Daniɛli 5:2 - Bibeli do fee

² Waati iyi atɛ̃u í na í lɔ siɛ, ŋɔi í na wooda í ni a naaò kɔɔfu ŋa iyi à ce do wura ŋau wa do iyi à ce do isɔ fũfũ ŋa iyi Nebukanɛsaa baaɛ í so wa hai Zeruzalɛmu hai inɔ kpasɛ̃i Ilaaɔ̃u. Í ni a so ŋa wai ku ba nŋu do akawe nlaɛ ŋau do aboɛ ŋa do aboɛ mmuɛ gɔ ŋa má a mɔò atɛ̃.

Daniɛli 5:2 Iomraidhean Croise

Samuɛli 2, 9:7

Ŋɔi Davidi í sɔ̃ɔ í ni, maà jɔ̀ zigiɛ ku da, domi ǹ bi ǹ ceɛ jiidai na saabui Zonatãa baaɛ. An sindoɛ buɛi balaɛ Saulu fei, nɔ kpasɛ̃m ihɛ̃i aa ya maa jɛ hee do ajɔ fei.

Ilaalu 2, 24:13

Ŋɔi í ko amanii kpasɛ̃i Aɔ̃ Lafɛ̃ɛ ŋau fei do ti kpasɛ̃i ilaaluu. Nɔ í lɛgɛ jĩnɛi wura ŋa iyi Salomɔɔ ilaalui Izirɛli í ce si kpasɛ̃i Aɔ̃ Lafɛ̃ɛu fei si bɛi Aɔ̃ Lafɛ̃ɛ í tako í fɔu.

Ilaalu 2, 25:15

Inɛ ngboi woo degbe ŋau í so mii iyi à ce do wura ŋau do ti isɔ fũfũ ŋau mɔ má, hai mii ku busi ina nyɛnyɛ ŋau do kɔɔfu ŋau fei.

Bomma 2, 11:20

Si anyii abo iyi bɛ, nɔ í so Maaka ama inaaboi Abusalɔmu. Nɔ í bíaa Abiya do Atai do Ziza do Selomitu.

Bomma 2, 15:16

Nɔ mɔm Aza í nya inɛ ngbo ku jɛi ayiɛ Maaka si na iyi í jɔ̀ í ce mii iyi í jɔ iwɛ̃ Asera. Aza í lɛgɛ bi kuweeu bugu bugu nɔ í koo í joo si lɔɔmai Sedorɔ̃ɔ.

Bomma 2, 36:10

Iyi à lɔ si adɔ̃, ŋɔi ilaalu Nebukanɛsaa í jɔ̀ à mu à nɛòɛ Babilɔni do jĩnɛ jiidai kpasɛ̃i Aɔ̃ Lafɛ̃ɛ ŋau. Nɔ í jilɛ Sedesiasi ifɔi Zoakimu ilaalui Zudaa do Zeruzalɛmu.

Bomma 2, 36:18

Ŋɔi Nebukanɛsaa í ko mii ndii kpasɛ̃i Ilaaɔ̃ ŋau fei, hai keekeò nlaɛ ŋa, do amani iyi í wa bɛ, hee do amanii ilaalu do ti akaweɛ ŋa í nɛò ŋa Babilɔni.

Ɛsidarasi 5:14

Nɔ baa jĩnɛi wura ŋa do ti isɔ fũfũ ŋa iyi Nebukanɛsaa í so hai kpasɛ̃i Ilaaɔ̃u, Sirusi takaɛ í sindo nwa. Nebukanɛsaa í tako í koo í jilɛ ŋa ilei iwɛ̃ iyi í wa Babilɔni, amma Sirusi í koo í nya fei ndɛɛ í so í na inɛ gɔ iyi à ya kpe Sɛsibasaa, nŋu iyi Sirusi takaɛ í cica ku jɛ ilu ilɛi Zudaa,

Zeremi 27:7

Zamaai andunyau fei á maa ceaa icɛi nŋu do amaɛ do tɔkuɛ hee koo to waati iyi ilɛi nŋu takaɛ mɔ á na ku maa ceaa ilɛ ŋa do ilaalu ŋa iyi à roo do gbugbã ŋau icɛ.

Zeremi 50:35

Aɔ̃ Lafɛ̃ɛ í fɔ í ni, igũ á naa si ilɛi Babilɔni do si inɛi ilu nlaɛ ŋa do si akaweɛ ŋa do si ilu laakaiɛ ŋa.

