Daniɛli 5:23 - Bibeli do fee

²³ Ì waa ce itĩ ku yikai si gãmɛi Ilaaɔ̃ Lafɛ̃ɛi leleu. Kɔɔfuɛ ŋa iyi à wa inɔ kpasɛ̃i awɔ takaɛu, ì jɔ̀ à koo à so ŋa wa, nɔ ì mɔò atɛ̃ vɛ̃ɛ awɔ do inɛ ngbo ŋa iyi à wa bi tɛɛ, do aboɛ ŋa do aboɛ mmuɛ gɔ ŋa má. Ì kɔ̃ iri ì saabu iwɛ̃ɛ ŋa iyi ì ce do isɔ fũfũ do iyi ì ce do wura do isɔ nkpa do isɔ alala do jĩi do kuta. Mii ŋau bɛ kãma nŋa kù waa yɛ ilu, a kù waa gbɔ ide nɔ a kù nɛ kumà kãma. Nɔ Ilaaɔ̃ nŋu iyi amiɛ fei í wa si awɔ gbugbã nlaɛ, nɔ nŋui wa gbãɛ, i kù mà bɛɛrɛɛ.

Daniɛli 5:23 Iomraidhean Croise

Kusintii Andunya 14:19

Nɔ í weea Aburamu í ni, Ilaaɔ̃ iyi í re mii fei iyi í taka lele do ilɛ ku weeɛ.

Kusintii Andunya 2:7

Aɔ̃ Lafɛ̃ɛ í ma amanɛi do sãa nɔ í fufu iwoi imɔɛ í daa si hunde nɔ amanɛ í jɛò ilu hunde.

Ilaalu 2, 14:10

Ntɔi, ì jɛ inɛi Edɔmu ŋa igũ nɔ ì waa tɔɔò fufu. Hanya i tɔɔ fufuɛ, amma gbeò ndɛɛ ideɛ bɛ. Na mii í ce ì waa bi i ce igũ iyi á ce nfei awɔ do inɛi Zudaa ŋau.

Zɔɔbu 12:10

Nŋui wa mu kuwɛɛi inɛ fei, amii inɛ fei í wa si awɔɛ.

Zɔɔbu 31:4

Nsɛi Ilaaɔ̃ kù waa mà kucem nii? Ku waa mà jiai isɛ bɛi ǹ wa n wu fei?

Iri ku kɔ̃ 104:29

Amma bii ì kɔ̀, zigi nŋa á dai. Bii ì nya hunde nŋa, aa kui nɔ a sinda a nyi si sãa.

Iri ku kɔ̃ 115:16

Lelei Aɔ̃ ti Aɔ̃ Lafɛ̃ɛi. Amma í so ilɛ í na amanɛ ŋa.

Iri ku kɔ̃ 139:3

Ì mà waati iyi ǹ wa n nɛ walakɔ ǹ wa n sũ. Ì mà mii ŋa iyi ǹ wa n ce fei.

Iri ku kɔ̃ 146:4

Waati iyi à ku, à ya nyii si sãa, ajɔ nŋu bɛ gbakã lasabui mii iyi à bi ku ce fei í ya kpa irii.

Mɔnda ŋa 20:24

Aɔ̃ Lafɛ̃ɛi wa nɛò kuwɛɛi amanɛ. Amanɛ takaɛ kaa mà kpãa iyi á sĩa nŋu ku too.

Ezai 13:11

Aɔ̃ Lafɛ̃ɛ í ni, an kpã inɛi andunya ŋa ijui na inɔ kukã nŋa, inɛ laalɔ ŋau mɔ, an kpã ŋa ijui na kurara nŋa ŋa. An leekĩ faaui inɛ ŋa iyi à waa so ara nŋa hee leleui, nɔ n kaye inɛ ŋa iyi faau nŋa í jɔ̀ à waa kpã kpaasi ŋa ijuu.

Ezai 14:13

Awɔ iyi ì waa fɔ si idɔɛ ì waa ni aa gũ hee lelei Aɔ̃ i koo i jilɛ kitãi bommaɛ do lelei leleaɔ̃ ŋau. Ì waa ni aa koo i maa bubai si iri kuta tengi bii [iwɛ̃ ŋa] à ya ce kutɔtɔɔ nŋa hee do ikpa kɔɔi awɔ njɛi kpãai inunu.

