Daniɛli 6:21 - Bibeli do fee

²¹ Waati iyi wa maai si anui isau, ŋɔi í wasi Daniɛli ku kpe do imui inɔ kufɔ. Nɔ í bee Daniɛli í ni, Daniɛli woo ce icɛi Ilaaɔ̃ ilu hunde, Ilaaɔ̃ Lafɛ̃ɛɛ iyi ì waa cea icɛ do himmau, í yɔkɔ í faabaɛ hai si gɛlɛi muusu nla ŋau?

Daniɛli 6:21 Iomraidhean Croise

Neemi 2:3

Amma do nŋu fei ǹ jɛa ilaaluu ǹ ni, Ilaaɔ̃ ku muɛ hunde sisɔ. Bɛirei n kaa n ce n wu, bii ilu bii à si balam ŋa í kpɔò bomma nɔ gamboɛ ŋau à jo.

Daniɛli 2:4

Ŋɔi inɛi Kaladee ŋau à jɛaa do feei Arameɛ̃ɛ à ni, hunde sisɔ kú jɛ titɛɛ awɔ ilaalu. Sɔ̃ awa woo ce icɛɛ ŋau alaɛu wa ka gbɔ, nɔ ka sisiɛ yaaseɛ.

Daniɛli 3:26

Si anyii nŋu, ilaalu Nebukanɛsaa í nɛ í bɔ kɔkɔi andɛ bii à dasi ina nla nlau nɔ í ni, Sadaaki, Mesaaki do Abɛdi-Nego, iŋɛ woo ce icɛi Ilaaɔ̃ iyi í wa leleu, i fita i naa wa. Ŋɔi Sadaaki do Mesaaki do Abɛdi-Nego ŋa à fita wa hai si inɔ inau.

Daniɛli 3:9

À koo à sɔ̃ ilaalu Nebukanɛsaa à ni, hunde sisɔ kú jɛ titɛɛ ilaalu.

Daniɛli 6:6

Ŋɔi inɛ ŋau à ni, a kaa ka ba nkãma si bii aa ka yɛò taalei Daniɛli, í gbe ka dɛdɛ baa ide akã gɔ si woodai Ilaaɔ̃ Lafɛ̃ɛɛi.