Daniɛli 6:23 - Bibeli do fee

²³ Ilaaɔ̃ Lafɛ̃ɛm í bɛ amalekaɛ wa í na í cĩmbo gɛlɛi muusu nla ŋau. Muusu nla ŋau a kù ceem laalɔ kãma, si na iyi í jɔ̀ n kù nɛ taale kãma si wajui Ilaaɔ̃, nɔ n kù nɛ taale kãma si wajui awɔ takaɛ mɔ.

Daniɛli 6:23 Iomraidhean Croise

Ilaalu 1, 5:7

Woo mu ilɛ ŋaui à ya naaa Salomɔɔ sɔnda wa nŋu do inɛ ŋa iyi wa wo fei, inɛ fei í ya naaò sɔndau wai si cukpa iyi à jilɛaa, nɔ a ci ya jɔ̀ nkãma kù gaizia.

Bomma 1, 5:20

Si waatii igũu, à tɔɔ Ilaaɔ̃, nɔ í gbɔ kutɔɔ nŋa si na iyi í jɔ̀ à dasiɛ naanɛ, nɔ í da nŋa inɛ ŋau si awɔ.

Bomma 2, 20:20

Iyi iju í má daadaakɔu ŋɔi à dasi kpãai gbaai Tekoa. Iyi à waa bi a nɛ, ŋɔi Zozafati í naa bi tu ŋa nɔ í ni, i gbɔ idem ŋa, iŋɛ inɛi Zudaa do Zeruzalɛmu ŋa. I dasi Aɔ̃ Lafɛ̃ɛ nŋɛ naanɛ ŋa, aa ba gbugbã ŋa. I dasi waliiɛ ŋau naanɛ, aa jɛ igũ ŋa.

Iri ku kɔ̃ 18:21

Aɔ̃ Lafɛ̃ɛ í ceem bɛɛbɛi si bɛi dee dee ku jɛm í to. nɔ í sãam ribai dee dee ku jɛm.

Iri ku kɔ̃ 37:40

Aɔ̃ Lafɛ̃ɛ wa sobi ŋa nɔ wa nya ŋa hai si awɔi ilu inɔ kukã ŋa, wa faaba ŋai si na iyi í jɔ̀ bi titɛɛi à wa.

Kufita 18:9

Ŋɔi inɔi Zetoro í dɔ̃ do mii jiida ŋa iyi í gbɔ Aɔ̃ Lafɛ̃ɛ í cea inɛi Izirɛli ŋa fei do bɛi í nya ŋa hai si awɔi inɛi Ezibiti ŋa.

Mɔnda ŋa 18:10

Aɔ̃ Lafɛ̃ɛi í jɛ ile ku nɛ gbugbã. Tengi bɛi inɛ dee dee í ya sa koo manji.

Ezai 26:3

Inɛ iyi wa leekĩ dim dim si lasabuɛ ŋa, awɔ Aɔ̃ Lafɛ̃ɛi ì ya jɔ̀ ku nɛ laakai ku sũ si na iyi í jɔ̀ awɔi í dasi naanɛ.

Daniɛli 3:17

Ilaaɔ̃ Lafɛ̃ɛ nwa iyi à waa tɔɔ á yɔkɔ ku faaba wa, nɔ ku nya wa hai si ina nla nlau do hai si awɔɛ awɔ ilaalu.

Daniɛli 3:25

Nɔ ilaaluu í nyi í ni má, to wee nsɛi amanɛ mɛɛi ǹ wa n yɛ si inɔ inau bɛ mɛɛ, aŋa fei à waa nɛ nŋa nkãma kù waa dĩ ŋa, nɔ inɛ mɛɛsiau í jɔ inɛi lelei Aɔ̃ gɔ.

Daniɛli 6:14

Nɔ à so ide má si wajui ilaaluu à ni, Daniɛli inɛ akãi inɛ ŋa iyi à mu wa hai ilɛi Zudaau kù saaluɛ hee má jɛ ku saalu wooda iyi ì jilɛ nɔ ì dasi nyindaɛu. Í ya maa ce kutɔɔɛi, ajɔ akã fei fii mɛɛta.

Daniɛli 6:18

Ŋɔi à koo à so kuta nla nla gɔ wa à naa à cĩmboò andɛi isau. Nɔ ilaaluu í dasi nyindai nŋu takaɛ do ti akawe nlaɛ ŋau. Do yaase bɛɛbɛ, inɛ kãma kaa yɔkɔ ku kpaasi ngɔgɔ si gãmɛi mii iyi í nɛ ku ba Daniɛli.

Maaku 9:23

Ŋɔi Jesu í jɛaa í ni, ì ni bii an yɔkɔ wo. Inɛ iyi í dasi naanɛ á yɔkɔ ku ce fei ndɛɛ.

Ebɛɛ 11:33

Na naanɛ ku dasii à jɛ amanlu ŋau igũ, à ce iyi í jɛ dee dee, nɔ à ba à gba mii iyi Ilaaɔ̃ í ce nŋa kuwãɛ. À dĩ gɛlɛi muusu nla ŋa,