Ezai 2:12

Aɔ̃ Lafɛ̃ɛi lele do ilɛ fei í nɛ ajɔ iyi í jilɛ si bii á kiiti inɛ ŋa iyi à waa tamaa aŋa à la à re inɛ fei ku ba ku kaye ŋa.

Ezai 33:10

Ŋɔi Aɔ̃ Lafɛ̃ɛ í ni, to, bɛbɛi an dasi baa, bɛbɛi an dede n tɛ, nɔ bɛbɛii an nyisi gbugbãm.

Ezai 37:19

À ko iwɛ̃ nŋa ŋa à kosi ina. Iwɛ̃ nŋa ŋau, a kù jɛ Ilaaɔ̃, amma icɛi awɔi amanɛ ŋai. À ce ŋai do jĩi ŋa, do kuta ŋa, nɔ à ce nfe nŋa mam mam.

Ezai 37:23

Yooi ì donda, nɔ yooi ì waa bu. Yooi ì waa lasi. Amu Aɔ̃ Lafɛ̃ɛ Inɛ Kumái Izirɛliui ì wu iju lele ì waa cɔ.

Ezai 42:5

Aɔ̃ Lafɛ̃ɛ, nŋu iyi í taka lelei Aɔ̃ si bɛi í cĩ í tou bɛ fei, nŋu iyi í taka ilɛ do jĩi ndɛɛ ŋau, nŋu iyi í jɔ̀ inɛɛ ŋa à waa wɛɛ, nŋu iyi í muaa inɛ ŋa iyi à wa si ilɛu fei ami, í sɔ̃ inɛ iyi í cicau í ni,

Zeremi 10:23

Aɔ̃ Lafɛ̃ɛ, ǹ mà iyi amanɛ kaa yɔkɔ ku maa nɛ dee dee si bɛi í jɔ. Inɛ gɔ kù wɛɛ iyi á yɔkɔ ku maa ce isɛɛnɛ si yaase jiida do araɛ.

Zeremi 48:26

Moabu í tamaa bɛi nŋu í la nŋu í to Aɔ̃ Lafɛ̃ɛi. Na nŋu, a naa atɛ̃ ku mɔ ku kpaa hee ku tu. Waati bɛɛbɛ, inɛ fei á maa yaako nŋu mɔ.

Zeremi 50:28

I gbɔ ŋa, inɛ ŋa iyi à ba à sa hai ilɛi Babilɔniu, à na à waa sɔ̃ inɛi Siɔ̃ɔ ŋa à waa ni, Aɔ̃ Lafɛ̃ɛ nwa í jaɛ, nɔ í jaa kpasɛ̃ɛ.

Zeremi 50:29

I tɔtɔɔ woo ta afa ŋau fei ŋa, nɔ i jɔ̀ a koo si ilu nlai Babilɔniu ŋa. Inɛ ŋau aa ce asɔi a kaakoò iluu, nɔ a maa jɔ̀ inɛ kãma ku ba ku fita ku sa. Laalɔ ŋa iyi í ceu fei, à nɛ a sãai. Bɛi í tako í cea inɛ ŋa, a cea nŋu mɔ bɛɛbɛ. À nɛ a cea bɛɛbɛi si na iyi í jɔ̀ í donda Aɔ̃ Lafɛ̃ɛi inɛi Izirɛli ŋau.

Ezekiɛli 28:17

Kusĩaɛ í jɔ̀ ì baa ì jɛ ilu faau. Nɔ waju ku bɔi kuwɛɛɛi í jɔ̀ i kù nɛ yaase má. An kɛkɛɛ ilɛi nɔ i baa i jɛ yaakoi ilaalu mmu ŋa.

Ezekiɛli 28:2

awɔ amanɛ, sɔ̃ ilaalui Tii i ni amu Aɔ̃ Lafɛ̃ɛ ǹ ni, ì so araɛ lele ì ni awɔ Ilaaɔ̃i nɔ ì ni si aninii tenkui ì koo ì wa, ì waa ce araɛ saai Ilaaɔ̃, do nŋu fei, awɔ amanɛi i kù jɛ Ilaaɔ̃.

Ezekiɛli 28:5

Si sĩa ku mà ku ceɛu ì ba amani ŋa, nɔ na amaniɛui ì kɔ̃ò faau.

