Daniɛli 5:13 - Bibeli do fee

¹³ Ŋɔi à gbã Daniɛli à naaɛ wa si wajui ilaalu. Nɔ ilaaluu í bee Daniɛli í ni, awɔi ì jɛ Daniɛli inɛ akãi inɛ ŋa iyi ilaalu baam í mu wa hai ilɛi Zudaau?

Daniɛli 5:13 Iomraidhean Croise

Ɛsidarasi 10:16

Inɛi Izirɛli mbɔ ŋa iyi à baa hai bii à waa jɛ aru wou inɛ nŋu ŋau à jɛsi. À cica Ɛsidarasi woo weeu do inɛ ngboi kpasɛ̃ ŋa aŋa fei do iri nŋa. Inɛ ŋau à tɔtɔɔ si ajɔ sintei cukpa mɛɛwasiau ku ba a teese ideu.

Ɛsidarasi 10:7

Ŋɔi à dabii à fɔ si ilɛi Zudaa do si ilui Zeruzalɛmu à ni inɛ ŋa iyi à baa hai bii à tako à waa jɛ aruu a tɔtɔɔ wa Zeruzalɛmu.

Ɛsidarasi 4:1

Mbɛɛi inɛi Zudaa ŋa do ti Bɛnzamɛɛ ŋa à gbɔ iyi inɛ ŋa iyi à baau à waa maa Ilaaɔ̃ Lafɛ̃ɛ nŋa kpasɛ̃.

Ɛsidarasi 6:16

Zuifu woo wee ŋau do inɛi Levii ŋau do inɛ ŋa iyi aŋaò ŋa à baa bɛu, à jɛ jingaui kpasɛ̃i Ilaaɔ̃ ku cĩ do inɔ didɔ̃.

Daniɛli 1:1

Si adɔ̃ mɛɛtasiai bomma ku jɛi Zoakimu ilaalui Zudaa, Nebukanɛsaa ilaalui Babilɔni í naa igũ si ilui Zeruzalɛmu nɔ í buu koe.

Daniɛli 1:2

Ŋɔi Aɔ̃ Lafɛ̃ɛ í so Zoakimu ilaalui Zudaau í daa si awɔ, nɔ í jɔ̀ í so mbɔi jĩnɛ ŋa iyi à jɛ ti kpasɛ̃i Ilaaɔ̃u mɔ í nɛò. Nebukanɛsaa í mu ŋai í nɛò ŋa Babilɔni. Nɔ jĩnɛ ŋa iyi í so ŋau mɔ, í koo í dasi ŋai tengi bii amani ŋa à wa si inɔ ilei iwɛ̃ɛ ŋau.

Daniɛli 1:21

Do yaase bɛɛbɛi Daniɛli í waò bɛ hee í koo í toò si adɔ̃ sintei bomma ku jɛi ilaalu Sirusi.

Daniɛli 1:6

Si dimii inɛi Zudaa ŋau, inɛ ŋa iyi à cica wee. Daniɛli do Hanania do Mikaɛli do Azaria.

Daniɛli 2:25

Ŋɔi Ariɔku í gbã Daniɛli gbãa gbãa í bɔòɛ bi ilaaluu nɔ í sɔ̃ɔ í ni, si inɔi inɛ ŋa iyi à mu wa hai ilɛi Zudaau, ǹ ba inɛ iyi á yɔkɔ ku tusɛ yaasei alaɛu.

Daniɛli 2:48

Si anyiɛ, ilaaluu í so Daniɛli lele, nɔ í ceaa amuai amani nkpɔ nkpɔ. Nɔ í so ilɛi Babilɔniu í naa ku jɛ inɛ ngboɛ, nɔ í soo kú jɛ inɛ ngbo iyi í wa antaii woo mài Babilɔni ŋau fei.

