Daniɛli 6:22 - Bibeli do fee

²² Ŋɔi Daniɛli í jɛa ilaaluu í ni, hunde sisɔ kú jɛ ti awɔ ilaalu hee do ajɔ fei.

Daniɛli 6:22 Iomraidhean Croise

Kusintii Andunya 40:15

À ce ileem wai hai ilɛi Ebɛɛ ŋa à naam wa ihɛ̃. Si anyii nŋu, bii ǹ wau bɛ n kù ce nkãma iyi í to a dasim piisɔ̃ɔ.

Samuɛli 2, 22:7

Si inɔ kufɔm, ǹ tɔɔ Aɔ̃ Lafɛ̃ɛ. Hai bi kuwaɛ wa, í gbɔ imum, nɔ anu ku dɔ̃m í to si itĩɛ.

Ilaalu 1, 13:28

nɔ í dasi kpãa. Ŋɔi í koo í ba ikuu wa sũ si kpãau, nɔ gbankɛlɛu do muusu nlau à wa kɔkɔɛ. Muusu nlau kù ŋɔ ikuu nɔ kù kpa gbankɛlɛu.

Bomma 2, 32:21

Ŋɔi Aɔ̃ Lafɛ̃ɛ í bɛ amaleka gɔ si asɔi inɛi Asiri ŋau, nɔ amalekau í kpa sooge ilu wɔɔkɔ ŋau do inɛ ngbo nŋa ŋau fei. Ŋɔi ilaalui Asiriu í nyi ilɛɛ do anyɔ nla nla. Ŋɔi ajɔ nŋu gɔ í koo í lɔ ilei iwɛ̃ɛu, nɔ amai nŋu takaɛ ŋa à kpaa bɛ.

Iri ku kɔ̃ 118:28

Awɔi ì jɛ Ilaaɔ̃ Lafɛ̃ɛm, an maa n cĩɛi. Ilaaɔ̃ Lafɛ̃ɛm, an fɔ n maa n sisi kulaɛ.

Iri ku kɔ̃ 26:6

Aɔ̃ Lafɛ̃ɛ, an wɔɔ awɔm ŋai n nyisiò iyi n kù ce taale. Nɔ an kaako bi kuweeɛui

Iri ku kɔ̃ 31:14

Ǹ gbɔ ide laalɔ ŋa iyi inɛ ŋa à waa fɔɔm, nɔ njo wa mum si inɛ ŋa iyi à waa kaakom domi à waa busi njɛ a ba a kpam.

Iri ku kɔ̃ 34:7

Waati iyi hai nɛ gbugbã gɔ í dɔ̃ anu si Aɔ̃ Lafɛ̃ɛ fei, í ya gbɔai nɔ í ya faabaɛi hai si bitandiɛ ŋa.

Iri ku kɔ̃ 38:21

Iyi ǹ ce nŋa jiida, laalɔi à waa sãam. Waati iyi ǹ wa n ce jiida, a ci ya bi.

Iri ku kɔ̃ 84:11

Ajɔ akã iyi aa ka ce si bantumaɛ, í re ajɔ dubu iyi aa ka ce inya mmu. Amu, ǹ cica n koo n wa andɛ kpasɛ̃i Aɔ̃ Lafɛ̃ɛ do iyi an koo n wa si kpasɛ̃i ilu inɔ kukã,

Ezai 3:10

Amma i sɔ̃ inɛ dee dee ŋau ngu ŋa i ni à wa si kpãa jiida nɔ aa jɛ ribai kuce nŋai.

Ezai 63:9

Si inɔ kufɔ nŋa fei, kù cica inɛ gɔ ku naa ku sobi ŋa, amma nŋu takaɛi í naa í faaba ŋa si kubiɛ do si araareɛ. Nŋu takaɛi í ya ŋa nɔ wa gbɔ nŋa. Nŋui wa mu ŋa waati kãma fei baa hai tako.

Zeremi 37:18

Ŋɔi Zeremi í nyi í bee ilaalu Sedesiasi má í ni, kurara yoomai ǹ ceɛ, mà kurara yoomai ǹ ce si gãmɛi woo ce icɛɛ ŋa walakɔ si gãmɛi zamaai iluu ihɛ̃ iyi ì bɛi ì jɔ̀ à naa à dasim piisɔ̃ɔ.

Daniɛli 3:28

Ŋɔi Nebukanɛsaa í ni, ka saabu Ilaaɔ̃ Lafɛ̃ɛi Sadaaki, do Mesaaki do Abɛdi-Nego iyi í bɛ inɛ gɔ wa í naa í faaba woo ce icɛɛ ŋa, domi à dasiɛ naanɛ, nɔ à kɔ̀ ku jirima woodai amu ilaalu, nɔ à jɛsi aŋa a ba ijuukpã do iyi aŋa aa koo a tɔɔ iwɛ̃ gɔ nɔ a fũsi Ilaaɔ̃ Lafɛ̃ɛ nŋa awɔ.

Daniɛli 6:20

Hai amɛɛjuumá daadaakɔ gbakã, ilaalu í dede. Nɔ wa ce saasa ku ba ku bɔ bi isa bii muusu nla ŋa à wau.

