem do iju. Faabam hai si awɔi inɛ laalɔ ŋa iyi à yɛ bɛi muusu nla ŋau.

Iri ku kɔ̃ 97:10

Iŋɛ iyi ì bi Aɔ̃ Lafɛ̃ɛ ŋa, i cé laalɔ ŋa. Nŋui wa mu hundei inɛɛ ŋa. Nŋui í ya nya inɛɛ ŋau hai si awɔi ilu inɔ kukã ŋa.

Zeremi 10:10

Amma Aɔ̃ Lafɛ̃ɛi í jɛ Ilaaɔ̃ do ntɔ. Nŋui í jɛ ilu hunde, nɔ nŋui í jɛ ilaalu hee do ajɔ fei. Si idɔɔkɔ̃ɛ, ilɛ í ya yayai, nɔ inɛi andunya ŋa à ya kua gbugbãi si idɔɔkɔ̃ɛu.

Daniɛli 2:44

Si waatii ilaalu ŋau bɛ, Ilaaɔ̃ Lafɛ̃ɛi lele á jilɛ bomma gɔ iyi kaa ce nfe ajɔ kãma, nɔ kaa jɛ arui dimi mmu kãma gɔ má. Bommau á lɛgɛ bomma ŋa iyi à cuaa wa ŋau feii, nɔ ku kpa irii kuwɛɛ nŋa. Bommau á maa wɛɛi hee do ajɔ fei.

Daniɛli 4:31

Si iri ku kpai adɔ̃ mɛɛjeu, ŋɔi amu Nebukanɛsaa ǹ wu iju ikpa lelei Aɔ̃, nɔ laakai jiida í baa sim. Ŋɔi ǹ saabu Ilaaɔ̃ nŋu iyi í wa hee lele nɔ kuwɛɛɛ kù nɛ kɔɔu. Ǹ wa n cũu, nɔ ǹ lɔsi ku fɔ idei bɛɛrɛɛ. Ntɔ ntɔ gbugbãi bommaɛ kù nɛ kɔɔ. Nŋui í jɛ ilaalu, nɔ bommaɛ á maa wɛɛi hee do ajɔ fei.

Daniɛli 4:34

Na ŋɔi í jɔ̀ nsɛi bɛbɛi, amu Nebukanɛsaa ǹ wa n cĩ ilaalu iyi í wa lelei Aɔ̃u, ǹ wa n fɔ kulaɛ, nɔ ǹ mà bɛɛrɛɛ. Mii iyi wa ce waati kãma fei, í ya cooi si ntɔ nɔ í ya jɛ dee deei. Nɔ si gbugbãɛ, inɛ ŋa iyi à waa nɛ do faau, á yɔkɔ ku kaye gbugbã nŋa.

Daniɛli 6:20

Hai amɛɛjuumá daadaakɔ gbakã, ilaalu í dede. Nɔ wa ce saasa ku ba ku bɔ bi isa bii muusu nla ŋa à wau.

Laabaau jiida iyi Zãa í kɔ 4:48

Ŋɔi Jesu í jɛaa í ni, iŋɛ i ci ya dasi naanɛ ajɔ kãma ŋa bii kù jɛ ì yɛ nyinda do maamaake gɔ ŋa sisi.

Woo bɛ ŋa 4:30

Nyisi gbugbãɛ ku ba maamaake ŋa ku ce nɔ inɛ ŋa a ba iri do saabui irii Jesu woo ce icɛ kumáɛu.

Ebɛɛ 2:4

Nɔ Ilaaɔ̃ í ce maamaake ikã ikã fei ku ba gbugbãi sɛɛda nŋau ku kɔ̃ɔsi. Nɔ í cea inɛ ŋa amua ikã ikãi Hundeɛ si bɛi í bi.

Samuɛli 1, 17:26

Ŋɔi Davidi í bee inɛ ŋa iyi à wa kɔkɔɛ ŋau í ni, mii aa muaa inɛ iyi í kpa inɛi Filisiu ihɛ̃ nɔ í nya anyɔ hai si ilɛi Izirɛli. Mɔkɔu ihɛ̃ kù bu baa bango nɔ wa nyaanyi inɛi Ilaaɔ̃ ŋa.