Daniɛli 5:11

Inɛ gɔ í wa si bommaɛ ihɛ̃ iyi í nɛ iwɛ̃ jiida ŋa. Waati iyi baaɛ í wɛɛ si hunde, bi lafɛ̃ɛi à ba inya kumá do kumà, do laakai iyi í jɛ dimi akã do ti iwɛ̃ jiida ŋa. Na ŋɔi í jɔ̀ baaɛ ilaalu Nebukanɛsaa í soo í jɛ inɛ ngboi woo ce alisi ŋa do woo ce dobu dobu ŋa do inɛi Kaladee ŋa do inɛ ŋa iyi à ya mà yaasei leleaɔ̃ ŋa.

Daniɛli 5:14

Ǹ gbɔ à ni iwɛ̃ jiida gɔ ŋa à wa siɛ, nɔ bi titɛɛi à ya ba inya kumá ŋa do kumà do laakai iyi í wɛɛ dimi ikã.

Daniɛli 5:18

[Ŋɔi Daniɛli í sɔ̃ɔ í ni,] ilaalu, Ilaaɔ̃ iyi í wa hee leleu í jɔ̀ Nebukanɛsaa baaɛu í jɛ ilaalu nla nla. Í nɛ amboe nɔ í nɛ bɛɛrɛ nla nla.

Daniɛli 5:2

Waati iyi atɛ̃u í na í lɔ siɛ, ŋɔi í na wooda í ni a naaò kɔɔfu ŋa iyi à ce do wura ŋau wa do iyi à ce do isɔ fũfũ ŋa iyi Nebukanɛsaa baaɛ í so wa hai Zeruzalɛmu hai inɔ kpasɛ̃i Ilaaɔ̃u. Í ni a so ŋa wai ku ba nŋu do akawe nlaɛ ŋau do aboɛ ŋa do aboɛ mmuɛ gɔ ŋa má a mɔò atɛ̃.

Daniɛli 6:13

Ŋɔi à koo à ba ilaaluu nɔ à beeɛ à ni, n jɔ ì jilɛ wooda gɔ nɔ ì dasi nyindaɛ ì ni si afei ajɔ kuntaau ihɛ̃, inɛ baa yooma iyi í tɔɔ iwɛ̃ gɔ, walakɔ inɛ mmu gɔ, bii kù jɛ awɔ ilaalu, aa so lafɛ̃ɛi a sɔsi inɔ isa bii muusu nla ŋau à wa mɛɛ. Ŋɔi ilaaluu í jɛ í ni, kãm kãm bɛɛbɛi, nɔ woodau ti inɛi Mɛɛdi ŋai do ti inɛi Pɛɛsi ŋa iyi ci ya nɛ inɛ gɔ ku kpaasi ngɔgɔ.

Daniɛli 8:1

Si adɔ̃ mɛɛtasiai bomma ku jɛi ilaalu Bɛlisasaa, amu Daniɛli ǹ ce kuyɛ gɔ si anyii iyi ǹ tako ǹ yɛu.

Daniɛli 8:27

Ŋɔi amu Daniɛli, ǹ kua gbugbã ajɔ nkpɔ nkpɔ nɔ ǹ ce bɔ̃ɔ. Si anyiɛ, nɔ ǹ dede ǹ wa n cea ilaalu wũaɛ ŋa. Ǹ cukui hee ilɛ na kuyɛu, domi n kù gbɔ yaaseɛ.

Laabaau jiida iyi Zãa í kɔ 7:1

Si anyii nŋu, Jesu wa dabii si ilɛi Galilee. Kù bi ku bɔ ikpa ilɛi Zudee domi Zuifu ŋau à waa dɛ ku kpaai.

Laabaau jiida iyi Zãa í kɔ 7:3

Ŋɔi ifɔi Jesu ŋa à sɔ̃ɔ à ni, nɛ hai ihɛ̃ i bɔ Zudee ku ba mɔcɔɛ ŋa iyi à wa ikpa bɛ a yɛ icɛ iyi ì waa ce,