Zeremi 52:19

Nɔ inɛ ngboi sooge ŋau í nyi í so mii ŋa iyi à ce do wura ŋa do iyi à ce do isɔ fũfũ ŋau fei má. Mii ŋa iyi í so ŋau wee. Pɛrɛnti ŋa, do si bii à ya jo tuae ŋau, do fata si bii à ya dasi njɛu, do mii iyi à ya koò ilúlu ŋau, do bi ku lesi fitila ŋau, do kaato ŋa hee do jĩnɛ mmu ŋa iyi à gbe ŋau.

Daniɛli 1:2

Ŋɔi Aɔ̃ Lafɛ̃ɛ í so Zoakimu ilaalui Zudaau í daa si awɔ, nɔ í jɔ̀ í so mbɔi jĩnɛ ŋa iyi à jɛ ti kpasɛ̃i Ilaaɔ̃u mɔ í nɛò. Nebukanɛsaa í mu ŋai í nɛò ŋa Babilɔni. Nɔ jĩnɛ ŋa iyi í so ŋau mɔ, í koo í dasi ŋai tengi bii amani ŋa à wa si inɔ ilei iwɛ̃ɛ ŋau.

Daniɛli 5:11

Inɛ gɔ í wa si bommaɛ ihɛ̃ iyi í nɛ iwɛ̃ jiida ŋa. Waati iyi baaɛ í wɛɛ si hunde, bi lafɛ̃ɛi à ba inya kumá do kumà, do laakai iyi í jɛ dimi akã do ti iwɛ̃ jiida ŋa. Na ŋɔi í jɔ̀ baaɛ ilaalu Nebukanɛsaa í soo í jɛ inɛ ngboi woo ce alisi ŋa do woo ce dobu dobu ŋa do inɛi Kaladee ŋa do inɛ ŋa iyi à ya mà yaasei leleaɔ̃ ŋa.

Daniɛli 5:13

Ŋɔi à gbã Daniɛli à naaɛ wa si wajui ilaalu. Nɔ ilaaluu í bee Daniɛli í ni, awɔi ì jɛ Daniɛli inɛ akãi inɛ ŋa iyi ilaalu baam í mu wa hai ilɛi Zudaau?

Daniɛli 5:18

[Ŋɔi Daniɛli í sɔ̃ɔ í ni,] ilaalu, Ilaaɔ̃ iyi í wa hee leleu í jɔ̀ Nebukanɛsaa baaɛu í jɛ ilaalu nla nla. Í nɛ amboe nɔ í nɛ bɛɛrɛ nla nla.

Daniɛli 5:23

Ì waa ce itĩ ku yikai si gãmɛi Ilaaɔ̃ Lafɛ̃ɛi leleu. Kɔɔfuɛ ŋa iyi à wa inɔ kpasɛ̃i awɔ takaɛu, ì jɔ̀ à koo à so ŋa wa, nɔ ì mɔò atɛ̃ vɛ̃ɛ awɔ do inɛ ngbo ŋa iyi à wa bi tɛɛ, do aboɛ ŋa do aboɛ mmuɛ gɔ ŋa má. Ì kɔ̃ iri ì saabu iwɛ̃ɛ ŋa iyi ì ce do isɔ fũfũ do iyi ì ce do wura do isɔ nkpa do isɔ alala do jĩi do kuta. Mii ŋau bɛ kãma nŋa kù waa yɛ ilu, a kù waa gbɔ ide nɔ a kù nɛ kumà kãma. Nɔ Ilaaɔ̃ nŋu iyi amiɛ fei í wa si awɔ gbugbã nlaɛ, nɔ nŋui wa gbãɛ, i kù mà bɛɛrɛɛ.

Daniɛli 5:3

Ŋɔi à fitaò kɔɔfu ŋa iyi à so wa hai Zeruzalɛmu hai si kpasɛ̃i Ilaaɔ̃u wa, nɔ ilaaluu do akawe nlaɛ ŋau do aboɛ ŋa do aboɛ mmuɛ gɔ ŋa má à mɔò atɛ̃.

Daniɛli 5:30

Si idũ akãu bɛ mɔi à kpa Bɛlisasaa ilaalui inɛi Kaladee ŋau.

Daniɛli 5:4

Ŋɔi à mɔ atɛ̃ vɛ̃ɛu, nɔ à wasi ku saabu iwɛ̃ ŋa iyi à ce do wura ŋau do iyi à ce do isɔ fũfũ ŋau do ti isɔ nkpa ŋau do isɔ alala ŋau do iyi à ce do jĩi ŋa do ti kuta ŋau.