Daniɛli 6:25 - Bibeli do fee

²⁵ Ŋɔi ilaalu í na wooda í ni a gbã inɛ ŋa iyi à yɛ taalei Daniɛli ŋau a naaò ŋa wa nɔ a sɔsi ŋa si inɔ isa bii muusu nla ŋau à wau, aŋa do ama nŋa ŋa do abo nŋa ŋa. [Waati iyi à so inɛ ŋau à waa dasi ŋa,] hai a kù to baa inɔ isau mɔm nii muusu nla ŋau à zoo si ŋa wa nɔ à lɛgɛ kũkũ nŋa ŋa fei.

Daniɛli 6:25 Iomraidhean Croise

Ɛsidarasi 4:17

Ide iyi ilaaluu í jɛ nŋa wee. Í ni, awɔ Rehumu inɛ ngboi ilui ikpa bɛ ŋa do Simekai woo kɔ tiaɛ do kpaasiɛ ŋa iyi à wa ilui Samari do bubui ilɛu iyi í wa ikpa nunui alɛi idoi Efaratau, ǹ ce iŋɛ fei fɔɔ.

Ɛsitɛɛ 3:12

Ŋɔi si ajɔ maatɛtasiai cukpa sinteu à kpe woo kɔ tiai ilaalu ŋau, nɔ bɛi Hamaa wa sɔ̃ ŋa fei à wasi ku kɔɔ. Nɔ amanlu ŋai à waa kɔa do inɛ ngboi ilɛ ŋau do inɛ ŋa iyi à jɛ inɛ ngbo si dimi ikã ikã fei. À kɔ tiaui ikã ikã si dimii kukɔ iyi inɛ ŋa à mà, do si fee iyi inɛ ŋa à waa fɔ fei si bommau. À kɔɔi do irii ilaaluu do sɛɛdai nŋu takaɛ.

Ɛsitɛɛ 7:10

Nɔ à bagãm Hamaa si jĩi iyi wa bi ku bagãm si Maadoseeu. Ŋɔi idɔɔkɔ̃i ilaaluu í bɛi í sũ.

Ɛsitɛɛ 8:9

Ajɔ nŋu bɛ, si ajɔ kɔnfia do mɛɛtasiai cukpa mɛɛtasia iyi à ya kpe Sivãau à kpe woo kɔ tiai ilaalu ŋau wa. Bɛi Maadosee í fɔ fei, bɛɛbɛi inɛ ŋau à kɔɔ. À kɔa Zuifu ŋa do amanlu ŋau do inɛ ngboi ilɛ ŋau do inɛ ŋa iyi à jɛ inɛ ngbo si ilɛ cifa do mɛɛje ŋa iyi à wa si bommau hai Ɛndi hee ku bɔ Etiopi. À kɔɔi do feei inɛ fei do yaase bɛi dimi ŋa iyi à wa si ilɛ ikã ikã ŋau fei à ya fɔ, do si feei Zuifu ŋa taka nŋa, do si yaase bɛi à ya kɔ.

Iri ku kɔ̃ 7:15

Wee ilu inɔ kukã í lɔsi icɛ laalɔ ku ce, wa ce dulum, nɔ wa bíaa ibo ku sɔ.

Iri ku kɔ̃ 9:16

Isɛ mmu ŋa à dasi isa iyi aŋa taka nŋa à tu. Cɛkũm iyi à leu í mu isɛi aŋa taka nŋa.

Mɔnda ŋa 11:8

Inɛ dee dee í ya fita hai si zigiida, nɔ inɛ laalɔ ku sãsi agbɛɛ.

Daniɛli 3:4

Ŋɔi inɛ iyi í jɛ inɛ ngboi bukiu í dede í dɔ̃ anu do gbugbã í ni, wooda iyi à waa na iŋɛ zamaau fei, do dimi fei, do fee ikã ikã ŋau fei wee.

Daniɛli 4:1

Amu Nebukanɛsaa, ǹ wɛɛm nii wo si inɔ kpasɛ̃m do laakai ku sũ, nɔ ǹ wɛɛò inɔ didɔ̃ si inɔ kabai bommam.

Wooda ku kɔsi 19:19

ijuukpã iyi wa bi a nyisi kpaasiɛu, ijuukpãui á baa ku cuku si irii nŋu takaɛ. Do yaase bɛɛbɛi aa nyaò laalɔu bɛ hai si anini nŋɛ.

Piɛɛ 1, 1:2

Ilaaɔ̃ Baaba í cica ŋɛi si bɛi í dasi idɔ nŋu ku ce. Nɔ ì jɛ inɛɛ ŋa do saabui Hundeɛ ku ba i jirima Jesu Kirisi ŋa nɔ njɛɛ ku wɛ ŋɛ. Didɔ̃ do laakai ku sũ ku kɔ̃ɔsi si kuwɛɛ nŋɛ.

Piɛɛ 2, 1:2

Didɔ̃ do laakai ku sũ ku kɔ̃ɔ nŋɛ si, si na iyi í jɔ̀ ì mà Ilaaɔ̃ do Jesu Lafɛ̃ɛ nwa ŋa.

Zudu 1:2

Ilaaɔ̃ ku jɔ̀ araareɛ do laakai ku sũ do kubi ku maa kɔ̃ɔsi si ŋɛ.