Daniɛli 5:20 - Bibeli do fee

²⁰ Amma waati iyi í naa í dedeò faau nɔ í lele idɔɛ hee í baa í nɛ yaako ntɔ ntɔ si idɔɛu, à kɛkɛɛ hai si kitãi bommaɛu nɔ í kua bɛɛrɛɛu mɔ.

Daniɛli 5:20 Iomraidhean Croise

Ilaalu 2, 17:14

Amma à ce itĩ ku yika a kù gbɔ ideu bɛi bala nŋa ŋa iyi a kù dasi Aɔ̃ Lafɛ̃ɛ naanɛu.

Bomma 2, 32:25

Amma Ezekiasi kù mà jiida iyi Aɔ̃ Lafɛ̃ɛ í ceaa, nɔ í lɔsi fufu ku tɔɔ. Ŋɔi idɔɔkɔ̃i Ilaaɔ̃ í dede siɛ do si inɛi Zudaa do Zeruzalɛmu ŋa.

Bomma 2, 36:13

Í lele idɔɛ mam mam, nɔ kù sinda ikpa bi Aɔ̃ Lafɛ̃ɛi inɛi Izirɛli ŋa. Í dedeò ide ku kɔ̀ si gãmɛi ilaalu Nebukanɛsaa mɔm nii, nŋu iyi í jɔ̀ í gbasi do irii Ilaaɔ̃ ku jɛ ilu naanɛ bi tɛɛ.

Kufita 18:11

Nsɛi ǹ mà iyi Aɔ̃ Lafɛ̃ɛ í la í re mii baa yooma fei iyi inɛ ŋa à waa tɔɔ, nɔ í nyisi gbugbãɛ waati iyi í nya inɛi Izirɛli ŋau wa hai si awɔ gbugbãi inɛi Ezibiti ŋau.

Kufita 9:17

Do nŋu fei, bii í kɔ̀ wa lele idɔɛ má í kɔ̀ ku jɔ̀ inɛm ŋa a nɛ,

Kufita 9:7

Ŋɔi Faraɔ̃ í bee ku ba ku gbɔ mà mɛɛmui inɛi Izirɛli ŋau mɔ à ku. Amma í gbɔ à ni mɛɛmui inɛi Izirɛli ŋa baa akã kù ku. Do nŋu fei, Faraɔ̃ í kɔ̀ í lele idɔɛ í kɔ̀ ku jɔ̀ inɛ ŋau a nɛ.

Mɔnda ŋa 16:18

Faau í ya kɛkɛ amanɛi, ara ku so mɔ í ya naaò nfe ku ce wai.

Mɔnda ŋa 16:5

Aɔ̃ Lafɛ̃ɛ í cé lasabui ilu faau, à nɔ à mà kãm kãm iyi aa ba ijuukpã.

Ezai 47:1

Ŋɔi Aɔ̃ Lafɛ̃ɛ í sɔ̃ Babilɔni í ni, Babilɔni, awɔ iyi ì yɛ bɛi ama inaabo kusĩa, kita wa hai si kitãi bommaɛ, nɔ i buba si sãa. Buba ilɛ, domi i kù jɛ abonlu má. Bɛɛrɛ ŋa iyi iriɛ í nɛu fei, ì kuaɛ mbɛ. Inɛ kãma kaa kpeɛ Kusĩa walakɔ Abo Kpaàsì má.

Zeremi 13:18

Sɔ̃ ilaalu do iyeɛ i ni, i buba ilɛ ŋa, domi fulai amanlu nŋɛ iyi í nɛ booda kusĩau í nya í cuku hai si iri nŋɛ.

Zeremi 19:15

Aɔ̃ Lafɛ̃ɛi lele do ilɛ, nŋu iyi í jɛ Aɔ̃ Lafɛ̃ɛi inɛi Izirɛli ŋa í ni, amu Aɔ̃ Lafɛ̃ɛ an jɔ̀ wahala ku naa si iluu ihɛ̃ hee do si ilu ŋa iyi à wa kɔkɔɛ ŋau fei. Wahala ŋa iyi ǹ tako ǹ fɔ ideɛ si gãmɛu fei, á baai domi inɛi ilu ŋau à lele idɔ nŋa à kɔ̀ ku gbɔ idem ŋa.

