Daniɛli 6:10 - Bibeli do fee

¹⁰ Ŋɔi ilaalu Dariusi í jilɛ woodau, nɔ í dasi nyindaɛu.

Daniɛli 6:10 Iomraidhean Croise

Ilaalu 1, 8:30

Jɔ̀ i cea amu woo ce icɛɛ do inɛi Izirɛli inɛɛ ŋa mii iyi à waa tɔɔ waati iyi à naa tengi ihɛ̃. Jɔ̀ i ya gbɔ kutɔɔ nwa hai lelei Aɔ̃ tengi bii ì wa, nɔ i kpa idei dulum du wa.

Ilaalu 1, 8:38

bii à ce kutɔɔ na irii zamaaɛ inɛi Izirɛli ŋa nɔ inɛ fei í mà kurara iyi nŋu í ce, nɔ à to awɔ nŋa wa ikpa bi ileu ihɛ̃,

Ilaalu 1, 8:44

Waati iyi zamaaɛ á na ku fita ku bɔ igũ si mbɛɛɛ ŋa si bɛi awɔ takaɛ ì jilɛ nŋa, bii à tɔɔ awɔ Aɔ̃ Lafɛ̃ɛ à waa cɔò ilu iyi ì cicau do ile iyi ǹ ma do iriɛu ihɛ̃ wa,

Ilaalu 1, 8:54

Waati iyi Salomɔɔ wa ce kutɔɔu bɛ fei, wa gulɛi si wajui bi kuweeu nɔ í to awɔ lele. Waati iyi í tɔɔ Aɔ̃ Lafɛ̃ɛ í tã, ŋɔi í dede

Bomma 2, 6:13

Wee Salomɔɔ í jɔ̀ à ce bi ku gũ ku leekĩ si ku fɔò ide do isɔ nkpa gɔ nɔ í jilɔɔ si aninii bantumau. Kusɔɛ agbãawɔ miiui, kucĩɛ agbãawɔ miiu, kugbokaɛ agbãawɔ mɛɛta. Ŋɔi í gũ antaiɛ nɔ í gulɛ si wajui inɛi Izirɛli ŋau fei í wu awɔ lele í ce kutɔɔ.

Bomma 2, 6:38

bii à nyi wa bi tɛɛ do idɔ nŋa fei do lasabu nŋa fei, bii à waa tɔɔɛ hai ilɛ bii à waa mu ŋa aruu à waa cɔò ikpa ilɛ iyi ì mua bala nŋa ŋa do ilu iyi ì cica do kpasɛ̃ iyi ǹ ma do iriɛu,

Ɛsidarasi 9:5

Waati iyi à ce kuweei alɛu ŋɔi ǹ dede hai tengi bii ǹ buba do inɔ kufɔu ǹ koo ǹ gulɛ do jĩnɛm do kumboo ku gam ǹ to awɔm ikpa bi Aɔ̃ Lafɛ̃ɛm.

Neemi 6:11

Ŋɔi ǹ jɛa ǹ ni, n kù jɛ inɛmɔkɔ iyi á sa. Nɔ mɔm inɛ bɛi amu yoomai á yɔkɔ ku lɔ inɔ ile kumáu bɛ nɔ ku wɛɛ má. N kaa n lɔ bɛ pai.

Iri ku kɔ̃ 34:1

Iriu ihɛ̃ ti Davidii. Davidi í sinda araɛ bɛi sũmu si wajui ilaalu Abimelɛki. Si anyiɛ Abimelɛki í leleɛ, nɔ í nɛ.

Iri ku kɔ̃ 5:7

Aɔ̃ Lafɛ̃ɛ, ì ya ce nfei woo sɔ ibo ŋai, nɔ ì cé woo kpa inɛ ŋa do woo zamba inɛ ŋa.

Iri ku kɔ̃ 55:17

Amu, Aɔ̃ Lafɛ̃ɛi an tɔɔ faaba á nɔ ku faabam.

Iri ku kɔ̃ 86:3

Ceem didɔ̃ Lafɛ̃ɛ, domi ajɔ fei ǹ ya n maa n dɔ̃ siɛ anui.

Iri ku kɔ̃ 95:6

I naa wa ŋa ka kaye ara nwa, ka gulɛ, ka sɛɛbata si wajui Aɔ̃ Lafɛ̃ɛ nŋu iyi í taka wa.

