Daniɛli 5:7 - Bibeli do fee

⁷ Ŋɔi í dɔ̃ anu do gbugbã, nɔ í na wooda í ni a kpea nŋu woo ce dobu dobu ŋau wa do inɛi Kaladee ŋau do woo mà yaasei leleaɔ̃ ŋau. [Waati iyi woo mà ŋau à to wa,] nɔ í sɔ̃ ŋa í ni, inɛ baa yooma iyi í yɔkɔ í cio kukɔu ihɛ̃, nɔ í tusɛɛm yaaseɛ, ibɔ kusĩa ŋai an daa si, nɔ n daa si sabai wura si kɔ̃ɔɛ, nɔ inya mɛɛtasia si bommau, titɛɛi á jɛ.

Daniɛli 5:7 Iomraidhean Croise

Kusintii Andunya 41:8

Iyi iju í má daadaakɔu idɔi Faraɔ̃ kù sũ. Í kpe woo ce alisi ŋa do ilu bisi ŋa iyi à wa Ezibiti bɛ fei. Í sisi nŋa alaɛ ŋau, amma baa inɛ akã nŋa kù yɔkɔ ku mà yaasei ala ŋau.

Ɛsitɛɛ 3:1

Si anyii nŋu, ŋɔi ilaalu Asuerusi í kɔ̃ɔsi gbugbãi Hamaa amai Hamedata tɔkui Agagi. Í soo lele í jɔ̀ í jɛ minjisiaɛ, nɔ í jɛ inɛ ngboi akaweɛ ŋa.

Kufita 7:11

Amma Faraɔ̃ í kpe woo ce alisiɛ ŋa do ilu iwɔɛ ŋa, nɔ aŋa mɔ à ce dimi bɛɛbɛ do iwɔ ku ce dobu dobu nŋau.

Mɔnda ŋa 1:9

domi á jɔ̀ daaɛ ku sĩa. Á yɛɛi bɛi fula jiida si iriɛ walakɔ bɛi sabai wura si kɔ̃ɔɛ.

Iri ku kɔ̃ iyi í dɔ̃ í re 1:10

Hanlaga ŋa iyi ì ya dasii í ya jɔ̀ kɛkɛlɛɛ ku sĩa. Kɔ̃ɔɛ í ya sĩai na saba ŋa.

Ezai 47:13

Ì gbɛɛji araɛ do ikɔ ŋa ku bee. Bi inɛ ŋa iyi ì waa bee ikɔ ŋau, jɔ̀ a dede a faabaɛ, aŋa iyi à mà yaasei lelei Aɔ̃ nɔ à waa cɔ leleaɔ̃ ŋa, nɔ à ya fɔ laabaaui mii iyi á baɛ si kufitai cukpa titɔ̃ ŋa.

Zeremi 50:35

Aɔ̃ Lafɛ̃ɛ í fɔ í ni, igũ á naa si ilɛi Babilɔni do si inɛi ilu nlaɛ ŋa do si akaweɛ ŋa do si ilu laakaiɛ ŋa.

Ezekiɛli 16:11

Jĩnɛ kusĩa ŋai ǹ biiɛ do, nɔ ǹ daaɛ si isɔi awɔ ŋa do saba.

Daniɛli 1:20

Ŋɔi ilaaluu í lɔsi ide ŋa ku bee ŋa si gãmɛi ide ŋa iyi í bee inɛ ku jɛ ilu laakai nɔ ku jɛ ilu bisi, nɔ í ba wee ide ku jɛ nŋa í sĩa í re ti woo ce alisi ŋa do ti woo ce dobu dobu ŋa iyi à wa si bommaɛu ikɔ mɛɛwa.

Daniɛli 1:4

Inɛ ŋa iyi í ni a naaò wa ŋau, awaasũ ŋa iyi a kù nɛ leebu si ara nŋa ŋai aa jɛ, nɔ a jɛ mɔkɔ kusĩa ŋa, nɔ a jɛ inɛ ŋa iyi à kɔ̃ò laakai, nɔ a jɛ inɛ ŋa iyi à nɛ kumà nɔ à nɛ bisi, ku ba a ya yɔkɔ a maa ce icɛ inɔ kabai ilaalu, nɔ a kɔ ŋa si feei inɛi Kaladee ŋa ku fɔ. Aa kɔ ŋa si kukɔɛ do kukaɛ feii.

Daniɛli 2:2

Ŋɔi ilaalu í ni a kpe woo mà ŋa wa do woo ce alisi ŋa do woo ce dobu dobu ŋa do inɛi Kaladee ŋa ku ba a naa a sisiaa yaasei alaɛ ŋau. Ŋɔi inɛ ŋau à naa à na à leekĩ si wajuɛ.

Daniɛli 2:27

Ŋɔi Daniɛli í jɛaa í ni, yaasei idei asii iyi ì waa beeu bɛ, ilu laakai ŋa, do woo ce dobu dobu ŋa, do woo ce alisi ŋa, do woo mà yaasei leleaɔ̃ ŋa, kãma nŋa kaa yɔkɔ ku tusɛɛ yaaseɛ.

