Daniɛli 6:20 - Bibeli do fee

²⁰ Hai amɛɛjuumá daadaakɔ gbakã, ilaalu í dede. Nɔ wa ce saasa ku ba ku bɔ bi isa bii muusu nla ŋa à wau.

Daniɛli 6:20 Iomraidhean Croise

Kusintii Andunya 18:14

Ntɔ ntɔ ǹ wa n sɔ̃ɛi, nkãma kù wɛɛ iyi í gaabum. Adɔ̃ gɔ suku bɛi, an nyi wa ihɛ̃ n naa n ba Sara í nɛ ama inɛmɔkɔ.

Bomma 1, 16:11

I dɛdɛ Aɔ̃ Lafɛ̃ɛ ilu gbugbã fei ŋa. I ya maa dɛdɛɛ waati kãma fei ŋa.

Iri ku kɔ̃ 119:112

Ǹ jɛsi n ceò ideɛ icɛ. Nŋui í jɛ ribam hee do ajɔ fei.

Iri ku kɔ̃ 146:2

An maa n saabuɛi waati iyi ǹ wɛɛ fei. An kɔ̃ iri n maa n cĩ Aɔ̃ Lafɛ̃ɛi si kuwɛɛm fei.

Iri ku kɔ̃ 73:23

Do nŋu fei, ǹ wɛɛi do awɔ waati kãma fei, nɔ ì waa mu awɔ njɛm.

Zeremi 32:17

Aɔ̃ Lafɛ̃ɛ, awɔi ì ce lele do ilɛ do gbugbã nla nlaɛ. Nkãma kù gaabu bi titɛɛ.

Daniɛli 3:15

Bɛbɛi i jɔ̀ i wɛɛò sɔɔlu ŋa. Waati iyi aa na i gbɔ anu ku dɔ̃i kuu ŋa, do ti yee, do ti gitaa, to ti mɔɔlɔ, do ti kundigi, hee do jĩnɛi iri ku kɔ̃ dimi ikã ikã ŋa iyi à gbe ŋau fei, i sɛɛbata i tɔɔ iwɛ̃ iyi ǹ jɔ̀ à ce do wurau ŋa. Bii ì kɔ̀ ku tɔɔɛ ŋa, tengi bɛ gbakã, aa so ŋɛi a sɔsi ŋɛ si inɔ ina nla nlau. Nɔ waati bɛɛbɛ, iwɛ̃ yoomai á yɔkɔ ku nya ŋɛ hai si awɔm.

Daniɛli 3:17

Ilaaɔ̃ Lafɛ̃ɛ nwa iyi à waa tɔɔ á yɔkɔ ku faaba wa, nɔ ku nya wa hai si ina nla nlau do hai si awɔɛ awɔ ilaalu.

Daniɛli 6:16

Ŋɔi mbɛɛi Daniɛli ŋau à kanju à nyi bi ilaaluu má nɔ à sɔ̃ɔ à ni, ilaalu, í jɔ ì mà iyi woodai inɛi Mɛɛdi ŋa do ti inɛi Pɛɛsi ŋau í ni, wooda iyi à jilɛ do ide iyi ilaalu takaɛ í jilɛ nɔ í dasi nyindaɛ, kù nɛ ku kpaasi ya.

Daniɛli 6:19

Si anyii nŋu, nɔ ilaaluu í sinda í nyi kabaɛ. Idũ ajɔ nŋu, kù jɛ nkãma nɔ kù jɔ̀ abo mmu ŋa iyi í nɛu kãma nŋa kú naa bi tɛɛ, nɔ kù sĩ njoo.

Daniɛli 6:26

Si anyiɛ, ilaalu Dariusi í kɔa zamaau fei, do dimi fei, do fee ŋa iyi à wa si andunyau fei. Nɔ í ni, laakai ku sũ nla nla ku wɛɛ do iŋɛ.

