Daniɛli 6:2 - Bibeli do fee

² Dariusi í yɔɔ iyi si bommau, á sĩa a ce ikpɛ̃i ilɛu ikɔ cĩɔ do kɔnfia nɔ a jilɛ akawe ŋa si aŋa fei.

Daniɛli 6:2 Iomraidhean Croise

Ɛsidarasi 4:22

Maà ce atafii si ideu bɛ ku ba laalɔu ku maà na ku kɔ̃ɔsi si ilaalu ŋau má.

Ɛsitɛɛ 7:4

Ntɔ ntɔ amu do inɛm ŋa à ta wai a koo a saka wa a kpa wa nɔ a ce nfe nwa mam mam araare kù maa wa si. Bii í jɛ bɛi à ta wa ka jɛ aru nŋu akãi wo n kaa n fɔ ide kãma, domi inɛ nŋu kù to n maa n bitandiɛ.

Mɔnda ŋa 26:6

Inɛ iyi wa bɛò nnyɛi ide, í yɛi bɛi inɛ iyi í bu kutɛi araɛ nɔ á ba wahala.

Mɔnda ŋa 3:16

Hunde sisɔ í wa si awɔ njɛɛ, amani do amboe mɔ à wa si awɔ cangaɛ.

Daniɛli 5:16

Nɔ ǹ gbɔ à ni ì ya gbɔ yaasei mii ŋa iyi à gaabu fei nɔ ì ya ba iwɔi ide kugaabu ŋa mɔ fei. To, nsɛi bii í jɛ aa yɔkɔ i ciom kukɔu ihɛ̃ nɔ i tusɛɛm yaaseɛ, aa daɛ si ibɔ kusĩa ŋa, nɔ a daɛ si sabai wura si kɔ̃ɔ, nɔ si bommai ilɛu, inya mɛɛtasiau, titɛɛi á jɛ.

Daniɛli 5:29

Ŋɔi gbakã Bɛlisasaa í ni a daa Daniɛli si ibɔ kusĩau, nɔ a daa si sabai wura, nɔ a naa inya mɛɛtasiai bommai ilɛu.

Daniɛli 5:7

Ŋɔi í dɔ̃ anu do gbugbã, nɔ í na wooda í ni a kpea nŋu woo ce dobu dobu ŋau wa do inɛi Kaladee ŋau do woo mà yaasei leleaɔ̃ ŋau. [Waati iyi woo mà ŋau à to wa,] nɔ í sɔ̃ ŋa í ni, inɛ baa yooma iyi í yɔkɔ í cio kukɔu ihɛ̃, nɔ í tusɛɛm yaaseɛ, ibɔ kusĩa ŋai an daa si, nɔ n daa si sabai wura si kɔ̃ɔɛ, nɔ inya mɛɛtasia si bommau, titɛɛi á jɛ.

Daniɛli 6:1

Ŋɔi Dariusi inɛi Mɛɛdiu í ba bommau si adɔ̃ kita do minjisiaɛ.

Matie 18:23

Sotĩ i gbɔ faaji gɔ iyi wa nyisi bɛi bommai Ilaaɔ̃ í yɛ. Ilaalu gɔ wa bi ku ce dooi gbeseɛ iyi amaacɛɛ ŋa à waa mu.

Luku 16:2

Ŋɔi lafɛ̃ɛ í kpoo í beeɛ í ni, irei ǹ wa n gbɔ inɛ ŋa à wasi ku sɔ iriɛ ya. I kaa yɔkɔ i jɛ amaacɛm má. Koo so tiai icɛɛ wa si bii ì ya ce dooi fiam, i naa i nyisim.

Kɔrɛnti 1, 4:2

Í sĩa inɛ ŋa iyi à nɔ à daa mii ŋau si awɔ a jɛ ilu naanɛ ŋa.

Samuɛli 1, 2:30

Na nŋu, í ni nŋu í tako í cea inɛi kpasɛ̃ɛ do ti baaɛ ŋa kuwã wo í ni aŋai aa jɛ woo weei nŋu ŋa hee do ajɔ fei. Amma bɛbɛi nŋu kaa ce bɛɛbɛ má. Ntɔ ntɔ, inɛ ŋa iyi à waa saalu nŋu aŋai nŋu á saalu. Amma inɛ ŋa iyi a kù waa saalu nŋu, aa yɛ anyɔ.