Daniɛli 6:13

Ŋɔi à koo à ba ilaaluu nɔ à beeɛ à ni, n jɔ ì jilɛ wooda gɔ nɔ ì dasi nyindaɛ ì ni si afei ajɔ kuntaau ihɛ̃, inɛ baa yooma iyi í tɔɔ iwɛ̃ gɔ, walakɔ inɛ mmu gɔ, bii kù jɛ awɔ ilaalu, aa so lafɛ̃ɛi a sɔsi inɔ isa bii muusu nla ŋau à wa mɛɛ. Ŋɔi ilaaluu í jɛ í ni, kãm kãm bɛɛbɛi, nɔ woodau ti inɛi Mɛɛdi ŋai do ti inɛi Pɛɛsi ŋa iyi ci ya nɛ inɛ gɔ ku kpaasi ngɔgɔ.

Daniɛli 9:4

Amu Daniɛli, si kutɔɔm nɔu, ǹ wa n tɔɔ Aɔ̃ Lafɛ̃ɛ ku cea inɛm ŋau suurui kurara nŋa ŋai. Si kutɔɔm nɔu ǹ ni, Lafɛ̃ɛ Ilaaɔ̃, awɔ iyi ì la nɔ ì to njo, nɔ ì ya kɔ̃ akabuuɛ, dee dee ku jɛɛ í ya wa si gãmɛi inɛ ŋa iyi à biɛ nɔ à waa jirima woodaɛ ŋa.

Zonasi 2:4

Ì nyɔm hee si lɛlɛi tenku, nɔ acãi inyi í kaakom, nɔ kutãngãm dii inyiu í mim.

Maaku 3:3

Ŋɔi Jesu í sɔ̃ inɛ iyi awɔɛ í kuu í ni, dede i leekĩ si anini nŋa bɛ.

Luku 14:26

inɛ iyi í naa bi tom nɔ kù cé baaɛ do iyeɛ do aboɛ do amaɛ ŋa do igbãɛ ŋa do ifɔɛ ŋa do wecĩɛ ŋa do kuwɛɛi nŋu takaɛ kaa yɔkɔ kù jɛ mɔcɔm.

Luku 22:41

Si anyii nŋu nɔ í sɛkɛɛ í jɔ̀ ŋa zakai kujĩi kutai awɔ nɔ í gulɛ bɛ wa ce kutɔɔ

Woo bɛ ŋa 10:9

Iju kumáɛ zakai dasã à wa si kpãau nɔ à maai si iluu. Waati bɛɛbɛ í ko Piɛɛ í gũ antaii ile sikifa wa ce kutɔɔ.

Woo bɛ ŋa 2:15

Ǹ bi i mà ŋa iyi inɛ ŋau ihɛ̃ atɛ̃ kù waa kpa ŋa bɛi ì waa tamaa ŋau bɛ, domi à wɛɛ si daadaakɔ, baa isɔ mɛɛsã kù lɔ titã.

Woo bɛ ŋa 20:24

Amma kuwɛɛm kù jɛ ngɔgɔ bi tom, n kù nɔ n kù wa n saaluɛ, amu de n ba n tambɔ icɛm iyi Jesu Lafɛ̃ɛ í dasim n ce. Icɛu nŋui í jɛ n sisi laabaau jiidai didɔ̃ iyi Ilaaɔ̃ í ce nwa.

Woo bɛ ŋa 20:36

Iyi Pɔlu í fɔ bɛɛbɛ í tã ŋɔi í gulɛ aŋaò ŋa fei nɔ à ce kutɔɔ.

Woo bɛ ŋa 21:5

Amma iyi ajɔi kunɛ nwa í to à nyi bi akɔu má. Aŋa fei do abo nŋa ŋa do ama nŋa ŋa à naa à leekĩ nwa hai iluu. Awa fei à gulɛ itĩi tenkuu nɔ à ce kutɔɔ.

Woo bɛ ŋa 3:1

Ŋɔi alɛ ajɔ nŋu gɔ zakai isɔ mɛɛta Piɛɛ do Zãa à waa bɔ kutɔɔ bantumai kpasɛ̃i Ilaaɔ̃.

Woo bɛ ŋa 4:29

Na nŋu nsɛi, Lafɛ̃ɛ, ce laakaii ide ku fɔ nŋa nɔ i jɔ̀ awa woo ce icɛɛ ŋau ka sisi ideɛu do wɔɔkɔ nla nla.

