Daniɛli 5:5 - Bibeli do fee

⁵ Waati bɛɛbɛ, ŋɔi awɔi amanɛ í faata si ŋa wa. Awɔ iyi í faata wau, amaawɔɛ ŋau à wasi ku kɔ si tengii bi ku lesi fitila ŋau, do si idĩ fũfũi kabai bommau. Ŋɔi ilaaluu í yɛ awɔ iyi wa kɔu.

Daniɛli 5:5 Iomraidhean Croise

Zɔɔbu 20:5

inɔ didɔ̃i igũ ku jɛi woo ce laalɔ ŋa ci ya sɔ. Nɔ bɛɛbɛi inɔ didɔ̃i inɛ iyi kù mà bɛɛrɛi Ilaaɔ̃ ci ya kpɛ.

Mɔnda ŋa 29:1

Inɛ iyi bii à sɔ̃ɔ kuraraɛ ci ya jɛsi, á ce nfei anu akã nɔ kaa dede má.

Zeremi 50:43

Ŋɔi ilaalui Babilɔni í gbɔ baaui ideu, nɔ awɔɛ ŋa fei à kua gbugbã nɔ zigiɛ í da. Ŋɔi ara kuro í naa siɛ bɛi inaabo iyi wa bi ku bí.

Daniɛli 4:31

Si iri ku kpai adɔ̃ mɛɛjeu, ŋɔi amu Nebukanɛsaa ǹ wu iju ikpa lelei Aɔ̃, nɔ laakai jiida í baa sim. Ŋɔi ǹ saabu Ilaaɔ̃ nŋu iyi í wa hee lele nɔ kuwɛɛɛ kù nɛ kɔɔu. Ǹ wa n cũu, nɔ ǹ lɔsi ku fɔ idei bɛɛrɛɛ. Ntɔ ntɔ gbugbãi bommaɛ kù nɛ kɔɔ. Nŋui í jɛ ilaalu, nɔ bommaɛ á maa wɛɛi hee do ajɔ fei.

Daniɛli 4:33

Waati bɛɛbɛi laakai jiidam í baa, nɔ bɛɛrɛi bommam do kusĩaɛ fei í baa má. Woo ce icɛm ŋa do akawe nlam ŋau, aŋa fei à waa saasaò kubaam wa. Ŋɔi à sindom si bommam nɔu má, nɔ bɛɛrɛm í la í re baa ti takou má.

Daniɛli 5:15

Nsɛi wee ǹ jɔ̀ à naaò woo ce alisi ŋa wa ihɛ̃ do woo ce dobu dobu ŋa ku ba a ciom mii iyi à kɔ si idĩu ihɛ̃, nɔ a tusɛɛm ku ba n gbɔ yaaseɛ, amma a kù yɔkɔ a kù tusɛɛm yaasei ide ŋau.

Daniɛli 5:4

Ŋɔi à mɔ atɛ̃ vɛ̃ɛu, nɔ à wasi ku saabu iwɛ̃ ŋa iyi à ce do wura ŋau do iyi à ce do isɔ fũfũ ŋau do ti isɔ nkpa ŋau do isɔ alala ŋau do iyi à ce do jĩi ŋa do ti kuta ŋau.

Daniɛli 5:6

Nɔ gbakã wajuɛ í kpaasi, nɔ zigiida í jɔ̀ lasabuɛ ŋa í fɔtɔtɔ. Ikɔ̃i bũuɛ ŋa mɔ à sesi, nɔ ilugũɛ ŋa mɔ à waa cã si njɛ.

Daniɛli 5:8

Ŋɔi woo mà ŋau fei à lɔ wa, amma a kù yɔkɔ a kù cio kukɔu hee má jɛ a tusɛɛa ilaaluu yaaseɛ.

Kolosee 2:14

Tako wo í yɛi bɛi à kɔ gbesei dulum du wa si tia iyi wa yɛ taale nwa na wooda hai jirima nwa. Nɔ Ilaaɔ̃ í so tiau í kpa ideɛ í kpakpaɛ si jĩi ku gaauu í kpa iriɛ.