Daniɛli 5:22 - Bibeli do fee

²² Nɔ awɔ Bɛlisasaa amaɛ i kù jɛ ku kaye araɛ baa do iyi ì mà ide ŋau bɛ fei.

Daniɛli 5:22 Iomraidhean Croise

Bomma 2, 33:23

Ŋɔi í kɔ̀ ku kaye araɛ si wajui Aɔ̃ Lafɛ̃ɛ bɛi baaɛ Manasee í ceu, amma í kɔ̃ɔsi kuraraɛ wa kooi.

Bomma 2, 36:12

Ŋɔi í ce iyi kù dɔ̃a Aɔ̃ Lafɛ̃ɛɛ si, nɔ í kɔ̀ ku kaye araɛ si wajui walii Zeremi iyi wa sɔ̃ɔ ide iyi Aɔ̃ Lafɛ̃ɛ í fɔ.

Iri ku kɔ̃ 119:46

An fɔ ideɛ ŋai bi ilaalu ŋa, n kaa n ce anyɔ.

Kufita 10:3

Ŋɔi Moizi do Arɔ̃ɔ à koo bi Faraɔ̃ à sɔ̃ɔ à ni, Aɔ̃ Lafɛ̃ɛi inɛi Ebɛɛ ŋa í ni, hee waati yoomai aa kɔ̀ ku kaye araɛ si wajui nŋu. Í ni i jɔ̀ inɛi nŋu ŋa a nɛ ku ba a koo a tɔɔ nŋu.

Ezai 13:11

Aɔ̃ Lafɛ̃ɛ í ni, an kpã inɛi andunya ŋa ijui na inɔ kukã nŋa, inɛ laalɔ ŋau mɔ, an kpã ŋa ijui na kurara nŋa ŋa. An leekĩ faaui inɛ ŋa iyi à waa so ara nŋa hee leleui, nɔ n kaye inɛ ŋa iyi faau nŋa í jɔ̀ à waa kpã kpaasi ŋa ijuu.

Ezai 14:13

Awɔ iyi ì waa fɔ si idɔɛ ì waa ni aa gũ hee lelei Aɔ̃ i koo i jilɛ kitãi bommaɛ do lelei leleaɔ̃ ŋau. Ì waa ni aa koo i maa bubai si iri kuta tengi bii [iwɛ̃ ŋa] à ya ce kutɔtɔɔ nŋa hee do ikpa kɔɔi awɔ njɛi kpãai inunu.

Ezai 26:10

Amma baa bii ì waa ce araarei ilu inɔ kukã ŋa, a ci ya dɛdɛ a mà iyi í jɛ dee dee. Baa si ilɛ bii inɛ ŋa à waa ce mii iyi í jɛ dee dee, laalɔi à ya maa ce. A ci ya yɛ kulai Aɔ̃ Lafɛ̃ɛ mɔm.

Daniɛli 5:18

[Ŋɔi Daniɛli í sɔ̃ɔ í ni,] ilaalu, Ilaaɔ̃ iyi í wa hee leleu í jɔ̀ Nebukanɛsaa baaɛu í jɛ ilaalu nla nla. Í nɛ amboe nɔ í nɛ bɛɛrɛ nla nla.

Matie 21:32

Ǹ wa n fɔ bɛɛbɛi si na iyi í jɔ̀ Zãa í naa ku nyisi ŋɛ kpãa jiida, nɔ i kù dasiɛ naanɛ ŋa. Woo gba fiai lɛmpoo do woo ta icu ŋai à dasiɛ naanɛ. Amma iŋɛ, do iyi ì yɛ idɔ ku kpaasi nŋa ŋa fei i kù kpaasi idɔ nŋɛ hee i dasiɛ naanɛ ŋa.

Luku 12:47

Woo ce icɛ iyi í mà mii iyi lafɛ̃ɛɛ í bi, nɔ kù coo, goloɛ á la.

Laabaau jiida iyi Zãa í kɔ 13:17

Nsɛi wee ì mà yaasei iyi ihɛ̃ ŋa. Bii ì waa coo ŋa, aa nɛ inɔ didɔ̃ ŋa.

Zaaki 4:17

Bɛɛbɛi inɛ iyi í mà mii iyi í jɛ jiida nɔ kù waa coo wa dasi araɛ dulum nii.

Zaaki 4:6

Amma Ilaaɔ̃ í ya mu nwa didɔ̃ iyi í la í re. Nɔ bɛɛbɛi kukɔi idei Ilaaɔ̃ wa fɔ í ni, Ilaaɔ̃ kù wa anyii ilu faau ŋa amma woo kaye ara ŋai wa mua didɔ̃ɛ.