Daniɛli 5:4 - Bibeli do fee

⁴ Ŋɔi à mɔ atɛ̃ vɛ̃ɛu, nɔ à wasi ku saabu iwɛ̃ ŋa iyi à ce do wura ŋau do iyi à ce do isɔ fũfũ ŋau do ti isɔ nkpa ŋau do isɔ alala ŋau do iyi à ce do jĩi ŋa do ti kuta ŋau.

Daniɛli 5:4 Iomraidhean Croise

Ilaalu 1, 1:49

Ŋɔi zigii inɛ ŋa iyi Adonia í kpe ku jɛ ŋau fei í da. Nɔ aŋa fei à dede inɛ fei í mu kpãaɛ.

Ezai 42:17

Inɛ ŋa iyi naanɛ nŋa í wa si iwɛ̃ ŋa nɔ à ya maa sɔ̃ iwɛ̃ ŋa iyi à ce do isɔ ŋa iyi à yɔ ŋau a maa ni, iŋɛi ì jɛ lafɛ̃ɛ nwa ŋa, inɛ ŋau aa naa a nyi do anyii nɔ a yɛ anyɔ.

Ezai 42:8

Amui ǹ jɛ Aɔ̃ Lafɛ̃ɛ, nɔ irim nii mbɛ. N kaa n na inɛ mmu gɔ amboem, nɔ n kaa n na iwɛ̃ ŋa bɛɛrɛm.

Daniɛli 1:8

Ŋɔi Daniɛli í dasi idɔ nŋu ku maà riisi arai nŋu si gãmɛi sɔndai ilaaluu ku jɛ do atɛ̃ vɛ̃ɛɛ ku mɔ. Ŋɔi í tɔɔ inɛ ngboi akawe nla ŋau í ni ku maà tilasi nŋu si sɔnda ŋau ku jɛ ku ba nŋu ku maà na ku so riisi.

Daniɛli 5:23

Ì waa ce itĩ ku yikai si gãmɛi Ilaaɔ̃ Lafɛ̃ɛi leleu. Kɔɔfuɛ ŋa iyi à wa inɔ kpasɛ̃i awɔ takaɛu, ì jɔ̀ à koo à so ŋa wa, nɔ ì mɔò atɛ̃ vɛ̃ɛ awɔ do inɛ ngbo ŋa iyi à wa bi tɛɛ, do aboɛ ŋa do aboɛ mmuɛ gɔ ŋa má. Ì kɔ̃ iri ì saabu iwɛ̃ɛ ŋa iyi ì ce do isɔ fũfũ do iyi ì ce do wura do isɔ nkpa do isɔ alala do jĩi do kuta. Mii ŋau bɛ kãma nŋa kù waa yɛ ilu, a kù waa gbɔ ide nɔ a kù nɛ kumà kãma. Nɔ Ilaaɔ̃ nŋu iyi amiɛ fei í wa si awɔ gbugbã nlaɛ, nɔ nŋui wa gbãɛ, i kù mà bɛɛrɛɛ.

Daniɛli 5:3

Ŋɔi à fitaò kɔɔfu ŋa iyi à so wa hai Zeruzalɛmu hai si kpasɛ̃i Ilaaɔ̃u wa, nɔ ilaaluu do akawe nlaɛ ŋau do aboɛ ŋa do aboɛ mmuɛ gɔ ŋa má à mɔò atɛ̃.

Daniɛli 5:5

Waati bɛɛbɛ, ŋɔi awɔi amanɛ í faata si ŋa wa. Awɔ iyi í faata wau, amaawɔɛ ŋau à wasi ku kɔ si tengii bi ku lesi fitila ŋau, do si idĩ fũfũi kabai bommau. Ŋɔi ilaaluu í yɛ awɔ iyi wa kɔu.

Amɔsu 6:7

Na nŋu, iŋɛi aa jɛ inɛ sinte ŋa iyi aa mu a nɛò, nɔ jingaui ilu ika ŋau fei ku kpa iri.

Abakuku 2:19

Inɔ kufɔi á jɛ ti iŋɛ iyi ì sɔ̃ jĩi ì waa ni ku dede, nɔ ì sɔ̃ kuta gɔ iyi kaa yɔkɔ ku fɔ ide ì waa ni ku dede, aŋa iyi a kaa yɔkɔ a kɔ ŋɛ si nkãma, nɔ baa bii í jɛ à bii ŋa do wura do isɔ̃ fũfũ, hunde kãma de kù wa si ŋa.

Woo bɛ ŋa 17:29

Debɛi, si na iyi í jɔ̀ à jɛ amai Ilaaɔ̃ ŋa, kù sĩa ka maa ce lasabu ka ni Ilaaɔ̃ í yɛ bɛi iwɛ̃ iyi amanɛ í lasabu í coo í sĩa do wura walakɔ do isɔ fũfũ walakɔ do kuta.