Woo bɛ ŋa 5:20

i bɔ bantumai kpasɛ̃i Ilaaɔ̃ i koo i leekĩ bɛ nɔ i sisia inɛ ŋa idei kuwɛɛ titɔ̃u fei ŋa.

Woo bɛ ŋa 5:29

Ŋɔi Piɛɛ do woo bɛ kpaasiɛ ŋau à jɛ à ni, tilasi idei Ilaaɔ̃i aa ka jirima, kù jɛ ti amanɛ ŋa.

Woo bɛ ŋa 7:60

Ŋɔi í cuku í gulɛ wa dɔ̃ anu hee lele wa ni, Lafɛ̃ɛ, maà mu ŋa do dulum nɔu ihɛ̃. Iyi í fɔ bɛɛbɛ í tã nɔ í ku.

Woo bɛ ŋa 9:40

Ŋɔi Piɛɛ í nya aŋa fei hai ilaawa í bɛi í gulɛ wa ce kutɔɔ. Í sinda si ikuu í ni, Tabita dede. Ŋɔi í cĩ ijuɛ. Iyi í yɛ Piɛɛ nɔ í dede í buba.

Efɛɛzu 3:14

Na saabui ideui ǹ wa n gulɛ si wajui Ilaaɔ̃ Baaba.

Filipi 1:14

Ile piisɔ̃ɔ ku wam í mua kpaasi woo dasi Lafɛ̃ɛ Jesu naanɛ nkpɔ gbugbã í kɔ̃ɔsi à waa sisiò idei Ilaaɔ̃ do idɔ ku buba do wɔɔkɔ.

Filipi 1:20

Mii iyi ǹ dasi idɔ nɔ ǹ wa n cɔ kpãaɛ kãm kãm nŋui í jɛ n maà n ce nkãma iyi á jɔ̀ anyɔ ku mum. Mii iyi ǹ bi nŋui í jɛ n nɛ wɔɔkɔ bɛi ǹ nɛ hai tako n maa n nyisiò kulai Kirisi bii ǹ wɛɛ si hunde walakɔ baa bii í jɛ ǹ ku mɔi.

Filipi 4:6

I maà ya jɔ̀ zigi nŋɛ ku da do ngɔgɔ. Amma si mii fei i ya tɔɔ Ilaaɔ̃ do saabu nɔ i beeɛ bukaatai mii iyi ì bi ŋa.

Kolosee 3:17

Si kuce nŋɛ do si kufɔ nŋɛ i ce fei ndɛɛ do irii Lafɛ̃ɛ Jesu nɔ i saabu Ilaaɔ̃ Baaba ŋa na saabuɛ.

Ebɛɛ 13:15

Na irii Jesu ka maa saabu Ilaaɔ̃, waatɔ ka ya fɔ do gɛlɛ nwa mii iyi í ce si wajui inɛ ŋa. Nɔ saabuu kú jɛ bɛi kuwee iyi à waa ceaa waati kãma fei.

Ebɛɛ 4:16

Kitãi bommai Ilaaɔ̃i í jɛ tengi bii aa ka ba didɔ̃. Na nŋu, ka sɛkɛɛ si kitãu si kutɔɔ nwa do idɔ ku buba, ku ba Ilaaɔ̃ ku ce araare nwa nɔ ku mu nwa didɔ̃ iyi á sobi wa si waati iyi í jɔ.

Kuyɛi Zãa 2:10

I maà ce njo na ijuukpã iyi wa naa si ŋɛ. Seetam á jɔ̀ a dasi inɛ gɔ nŋɛ ŋa piisɔ̃ɔ ku cɔ laakai nŋɛ. Aa yɛ wahala hee ajɔ mɛɛwa ŋa. Amma i jɔ̀ i leekĩ dim dim hee i koo i kuò ŋa. Bii ì ce bɛɛbɛ ŋa an mu nŋɛ kuwɛɛ ku jɛ riba nŋɛ.

Kuyɛi Zãa 2:13

ǹ mà bii ì wa ŋa, Seetam nii wa jɛ bommaɛ do gbugbã. Do nŋu fei, ì waa jirima irim ŋa, nɔ i kù fũsi naanɛ iyi ì dasim awɔ ŋa, baa waati iyi à kpa Antipasi bi tu ŋɛ bi kuwai Seetam bɛ. Antipasiu ilu naanɛ woo jɛ sɛɛdam nii.