Daniɛli 6:16 - Bibeli do fee

¹⁶ Ŋɔi mbɛɛi Daniɛli ŋau à kanju à nyi bi ilaaluu má nɔ à sɔ̃ɔ à ni, ilaalu, í jɔ ì mà iyi woodai inɛi Mɛɛdi ŋa do ti inɛi Pɛɛsi ŋau í ni, wooda iyi à jilɛ do ide iyi ilaalu takaɛ í jilɛ nɔ í dasi nyindaɛ, kù nɛ ku kpaasi ya.

Daniɛli 6:16 Iomraidhean Croise

Samuɛli 2, 3:39

Nnyi, n kù nɛ gbugbã baa do iyi à cicam ǹ jɛ ilaalu fei. Nɔ amai Seruya ŋa à gaabu à rem. Aɔ̃ Lafɛ̃ɛ ku sãa inɛ laalɔ laalɔ iyi í ce.

Zɔɔbu 5:19

Tuuba nkpɔ nkpɔi á nyaɛ hai si wahala. Nɔ waati kãma fei á ya nyaɛi hai si mbiisi, kaa jɔ̀ laalɔ ku baɛ.

Mɔnda ŋa 29:25

Njoi amanɛ ŋa iyi ì waa ce ŋai í jɛ bɛi cɛkũm du ŋɛ. Amma nkãma ci ya ba inɛ iyi í dasi Aɔ̃ Lafɛ̃ɛ naanɛ.

Ezai 41:10

Maà jɔ̀ njo ku muɛ domi ǹ wɛɛ do awɔ. Maà ti i maa cɔ ilu do zigiida domi amui ǹ jɛ Aɔ̃ Lafɛ̃ɛɛ. An jɔ̀ i nɛ gbugbã, nɔ an naa n faabaɛ. An maa n muɛi do gbugbãm iyi í ya jɔ̀ n jɛ igũ.

Ezai 43:2

Bii ì waa kua inyi, an wɛɛ do awɔ. Nɔ bii ì waa kua ido ŋa, inyi kaa nɛòɛ. Bii ì waa nɛ si ina ì waa kua, kaa joɛ nɔ amɛi inau kaa ceɛ nkãma.

Zeremi 26:14

Amma amu, si awɔ nŋɛi ǹ wa. I ceem bɛi í sĩa nŋɛ si do bɛi í jɛ nŋɛ dee dee ŋa.

Zeremi 38:5

Ŋɔi ilaalu Sedesiasi í jɛ nŋa í ni, nŋu wee í wa si awɔ nŋɛ bɛ, i cea bɛi ì bi ŋa, domi amu ilaalu n kaa n yɔkɔ n ce nkãma si gãmɛ nŋɛ.

Zeremi 38:6

Ŋɔi sooge ŋau à so Zeremi à sɔsiɛ si inɔ lɔgɔ hai nɛ inyi gɔ iyi à ce iyi í jɛ ti Malikia amai ilaaluu. Tengi bii à dasiɛu í wai si bantuma bii sooge ŋa à ya maa degbeu. À dasi Zeremi si inɔ bɛi do ikũ. Amma inyi kãma kù wa si inɔɛ, pɔkɔdɔ dei í nɛ, nɔ Zeremi í mile si inɔ pɔkɔdɔu.

Zeremi 39:17

Amma si ajɔ iyi laalɔu bɛ á to wa, amu Aɔ̃ Lafɛ̃ɛi an faabaɛ nɔ i kaa dasi awɔi inɛ ŋa iyi njo wa muɛ siu.

Daniɛli 3:15

Bɛbɛi i jɔ̀ i wɛɛò sɔɔlu ŋa. Waati iyi aa na i gbɔ anu ku dɔ̃i kuu ŋa, do ti yee, do ti gitaa, to ti mɔɔlɔ, do ti kundigi, hee do jĩnɛi iri ku kɔ̃ dimi ikã ikã ŋa iyi à gbe ŋau fei, i sɛɛbata i tɔɔ iwɛ̃ iyi ǹ jɔ̀ à ce do wurau ŋa. Bii ì kɔ̀ ku tɔɔɛ ŋa, tengi bɛ gbakã, aa so ŋɛi a sɔsi ŋɛ si inɔ ina nla nlau. Nɔ waati bɛɛbɛ, iwɛ̃ yoomai á yɔkɔ ku nya ŋɛ hai si awɔm.

Daniɛli 3:17

Ilaaɔ̃ Lafɛ̃ɛ nwa iyi à waa tɔɔ á yɔkɔ ku faaba wa, nɔ ku nya wa hai si ina nla nlau do hai si awɔɛ awɔ ilaalu.

Daniɛli 3:28

Ŋɔi Nebukanɛsaa í ni, ka saabu Ilaaɔ̃ Lafɛ̃ɛi Sadaaki, do Mesaaki do Abɛdi-Nego iyi í bɛ inɛ gɔ wa í naa í faaba woo ce icɛɛ ŋa, domi à dasiɛ naanɛ, nɔ à kɔ̀ ku jirima woodai amu ilaalu, nɔ à jɛsi aŋa a ba ijuukpã do iyi aŋa aa koo a tɔɔ iwɛ̃ gɔ nɔ a fũsi Ilaaɔ̃ Lafɛ̃ɛ nŋa awɔ.

Daniɛli 6:20

Hai amɛɛjuumá daadaakɔ gbakã, ilaalu í dede. Nɔ wa ce saasa ku ba ku bɔ bi isa bii muusu nla ŋa à wau.

Daniɛli 6:7

Ŋɔi inɛ ngbo minji ŋau do akawei kukpɛ̃i ilɛ ŋau à bɔ bi ilaaluu nɔ à sɔ̃ɔ à ni, ilaalu Dariusi, hunde sisɔ kú jɛ ti awɔ ilaalu hee do ajɔ fei.

Woo bɛ ŋa 24:27

Iyi í ce bɛi adɔ̃ minji ŋɔi Pɔsiu Fesitu í na í sãsi agbɛi Felisi. Wee Felisi í jɔ̀ Pɔlu ile piisɔ̃ɔ bɛi si na iyi í jɔ̀ wa bi nŋu ku nɛ bɛɛrɛ bi Zuifu ŋau.

Woo bɛ ŋa 25:11

Bii ǹ ce kurara walakɔ daa gɔ iyi í to a kpam n kaa n kɔ̀. Amma ide ŋa iyi à waa yɛ taalem siu ihɛ̃, bii kù jɛ ntɔ inɛ gɔ kaa yɔkɔ ku dasim awɔ. Na nŋu, ǹ so kiitim ǹ daa ilaalu nlau takaɛ si awɔ.

Woo bɛ ŋa 25:9

Amma Fesitu wa bi nŋu ku nɛ bɛɛrɛ bi Zuifu ŋau. Na ŋɔi í jɔ̀ í bee Pɔlu í ni, ì bi i bɔ Zeruzalɛmu a ceɛ kiiti si wajum na irii ideu ihɛ̃?

Romu 13:3

Ntɔ ntɔ, woo ce jiida ŋa a kù nɛ zigiida do inɛ ŋa iyi à waa mu ilɛu, í gbe woo ce laalɔ ŋa. Bii i kù bi njo ku muɛ si gãmɛi inɛ ngbo ŋau, ce jiidaɛ, aa nɛ siɛ inɔ didɔ̃.

Kɔrɛnti 2, 1:10

Nŋui í nya wa hai si iku dimi bɛɛbɛ, á nɔ ku nya wa má. Ntɔi, à waa cɔ kpãaɛ á nyi ku nya wa má.