Daniɛli 6:13 - Bibeli do fee

¹³ Ŋɔi à koo à ba ilaaluu nɔ à beeɛ à ni, n jɔ ì jilɛ wooda gɔ nɔ ì dasi nyindaɛ ì ni si afei ajɔ kuntaau ihɛ̃, inɛ baa yooma iyi í tɔɔ iwɛ̃ gɔ, walakɔ inɛ mmu gɔ, bii kù jɛ awɔ ilaalu, aa so lafɛ̃ɛi a sɔsi inɔ isa bii muusu nla ŋau à wa mɛɛ. Ŋɔi ilaaluu í jɛ í ni, kãm kãm bɛɛbɛi, nɔ woodau ti inɛi Mɛɛdi ŋai do ti inɛi Pɛɛsi ŋa iyi ci ya nɛ inɛ gɔ ku kpaasi ngɔgɔ.

Daniɛli 6:13 Iomraidhean Croise

Ɛsitɛɛ 3:8

Ŋɔi Hamaa í koo í sɔ̃ ilaalu Asuerusi í ni, dimi gɔ ŋa à wa si ilɛu ihɛ̃, à wɛɛ ikã nɔ à fangaa bii fei si bommaɛu. Wooda nŋa ŋa à jɛ ikã do ti inɛ ŋa iyi à gbe nɔ a kù waa jirima woodaɛ ŋa. Kaa jɛɛ aranfãani bii ì jɔ̀ inɛ ŋau sɛ̃ɛ.

Daniɛli 1:6

Si dimii inɛi Zudaa ŋau, inɛ ŋa iyi à cica wee. Daniɛli do Hanania do Mikaɛli do Azaria.

Daniɛli 2:25

Ŋɔi Ariɔku í gbã Daniɛli gbãa gbãa í bɔòɛ bi ilaaluu nɔ í sɔ̃ɔ í ni, si inɔi inɛ ŋa iyi à mu wa hai ilɛi Zudaau, ǹ ba inɛ iyi á yɔkɔ ku tusɛ yaasei alaɛu.

Daniɛli 3:11

nɔ inɛ baa yooma iyi í kɔ̀ ku sɛɛbata ku tɔɔɛ fei, aa sooi a sɔsiɛ si inɔ bii ina nla nla gɔ wa jou.

Daniɛli 3:12

To, Zuifu ŋa iyi ì so inɛ ngbo ku jɛi kukpɛ̃i ilɛi Babilɔni ì daa si awɔ ŋau, Sadaaki do Mesaaki do Abɛdi-Nego, a kù saalu woodaɛu. À kɔ̀ ku tɔɔ iwɛ̃ɛ ŋau, nɔ a kù tɔɔ mii iyi ì ce do wura ì jɔ̀ à gũu.

Daniɛli 3:8

Ŋɔi gbakã inɛi Kaladee gɔ ŋa à na à waa yɛ taalei Zuifu ŋa.

Daniɛli 5:13

Ŋɔi à gbã Daniɛli à naaɛ wa si wajui ilaalu. Nɔ ilaaluu í bee Daniɛli í ni, awɔi ì jɛ Daniɛli inɛ akãi inɛ ŋa iyi ilaalu baam í mu wa hai ilɛi Zudaau?

Woo bɛ ŋa 17:7

nɔ wee Zasɔ̃ɔ í jɔ̀ à sɔ kpasɛ̃ɛ. Aŋa fei à waa bɛjɛ woodai ilaalu nlai Romu à waa ni ilaalu gɔ í wɛɛ má iyi à ya kpe Jesu.

Woo bɛ ŋa 5:29

Ŋɔi Piɛɛ do woo bɛ kpaasiɛ ŋau à jɛ à ni, tilasi idei Ilaaɔ̃i aa ka jirima, kù jɛ ti amanɛ ŋa.