Daniɛli 6:23

Ilaaɔ̃ Lafɛ̃ɛm í bɛ amalekaɛ wa í na í cĩmbo gɛlɛi muusu nla ŋau. Muusu nla ŋau a kù ceem laalɔ kãma, si na iyi í jɔ̀ n kù nɛ taale kãma si wajui Ilaaɔ̃, nɔ n kù nɛ taale kãma si wajui awɔ takaɛ mɔ.

Daniɛli 6:4

Daniɛli takaɛ í re inɛ ngbo minji iyi ihɔ̃ ŋau do akawei kukpɛ̃i ilɛ ŋau, domi hunde iyi í wa siɛu í nya ikã, nɔ ilaaluu wa lasabu nŋu ku na ku jilɔɔ ku jɛ inɛ ngbo si ilɛu fei.

Daniɛli 6:7

Ŋɔi inɛ ngbo minji ŋau do akawei kukpɛ̃i ilɛ ŋau à bɔ bi ilaaluu nɔ à sɔ̃ɔ à ni, ilaalu Dariusi, hunde sisɔ kú jɛ ti awɔ ilaalu hee do ajɔ fei.

Misee 7:7

Amma amu, ikpa bi Aɔ̃ Lafɛ̃ɛi an sinda, siɛi kpãa ku cɔm í wa, nŋui á jɛɛm nɔ ku faabam.

Kuka 20:16

Iyi à tɔɔ Aɔ̃ Lafɛ̃ɛ faaba ŋɔi í gbɔ anu ku dɔ̃ nwa, nɔ í bɛ nwa amalekaɛ wa ku naa ku fitaò wa hai ilɛi Ezibiti. Wee nsɛi à to wa Kadɛsi, ilu iyi wa gũsi ilɛɛu.

Matie 27:46

Nɔ si isɔ mɛɛtau Jesu í dɔ̃ anu hee lele í ni, Eli, Eli, lema sabatani, waatɔ Ilaaɔ̃ Lafɛ̃ɛm, Ilaaɔ̃ Lafɛ̃ɛm, na mii í ce ì fũsim awɔ.

Woo bɛ ŋa 12:11

Ŋɔi Piɛɛ í yɔɔ bɛbɛi iyi kù jɛ àla. Nɔ í ni, ntɔ ntɔ Ilaaɔ̃i í bɛ sim amalekaɛ wa ku na ku nyam hai si awɔi Herodu, do laalɔ iyi Zuifu ŋau à waa bi a ceem fei.

Woo bɛ ŋa 24:16

Nŋui í jɔ̀ amu mɔ ǹ wa n hanya ajɔ fei ku ba idɔm ku maà yɛ taalem si wajui Ilaaɔ̃ do si wajui inɛ ŋa.

Woo bɛ ŋa 27:23

Ǹ mà bɛɛbɛi si na iyi í jɔ̀ Ilaaɔ̃, nŋu iyi ǹ jɛ tɛɛ, ǹ wa n ceaa icɛu, amalekaɛ í naa sim idũ ana

Kɔrɛnti 2, 1:12

Ide iyi í jɔ̀ à waa tɔɔ fufu wee. Idɔ nwa wa jɛ nwa sɛɛda iyi isɛɛnɛ nwa í má si wajui inɛi andunya ŋa, nɔ iyi í re mɔm nŋui í jɛ si waju nŋɛ. Kù nɔ kù jɛ do muafiti. Mii ŋau bɛ fei, hai bi Ilaaɔ̃i wa naa. Kù jɛ do bisii amanɛ ŋa, amma do didɔ̃i Ilaaɔ̃i.

Timɔtee 2, 4:17

Do nŋu fei, Lafɛ̃ɛ í leekĩ do amu í muum gbugbã, ku ba n waazo laabaau jiidau mam mam nɔ dimi mmu ŋau fei a gbɔɔ. Nɔ ǹ fita si wahalau bɛi inɛ iyi í gbã hai si gɛlɛi muusu nla.

Ebɛɛ 1:14

Debɛi, mii amaleka ŋa à jɛ. Aŋa fei à jɛ hunde ŋa iyi à waa cea Ilaaɔ̃ icɛ. Aŋai í ya bɛ a koo a sobi inɛ ŋa iyi aa ba faaba.

Ebɛɛ 11:33

Na naanɛ ku dasii à jɛ amanlu ŋau igũ, à ce iyi í jɛ dee dee, nɔ à ba à gba mii iyi Ilaaɔ̃ í ce nŋa kuwãɛ. À dĩ gɛlɛi muusu nla ŋa,

Samuɛli 1, 17:37

Aɔ̃ Lafɛ̃ɛ í faabam hai si cikãawɔi mɛɛmui sako laalɔ ŋa, bɛɛbɛ mɔi á faabam má hai si awɔi inɛi Filisiu bɛ. Ŋɔi Saulu í sɔ̃ɔ í ni, koo, nɔ Aɔ̃ Lafɛ̃ɛ ku sobiɛ.

Samuɛli 1, 26:18

Bɛirei í ce ì waa lelem, amu woo ce icɛɛ. Taale yoomai ǹ ce, mà daa yoomai ǹ ceɛ.