Daniɛli 6:27

Si anyii nŋu, nɔ Dariusi í ni má, wooda iyi ǹ wa n jilɛ wee. Si bommam nɔu, inɛ fei í nɛ ku mà bɛɛrɛi Ilaaɔ̃ Lafɛ̃ɛi Daniɛlii nɔ ku ya maa jirimaɛ, domi nŋui í jɛ Ilaaɔ̃ iyi í wɛɛ nɔ á maa wɛɛi hee do ajɔ fei. A kaa ce nfei bommaɛ ajɔ kãma, nɔ gbugbãɛu á maa wɛɛi kaa nɛ kɔɔ.

Ozee 12:6

Lafɛ̃ɛi í jɛ Aɔ̃ Lafɛ̃ɛi lele do ilɛ, Aɔ̃ Lafɛ̃ɛi í jɛ iri iyi à ya kpoo do.

Kuka 11:23

Ŋɔi Aɔ̃ Lafɛ̃ɛ í jɛa í ni, gbugbãm mɔ ni, kaa to? Bii í ce sãa nsɛi, aa yɔɔ bii í jɛ ide iyi ǹ sɔ̃ɛu á ce, walakɔ bii í nɔ í jɛ kaa cei.

Luku 1:37

Maari, jɔ̀ i mà iyi nkãma kù wɛɛ iyi Ilaaɔ̃ í mɔngɔ.

Luku 18:1

Jesu í kpa nŋa mɔndau ihɛ̃ ku nyisi ŋa iyi í sĩa a maa ce kutɔɔ waati kãma fei, gbɛɛji ku maà wa si.

Woo bɛ ŋa 6:4

Amma awa taka nwa aa ka maa ce kutɔɔ nɔ ka maa waazo idei Ilaaɔ̃ waati kãma fei.

Romu 2:7

Inɛ ŋa iyi à temua à waa ce jiida à waa dɛdɛò amboe do bɛɛrɛ, nɔ à waa dɛ aŋa a maà ce nfe, aŋai Ilaaɔ̃ á mua kuwɛɛ hai tãu.

Kɔrɛnti 2, 1:10

Nŋui í nya wa hai si iku dimi bɛɛbɛ, á nɔ ku nya wa má. Ntɔi, à waa cɔ kpãaɛ á nyi ku nya wa má.

Kolosee 4:2

I temua si kutɔɔ ŋa, i ya maa tɔɔ Ilaaɔ̃ waati kãma fei nɔ i maa saabuɛ ŋa.

Timɔtee 2, 1:12

Ŋɔi í jɔ̀ ǹ wa n yɛ ijuukpãu ihɛ̃. Amma anyɔ kù waa muum, domi ǹ mà inɛ iyi ǹ dasi naanɛ ǹ nɔ ǹ mà kãm kãm iyi í nɛ gbugbã ku maa mu ide iyi í jɔ̀ɔm nɔu hee ajɔu koo toò wa.

Ebɛɛ 7:25

Na nŋu á yɔkɔ ku faaba inɛ ŋa iyi à waa sɛkɛɛ si Ilaaɔ̃ do saabuɛ mam mam, domi í wɛɛi hee do ajɔ fei ku maa tɔɔ Ilaaɔ̃ na iri nŋa.

Zaaki 1:25

Amma inɛ iyi á jɛ ilu inɔ didɔ̃ si mii iyi wa ce fei nŋui í jɛ inɛ iyi wa cio wooda do laakai nɔ wa jirimaɛ do temua. Nɔ bii í gbɔ ideu ci ya gbɛjɛɛ nsɛi nsɛi amma í ya ceò icɛi. Lafɛ̃ɛ á jɛ ilu inɔ didɔ̃i si na iyi í jɔ̀ woodau í jɛ dee dee nɔ á nya inɛ.

Zudu 1:24

Ilaaɔ̃ nŋu akãi í jɛ woo faaba nwa, nŋu iyi á yɔkɔ ku degbe ŋɛ i maà na i cuku ŋa, nɔ ku jɔ̀ i naa si amboeɛ ŋa do inɔ didɔ̃, lɛɛfi ku maà wa si. Amboe do jirima do gbugbã do yiiko ku jɛ tɛɛ hai sinte, do nsɛi, hee do ajɔ fei na saabui Lafɛ̃ɛ nwa Jesu Kirisi. Ami.