Daniɛli 5:19 - Bibeli do fee

¹⁹ Na saabui kula iyi í jɔ̀ í lau, inɛi andunya ŋa fei, do dimi fei, do fee ikã ikã fei à waa ce njoɛ, nɔ à ya maa yaya si wajuɛi. Inɛ iyi í bii í ya kpa, nɔ inɛ iyi í bi mɔi í ya jɔ̀. Inɛ iyi í bii í ya so lele, nɔ inɛ iyi í bii í ya kaye.

Daniɛli 5:19 Iomraidhean Croise

Ilaalu 2, 25:28

Ŋɔi í baa ide ku fɔ do jiida ku jɛ, nɔ í coo ilu bɛɛrɛ í re ilaalu ŋa iyi í mu aru wa aŋaò ŋa à wa Babilɔni bɛ fei.

Mɔnda ŋa 16:14

Idɔɔkɔ̃i ilaalu í ya jɔ̀ ku kpa amanɛ, amma ilu laakaii í ya ce kookaai ku lɛlɛɛ.

Woo lasabu 8:3

Maà ya saasa i kɔ̀si woodaɛ. Maà ya maa mɔsi do laalɔ ku ce, domi bɛi í bi bɛɛbɛi á ce.

Ezekiɛli 31:11

Na nŋu, an fũsiɛ awɔi, n dasiɛ si awɔi ilu gbugbãi ilɛ ŋa. Á sãa laalɔɛi bɛi í to.

Daniɛli 11:12

Ilaalui awɔ cangai kpãai inunuu á na ku dedeò faau na igũ ku jɛu, nɔ á jɔ̀ a kpa sooge dubu nkpɔ nkpɔ. Amma baa do nŋu fei, gbugbãɛ kaa kpɛ.

Daniɛli 11:16

Ilaalui awɔ njɛi kpãai inunuu á nɛ ku maa naai, nɔ bɛi í bi, bɛɛbɛi á ce. Inɛ kãma kaa yɔkɔ ku kɔ̀ ide si wajuɛ. Á bubai si ilɛ iyi í sĩa í reu, nɔ á ce asɔɔi mii feii si isɛɛnɛɛ iyi wa ceu.

Daniɛli 11:3

Amma ilaalu kaasãanɛ gɔ á na ku dede. Bommaɛu á nɛ gbugbãi nla nla, nɔ bɛi í bi fei, bɛɛbɛi á ce.

Daniɛli 11:36

Mii iyi ilaaluu í bii á ce. Á so araɛ lele, á maa tɔɔ fufu si iwɛ̃ ŋau fei, nɔ á maa fɔ ide hai nɛ yaase ŋa si gãmɛi Ilaaɔ̃ nŋu iyi í jɛ irii mii fei. Mii iyi wa ce fei, á maa nɛi hee idɔɔkɔ̃i Ilaaɔ̃ koo dedeò. Waati bɛɛbɛi Ilaaɔ̃ á ce mii iyi í dasi idɔ ku ceu.

Daniɛli 3:29

Nsɛi bɛbɛi, wooda iyi ǹ wa n na wee. Woodau í kã inɛ baa yooma fei, do zamaa fei, do inɛi ilɛ ŋa fei do fee dimi ikã ikã ŋa fei. Inɛ iyi á fɔ ide ku maa yaako Ilaaɔ̃ Lafɛ̃ɛi Sadaaki do Mesaaki do Abɛdi-Nego bɛbɛi, aa bububu lafɛ̃ɛi nɔ a lɛgɛ ileɛ ku baa ku ce timtim, domi iwɛ̃ gɔ kù wɛɛ iyi á yɔkɔ ku faaba inɛ bɛi nŋu má.

Daniɛli 3:4

Ŋɔi inɛ iyi í jɛ inɛ ngboi bukiu í dede í dɔ̃ anu do gbugbã í ni, wooda iyi à waa na iŋɛ zamaau fei, do dimi fei, do fee ikã ikã ŋau fei wee.

Daniɛli 3:6

Inɛ baa yooma iyi í kɔ̀ ku sɛɛbata ku tɔɔɛ fei, aa sooi tengi bɛ gbakã a sɔsiɛ si inɔ bii ina nla nla gɔ wa jo.

Daniɛli 4:17

Ì yɛ jĩi nla nla gɔ iyi í na í nɛ gbugbã ntɔ ntɔ. Jĩi nɔu í gboka hee wa bɔ ku lu lelei Aɔ̃, nɔ inɛi andunya ŋa fei à ba à waa yɔɔ.

Daniɛli 4:19

awɔ ilaalu mbɛ. Awɔ iyi ì na ì la nɔ ì nɛ gbugbã, nɔ kulaɛu wa bɔ ku lu lelei Aɔ̃, awɔi gbugbãɛ í bɔ hee si kɔɔ ŋa si andunyau.

Daniɛli 4:22

Aa leleɛi hai si inɔi amanɛ ŋa, nɔ aa koo i wai si inɔi mɛɛmui sako ŋa. Fɔfɔi aa ya maa jɛ bɛi kɛtɛ ŋa. Ikpãi á ya maa tontoo siɛ wa hai lele, nɔ bɛɛbɛi aa maa wɛɛ hee ku bɔ adɔ̃ mɛɛje. Bii adɔ̃ mɛɛjeu bɛ í koo í tã, aa mà iyi Ilaaɔ̃ iyi í wa leleui í jɛ Lafɛ̃ɛi bommai amanɛ ŋa, nɔ bommau nŋui í ya na inɛ iyi í bi.

Abakuku 2:5

Ntɔ ntɔ amani í ya nyɔ inɛi, nɔ ilu faau ŋa a ci ya nɛ kusĩmi. Gbangɔlɔ nŋa í ya cĩi bɛi balɛ. A ci ya yo bɛi bi kuwai iku ŋa. À ya maa ce igũi si dimi ŋa. À ya mu ŋai a maa gbã ŋa nɔ a jɛ aru nŋa.

Laabaau jiida iyi Zãa í kɔ 19:11

Ŋɔi Jesu í jɛaa í ni, i kaa nɛ gbugbã kãma sim, bii kù jɛ Ilaaɔ̃i í naɛ wa. Nŋui í jɔ̀ inɛ iyi í dasim si awɔɛ, dulum dɛɛ í re baa tɛɛ.

Romu 13:1

Inɛ fei ku jirima inɛ ngboi ilɛɛ, domi inɛ ngbo kãma kù wɛɛ iyi kù jɛ do kumàsii Ilaaɔ̃. Inɛ ngbo ŋa iyi à wɛɛ fei Ilaaɔ̃i í jilɛ ŋa.

Kuyɛi Zãa 5:9

Nɔ à kɔ̃ iri titɔ̃ gɔ à waa ni, awɔi ì to i gba tiau nɔ i ga sɛɛda ŋau, domi à kpaɛ wo, nɔ do njɛɛi ì raa Ilaaɔ̃ amanɛ ŋa hai si dimi fei, do fee ikã ikã fei, do ilɛ fei.