Zeremi 48:18

Iŋɛ inɛi ilui Dibɔ̃ɔ ŋa, i kita wa hai si kitã ilu bɛɛrɛ nŋɛu. I koo i buba si iri ankitã ŋa. Inɛ iyi á na ku ce nfei Moabuu wa to wa ku na ku lɔ siɛ. Nŋui á lɛgɛ bindi ku nɛ gbugbãɛ ŋa.

Ezekiɛli 30:6

Na nŋu, amu Aɔ̃ Lafɛ̃ɛ ǹ ni, hai Migidɔli ikpa awɔ njɛi kpãai inunu hee ku bɔ Asuãa ikpa awɔ cangai kpãai inunu, inɛ ŋa iyi à jɛ gbugbãi Ezibitiu aa kpa ŋai si igũ, nɔ faau nlai Ezibitiu á kpa irii. Amu Aɔ̃ Lafɛ̃ɛi ǹ fɔ bɛɛbɛ.

Ezekiɛli 31:10

Amu Aɔ̃ Lafɛ̃ɛ ǹ ni, jĩi ndii sɛɛdiu í la, í dede í gboka, wuaɛ ŋa à maai si kudũi ijĩ, nɔ wa so araɛ lele.

Daniɛli 11:36

Mii iyi ilaaluu í bii á ce. Á so araɛ lele, á maa tɔɔ fufu si iwɛ̃ ŋau fei, nɔ á maa fɔ ide hai nɛ yaase ŋa si gãmɛi Ilaaɔ̃ nŋu iyi í jɛ irii mii fei. Mii iyi wa ce fei, á maa nɛi hee idɔɔkɔ̃i Ilaaɔ̃ koo dedeò. Waati bɛɛbɛi Ilaaɔ̃ á ce mii iyi í dasi idɔ ku ceu.

Daniɛli 4:26

Si waatii iri ku kpai adɔ̃ akã, ŋɔi ilaalu í dede wa dabii si antaii sikifai kabai bommai ilɛi Babilɔniu.

Daniɛli 4:28

Si waati iyi ilaaluu wa fɔ ide ŋau bɛ gbakã, si waati nŋu bɛ mɔi imui ide ku fɔ gɔ í kita wa hai lelei Aɔ̃. Ide ku fɔu wa ni, Nebukanɛsaa ilaalu, awɔi à waa ba ide ku fɔ bɛ. À gba bommaɛu siɛ mbɛ.

Daniɛli 8:8

Iwo kombou í na í la ntɔ ntɔ, amma waati iyi í na í nɛ gbugbã bɛɛbɛ, ngoɛ í cɛ. Ŋɔi ngo ku nɛ gbugbã mɛɛ gɔ ŋa à fita si agbɛɛ à waa cɔ hai do ikpa bii fufui gonta mɛɛi lele ŋau à waa naa.

Luku 18:14

Jesu í ni, ǹ wa n sɔ̃ ŋɛi, hai bɛ inɛɛu ihɛ̃ í baa í jɛ dee dee si wajui Ilaaɔ̃ í nyiò ideɛ. Amma Farisiu kù jɛ dee dee, domi inɛ iyi í so araɛ lele aa kaye lafɛ̃ɛi, inɛ mɔ iyi í kaye araɛ aa soo lelei.

Ebɛɛ 3:13

Amma si na iyi í jɔ̀ Ilaaɔ̃ í mu nwa ajɔi nnyi, nɔ ala kù jɛ tu wa, í sĩa i ya maa mua njɛ gbugbã ajɔ fei ŋa ku ba inɛ gɔ nŋɛ ku maà jɔ̀ dulum ku dĩ ijuɛ hee ku lele idɔɛ.

Samuɛli 1, 6:6

I maà ti i lele idɔ nŋɛ ŋa bɛi inɛi Ezibiti ŋa do ilaalu nŋa à ce wo. I jɔ̀ i ye gigi ŋa do bɛi Lafɛ̃ɛ nŋau í kpã ŋa iju a bɛi a jɔ̀ inɛi Izirɛli ŋa à nɛ.