Daniɛli 5:30 - Bibeli do fee

³⁰ Si idũ akãu bɛ mɔi à kpa Bɛlisasaa ilaalui inɛi Kaladee ŋau.

Daniɛli 5:30 Iomraidhean Croise

Ezai 47:9

To, inɔ kufɔ minji ŋau bɛ fei, anu akãi á na ku boeɛ, nɔ ajɔ akãi á jɛ. Aa na i kua amaɛ ŋai anu akã, nɔ aa baa i jɛ jaaɔ̃. Nɔ iyi bɛ á baɛi baa do sɔɔlu ŋa iyi ilu iwɔɛ ŋa do woo ce dobu dobuɛ ŋau à ce à waa degbeò mii ŋau.

Zeremi 50:24

Babilɔni, cɛkũm nii ǹ leeɛ, nɔ ì dasi i kù mà mɔm. À yɛɛi nɔ à muɛ si na iyi í jɔ̀ amu Aɔ̃ Lafɛ̃ɛi ì naa ì waa ba ku ja.

Zeremi 51:11

Aɔ̃ Lafɛ̃ɛ í nɛ mii iyi wa lelei. Nɔ mii iyi wa leleui í jɛ ku ce nfei Babilɔni. Nŋui wa muaa ilaalui Mɛɛdi ŋau gbugbã á kɔ̃ò mii iyi í dasi idɔ ku ceu. Do yaase bɛɛbɛi wa bi ku sãò gbese. Á sã gbeseui na kpasɛ̃ɛ iyi à nya ikãu. I teese andɛi afa nŋɛ ŋau ku ce ncɛɛ. I kosi afa ŋau si tongo nŋɛ ŋau ku kɔ̃.

Zeremi 51:31

Ŋɔi woo bɛ ŋa, hee do woo kooò laabaau ŋau fei, à ya kooi a maa jɔ̀a njɛ akã akã ku ba a koo a sɔ̃ ilaalui Babilɔni baauu a ni à gba iluɛu fei mam mam hai kɔɔ ihɛ̃ hee ku bɔ kɔɔ ihɔ̃.

Zeremi 51:39

Waati iyi kɔdɛɛ nŋa á dede ntɔ ntɔ, waati bɛɛbɛi an ce nŋa sɔnda jiida. Nɔ an jɔ̀ a mɔ atɛ̃i hee ku kpa ŋa. Waati bɛɛbɛ, aa sĩ njooi hee do ajɔ fei, nɔ a kaa dede má ajɔ kãma. Amu Aɔ̃ Lafɛ̃ɛi ǹ fɔ bɛɛbɛ.

Zeremi 51:57

Nɔ ilaalu iyi iriɛ í jɛ Aɔ̃ Lafɛ̃ɛi lele do ilɛ í ni má, an jɔ̀ atɛ̃ ku kpa akaweɛ do woo nɛ kumàɛ ŋai, do ilu ilɛɛ ŋa do woo kiitiɛ ŋa do woo ja igũɛ ŋa. Aa sĩ njooi iyi a kaa nɛ ku jĩ má.

Amɔsu 6:7

Na nŋu, iŋɛi aa jɛ inɛ sinte ŋa iyi aa mu a nɛò, nɔ jingaui ilu ika ŋau fei ku kpa iri.