Daniɛli 5:28 - Bibeli do fee

²⁸ PAASINIU bɛ mɔi í jɛ mii gɔ iyi à kpɛ̃. Aa kpɛ̃a inɛi Mɛɛdi ŋa do inɛi Pɛɛsi ŋa bommaɛui.

Daniɛli 5:28 Iomraidhean Croise

Bomma 2, 36:23

Aɔ̃ Lafɛ̃ɛi lele í daam bommai ilɛ ŋau fei si awɔ amu Sirusi ilaalui Pɛɛsi, nɔ í cicam n teese n maa nŋu kpasɛ̃ ilui Zeruzalɛmu si ilɛi Zudaa. Si inɔ nŋɛ, iŋɛ iyi ì jɛ inɛɛ ŋa fei, à waa kpe ŋɛ i nyi Zeruzalɛmu ŋa. Nɔ Aɔ̃ Lafɛ̃ɛ nŋɛ ku wɛɛ do iŋɛ.

Ezai 13:17

Aɔ̃ Lafɛ̃ɛ í ni, an jɔ̀ inɛi Mɛɛdi ŋa a naa si ŋa. Inɛ ŋau lasabu nŋa kù wa si isɔ fũfũ, nɔ a kù nɛ kɔdɛɛi wura.

Ezai 47:11

Ntɔ ntɔ inɔ kufɔ á na ku naa siɛ, nɔ i kaa yɔkɔ i sindaɛ. Wahala á na ku biiɛ, nɔ i kaa yɔkɔ i nya araɛ. Fufu nla nla gɔ iyi i kù waa ce baa lasabuɛi á naa siɛ anu akã.

Zeremi 25:13

Laalɔ ŋa iyi ǹ tako ǹ fɔ ideɛ si gãmɛi ilɛu bɛ fei, an jɔ̀ ku ba ŋai. Zeremii í ce waliii fei ndɛɛ nɔ à kɔɔ si tiau ihɛ̃.

Zeremi 51:28

I tɔtɔɔ zamaa nkpɔ nkpɔ ku koo si ŋa ŋa, iyi í re mɔm ilaalui Mɛɛdi ŋa do ilu ilɛ nŋa ŋa do inɛ ngboi kukpɛ̃i ilɛ nŋa ŋa hee do ilɛ ŋa iyi à waa gbã fei.

Daniɛli 2:32

Irii mii iyi à gbeu, à cooi do wura alala. À ce gɛndɛɛ do ikpaɛ ŋa mɔi do isɔ nkpa. Inɔɛ do itãɛ ŋa mɔ, do isɔ nkpa.

Daniɛli 2:39

Si anyiɛ, bomma mmu gɔ á naa iyi kaa toɛ do gbugbã. Si anyiɛ, bomma mɛɛtasia gɔ á naa, nŋui á jɛ bɛi isɔ nkpau, nɔ á fangaai si andunya fei.

Daniɛli 6:28

Nŋui í ya nya inɛ, nɔ nŋui í ya faabaɛ. Nŋui í ya ce nyinda ŋa do maamaake ŋa ikpa lelei Aɔ̃ do si ilɛ. Nŋui í nya Daniɛli hai si gbugbãi muusu nla ŋau.

Daniɛli 6:8

Inɛ ngbo ŋa iyi à wa si bommai ilɛu, do akawe ŋa do ilu ilɛ ŋau à ce kutɔtɔɔ. Si kutɔtɔɔ nŋau, ikɔ iyi à waa bi a naɛ wee. À yɔɔi iyi zakai ajɔ kuntaa, ì nɛ i jilɛ woodai iyi á ganji inɛ gɔ ku tɔɔ inɛ mmu gɔ walakɔ iwɛ̃ gɔ bii kù jɛ awɔ. Nɔ si afei ajɔ kuntaau bɛ, inɛ baa yooma iyi wa ce kutɔɔ do irii iwɛ̃ gɔ, walakɔ do irii inɛ mmu gɔ, bii kù jɛ do irii awɔ ilaalu, a so lafɛ̃ɛ a sɔsiɛ si inɔ isa bii muusu nla ŋa à wau.

Daniɛli 8:20

Angudã kombo iyi ì yɛ í nɛ ngo minjiu bɛ, ilaalui Mɛɛdi do ti Pɛɛsi mbɛ.

Daniɛli 9:1

Dariusi ama inɛmɔkɔi Ɛkusɛɛsi si dimii inɛi Mɛɛdi ŋai í na í jɛ ilaalui inɛi Kaladee ŋa waatɔ inɛi Babilɔni ŋa. Si adɔ̃ sinte iyi í jɛ bommau, amu Daniɛli ǹ cĩ tia kumá ŋau ǹ cɔ. Waati bɛɛbɛi ǹ gbɔ yaasei ide ŋa iyi Aɔ̃ Lafɛ̃ɛ í sɔ̃ walii Zeremiu. Idei adɔ̃ kitaò fɛɛwa si bii Zeruzalɛmu á na ku kpɔò bommai wa fãa.

Woo bɛ ŋa 2:9

Si inɔ nwa inɛ gɔ ŋa à naai hai ilɛi Paati do hai Mɛɛdi do Elami, do hai ilɛi Mezopotami do Zudee do Kapadosi do Pɔntu do hai ilɛi Azii.