Daniɛli 2:48

Si anyiɛ, ilaaluu í so Daniɛli lele, nɔ í ceaa amuai amani nkpɔ nkpɔ. Nɔ í so ilɛi Babilɔniu í naa ku jɛ inɛ ngboɛ, nɔ í soo kú jɛ inɛ ngbo iyi í wa antaii woo mài Babilɔni ŋau fei.

Daniɛli 2:6

Amma bii ì sɔ̃m alam nɔu, nɔ ì tusɛɛm yaaseɛ ŋa, aa ba amani ŋa do amua ŋa do bɛɛrɛ nla nla hai bi tom ŋa. Iŋɛ de i sisiim alau do yaaseɛ wa ŋa.

Daniɛli 4:14

Idei ijuukpã iyi à fɔ à jilɛu bɛ, amalekai Ilaaɔ̃ ŋa, aŋa iyi à jɛ woo degbe andunyau, aŋai à jɔ̀ à gbɔɔ. Do yaase bɛɛbɛ, ilu hunde baa yooma fei á mà iyi Ilaaɔ̃ nŋu iyi í wa hee lelei í jɛ lafɛ̃ɛi bommai amanɛ ŋa. Nɔ inɛ iyi í bii í ya na. Nɔ á yɔkɔ ku soo mɔm ku na baa inɛ iyi inɛ ŋa a kù waa saalu.

Daniɛli 5:11

Inɛ gɔ í wa si bommaɛ ihɛ̃ iyi í nɛ iwɛ̃ jiida ŋa. Waati iyi baaɛ í wɛɛ si hunde, bi lafɛ̃ɛi à ba inya kumá do kumà, do laakai iyi í jɛ dimi akã do ti iwɛ̃ jiida ŋa. Na ŋɔi í jɔ̀ baaɛ ilaalu Nebukanɛsaa í soo í jɛ inɛ ngboi woo ce alisi ŋa do woo ce dobu dobu ŋa do inɛi Kaladee ŋa do inɛ ŋa iyi à ya mà yaasei leleaɔ̃ ŋa.

Daniɛli 5:15

Nsɛi wee ǹ jɔ̀ à naaò woo ce alisi ŋa wa ihɛ̃ do woo ce dobu dobu ŋa ku ba a ciom mii iyi à kɔ si idĩu ihɛ̃, nɔ a tusɛɛm ku ba n gbɔ yaaseɛ, amma a kù yɔkɔ a kù tusɛɛm yaasei ide ŋau.

Daniɛli 5:16

Nɔ ǹ gbɔ à ni ì ya gbɔ yaasei mii ŋa iyi à gaabu fei nɔ ì ya ba iwɔi ide kugaabu ŋa mɔ fei. To, nsɛi bii í jɛ aa yɔkɔ i ciom kukɔu ihɛ̃ nɔ i tusɛɛm yaaseɛ, aa daɛ si ibɔ kusĩa ŋa, nɔ a daɛ si sabai wura si kɔ̃ɔ, nɔ si bommai ilɛu, inya mɛɛtasiau, titɛɛi á jɛ.

Daniɛli 5:29

Ŋɔi gbakã Bɛlisasaa í ni a daa Daniɛli si ibɔ kusĩau, nɔ a daa si sabai wura, nɔ a naa inya mɛɛtasiai bommai ilɛu.

Kuka 22:17

domi an ceɛ didɔ̃ ikã ikã baa yooma fei, nɔ mii iyi ì tɔɔm fei, an ceɛ. Na nŋu, ǹ wa n tɔɔɛi i naa i ceekpe inɛ ŋau ihɛ̃.

Kuka 22:7

Ŋɔi inɛ ngboi Moabu ŋau do ti Madiãa ŋau à nɛ, nɔ à waa mu amua ŋa iyi aa koo a cea woo yɛu. Ŋɔi inɛ ŋau à to bi Balamu, nɔ à sisia ide ŋa iyi Balaki í ni a naa a sɔ̃ɔu fei.

Kuka 24:11

Bɛbɛi, sinda i koo i nɛ ideɛ. Ǹ wã n gbaɛ do bɛɛrɛi wo nɔ n ceɛ mii jiida ŋa, amma wee Aɔ̃ Lafɛ̃ɛ í jɔ̀ i kaa baa má.

Samuɛli 1, 17:25

Nɔ à waa ni, ì yɛ mɔkɔu ihɛ̃ ŋa? Í fita wai na ku nyaanyi wa. Inɛ iyi í yɔkɔ í kpaa, ilaalu á muaa amani bututu nɔ á so ama mudɛ̃ɛɛ ku muaa ku jɛ aboɛ, nɔ ku jɔ̀ inɛi kpasɛ̃ɛ ŋa fei a nɛ ara nŋa nɔ kàa tilasi ŋa si nkãma má.