Daniɛli 5:16 - Bibeli do fee

¹⁶ Nɔ ǹ gbɔ à ni ì ya gbɔ yaasei mii ŋa iyi à gaabu fei nɔ ì ya ba iwɔi ide kugaabu ŋa mɔ fei. To, nsɛi bii í jɛ aa yɔkɔ i ciom kukɔu ihɛ̃ nɔ i tusɛɛm yaaseɛ, aa daɛ si ibɔ kusĩa ŋa, nɔ a daɛ si sabai wura si kɔ̃ɔ, nɔ si bommai ilɛu, inya mɛɛtasiau, titɛɛi á jɛ.

Daniɛli 5:16 Iomraidhean Croise

Kusintii Andunya 40:8

Ŋɔi à jɛaa à ni, à laalai nɔ wee a kù ba inɛ iyi á tusɛ nwa yaaseɛ. Ŋɔi Zozɛfu í bee ŋa má í ni, kù jɛ Ilaaɔ̃i í ya tusɛ yaasei mii fei ba. Na nŋu, i sisiim ala nŋɛ ŋau wa.

Kusintii Andunya 41:15

Ŋɔi Faraɔ̃ í sɔ̃ɔ í ni, ǹ laalai, nɔ inɛ gɔ kù yɔkɔ ku tusɛɛm alau. Amma ǹ gbɔ à ni bii à sisiɛ ala ì ya yɔkɔ i sɔ̃ inɛ yaaseɛ.

Kusintii Andunya 41:42

Ŋɔi í bɔ lɛlɛawɔɛ í daa Zozɛfu si awɔ. Nɔ í daa si jĩnɛ jiida. Si anyii nŋu nɔ í daa si sabai wura si kɔ̃ɔ.

Daniɛli 2:48

Si anyiɛ, ilaaluu í so Daniɛli lele, nɔ í ceaa amuai amani nkpɔ nkpɔ. Nɔ í so ilɛi Babilɔniu í naa ku jɛ inɛ ngboɛ, nɔ í soo kú jɛ inɛ ngbo iyi í wa antaii woo mài Babilɔni ŋau fei.

Daniɛli 2:6

Amma bii ì sɔ̃m alam nɔu, nɔ ì tusɛɛm yaaseɛ ŋa, aa ba amani ŋa do amua ŋa do bɛɛrɛ nla nla hai bi tom ŋa. Iŋɛ de i sisiim alau do yaaseɛ wa ŋa.

Daniɛli 5:29

Ŋɔi gbakã Bɛlisasaa í ni a daa Daniɛli si ibɔ kusĩau, nɔ a daa si sabai wura, nɔ a naa inya mɛɛtasiai bommai ilɛu.

Daniɛli 5:7

Ŋɔi í dɔ̃ anu do gbugbã, nɔ í na wooda í ni a kpea nŋu woo ce dobu dobu ŋau wa do inɛi Kaladee ŋau do woo mà yaasei leleaɔ̃ ŋau. [Waati iyi woo mà ŋau à to wa,] nɔ í sɔ̃ ŋa í ni, inɛ baa yooma iyi í yɔkɔ í cio kukɔu ihɛ̃, nɔ í tusɛɛm yaaseɛ, ibɔ kusĩa ŋai an daa si, nɔ n daa si sabai wura si kɔ̃ɔɛ, nɔ inya mɛɛtasia si bommau, titɛɛi á jɛ.

Daniɛli 6:2

Dariusi í yɔɔ iyi si bommau, á sĩa a ce ikpɛ̃i ilɛu ikɔ cĩɔ do kɔnfia nɔ a jilɛ akawe ŋa si aŋa fei.

Woo bɛ ŋa 8:18

Iyi Simɔɔ í yɛ woo dasi Jesu naanɛ ŋau à ba Hundei Ilaaɔ̃ waati iyi woo bɛ ŋau à le nŋa awɔ si iriu, ŋɔi wa bi ku mu nŋa fia.