Ezekiɛli 31:10

Amu Aɔ̃ Lafɛ̃ɛ ǹ ni, jĩi ndii sɛɛdiu í la, í dede í gboka, wuaɛ ŋa à maai si kudũi ijĩ, nɔ wa so araɛ lele.

Daniɛli 11:12

Ilaalui awɔ cangai kpãai inunuu á na ku dedeò faau na igũ ku jɛu, nɔ á jɔ̀ a kpa sooge dubu nkpɔ nkpɔ. Amma baa do nŋu fei, gbugbãɛ kaa kpɛ.

Daniɛli 8:11

Ngou bɛi í ya baò baa inɛ ngboi inɛ ŋa iyi à wa lelei Aɔ̃ ŋau ija. Í ya ganji kuwee iyi à nɛ a ya ceaa ajɔ feiu, nɔ í ya riisi ile kumáɛu.

Abakuku 2:4

Cɔ inɛ laalɔ kù wa si kpãa jiida, nɔ á ce nfei. Amma inɛ dee dee á maa wɛɛi na naanɛ ku dasiɛ.

Woo bɛ ŋa 17:25

Awɔi amanɛ kaa yɔkɔ ku muaa nkãma, domi kù nɛ bukaatai ngɔgɔ. Nŋu takaɛi wa mua amanɛ ŋa kumi do kuwɛɛ do mii fei.

Kɔrɛnti 1, 8:4

Iyi í jɛ ti idei iŋai kuwee si bii ì waa bee mà í sĩa i ya ŋɔɔ ŋa. Awa à mà iyi iwɛ̃ kù jɛ ngɔgɔ si andunya. À nɔ à mà iyi Ilaaɔ̃ nŋu akãi í wɛɛ.

Timɔtee 1, 3:6

Nɔ kù sĩa ku jɛ inɛ iyi í dasi Jesu naanɛ titɔ̃ titɔ̃, domi á yɔkɔ ku na ku nɛ faau nɔ Ilaaɔ̃ á yɛ taaleɛ bɛi í yɛ taalei Seetam.

Ebɛɛ 4:13

Nkãma kù wɛɛ iyi wa manjia Ilaaɔ̃ woo taka. Fei ndɛɛ í cĩ wa jilɛi si wajuɛ. Nɔ nŋui awa fei aa ka tusɛa kuwɛɛ nwa.

Kuyɛi Zãa 9:20

Do nŋu fei, inɛi andunya ŋa iyi à gbe a kù ku si bɔ̃nɛu à kɔ̀ ku kpaasi idɔ. Nɔ à kɔ̀ ku jɔ̀ mii ŋa iyi à ce do awɔ nŋa ku tɔɔ. À waa mɔsi inɛi inɔɔko ŋa ku tɔɔ do iwɛ̃ ŋa iyi à ce do wura do isɔ fũfũ do isɔ danya do kuta do jĩi ŋa, aŋa iyi a kaa yɔkɔ a gbɔ ide, a kaa nɔ a yɔkɔ a yɛ ilu, hee má jɛ a nɛ.

Woo kiiti ŋa 16:23

Ŋɔi ajɔ nŋu gɔ ilaalu miiui inɛi Filisi ŋau à tɔtɔɔ ku ba a cea iwɛ̃ nŋa iyi à ya kpe Dagɔ̃ɔu kuwee nla nla na inɔ didɔ̃ iyi à wɛɛò. À wasi ku ni, iwɛ̃ nwa í da nwa Samusɔ̃ɔ mbɛɛ nwau si awɔ.

Samuɛli 1, 17:26

Ŋɔi Davidi í bee inɛ ŋa iyi à wa kɔkɔɛ ŋau í ni, mii aa muaa inɛ iyi í kpa inɛi Filisiu ihɛ̃ nɔ í nya anyɔ hai si ilɛi Izirɛli. Mɔkɔu ihɛ̃ kù bu baa bango nɔ wa nyaanyi inɛi Ilaaɔ̃ ŋa.

Samuɛli 1, 17:36

Si bɛi ǹ kpa iŋa laalɔ ŋau, bɛɛbɛ mɔi an yɔkɔ n kpa inɛi Filisi hai bu bangou bɛ, nŋu iyi wa nyaanyi inɛi Ilaaɔ̃ ŋa.