Daniɛli 5:12 - Bibeli do fee

¹² Daniɛliu, hunde iyi í nɛ, í nya ikã. Í mà mii fei ku kiiti nɔ í nɛ kumà. Í mà yaasei ala ŋa mɔ ku tusɛ, nɔ í ya gbɔ yaasei mii ŋa iyi à gaabu fei. Nɔ í ya ba iwɔi ide kugaabu ŋa fei. Daniɛli nŋu iyi baaɛ í sɔ Bɛlitasaau, jɔ̀ a kpoo ku naa wa. [Bii í to wa,] á sisiɛ mii iyi à kɔ si idĩu bɛ.

Daniɛli 5:12 Iomraidhean Croise

Iri ku kɔ̃ 16:3

Si ilɛu ihɛ̃ inɛ ŋa à wɛɛ iyi à waa tɔɔ iwɛ̃ ŋa. Nɔ amu mɔ ǹ ya n nɛ si ŋa inɔ didɔ̃i wo.

Mɔnda ŋa 12:26

Inɛ dee dee í ya nyisi kpaasiɛ kpãa jiidai, amma kucei inɛ laalɔ ŋa í ya nyɔ ŋai.

Mɔnda ŋa 17:27

Inɛ iyi í nɛ kumà ci ya fɔ ide nkpɔ. Nɔ inɛ iyi í nɔ araɛ ilu laakaii.

Ezekiɛli 28:3

Ì waa tamaa si ì nɛ laakai ì re Daniɛli nɔ nkãma kù waa jɛɛ bɛi asii.

Daniɛli 1:17

Ŋɔi Ilaaɔ̃ í muaa awaasũ mɛɛ ŋau kumà, nɔ í jɔ̀ à mà yaasei mii fei ku wũaa si gãmɛi tia ku kɔ do kukaɛ, nɔ í jɔ̀ à jɛ ilu laakai. Si antaii iyi bɛ ŋa, í jɔ̀ Daniɛli í mà yaasei kuyɛ ŋa do ala ŋa fei ku tusɛ.

Daniɛli 1:7

Ŋɔi inɛ ngboi akawe nla ŋau í na ŋa iri titɔ̃ mmuɛ ŋa. Ti Daniɛlii í jɛ Bɛlitasaa, Hanania mɔi í jɛ Sadaaki, Mikaɛli mɔi í jɛ Mesaaki, Azaria mɔi í jɛ Abɛdi-Nego.

Daniɛli 2:26

Ŋɔi ilaaluu í bee Daniɛli nŋu iyi à ya nyi a kpe Bɛlitasaa máu í ni, aa yɔkɔ i sisi ala iyi ǹ ceu nɔ i tusɛɛm yaaseɛ?

Daniɛli 4:19

awɔ ilaalu mbɛ. Awɔ iyi ì na ì la nɔ ì nɛ gbugbã, nɔ kulaɛu wa bɔ ku lu lelei Aɔ̃, awɔi gbugbãɛ í bɔ hee si kɔɔ ŋa si andunyau.

Daniɛli 4:8

Jĩi nɔu í la wa kooi nɔ í nɛ gbugbã. Kugbokaɛ wa bɔi hee lelei Aɔ̃, nɔ inɛi andunya ŋa fei, à waa yɔɔi.

Daniɛli 5:14

Ǹ gbɔ à ni iwɛ̃ jiida gɔ ŋa à wa siɛ, nɔ bi titɛɛi à ya ba inya kumá ŋa do kumà do laakai iyi í wɛɛ dimi ikã.

Daniɛli 5:16

Nɔ ǹ gbɔ à ni ì ya gbɔ yaasei mii ŋa iyi à gaabu fei nɔ ì ya ba iwɔi ide kugaabu ŋa mɔ fei. To, nsɛi bii í jɛ aa yɔkɔ i ciom kukɔu ihɛ̃ nɔ i tusɛɛm yaaseɛ, aa daɛ si ibɔ kusĩa ŋa, nɔ a daɛ si sabai wura si kɔ̃ɔ, nɔ si bommai ilɛu, inya mɛɛtasiau, titɛɛi á jɛ.

Daniɛli 6:3

Nɔ í jilɛ nŋa inɛ ngbo mɛɛta. Daniɛli í wa si inɔi inɛ ngbo mɛɛta ŋau, nɔ nŋui aa ya na a sisia yaase bɛi wũai ilɛu fei wa nɛ ku ba inɛ kãma ku maà kɔ̀ ku sã iyi í nɛ ku jɛ ti ilaaluu.

Daniɛli 6:4

Daniɛli takaɛ í re inɛ ngbo minji iyi ihɔ̃ ŋau do akawei kukpɛ̃i ilɛ ŋau, domi hunde iyi í wa siɛu í nya ikã, nɔ ilaaluu wa lasabu nŋu ku na ku jilɔɔ ku jɛ inɛ ngbo si ilɛu fei.

Kolosee 1:29

Na ŋɔi í jɔ̀ ǹ wa n ce icɛ do kookaai ǹ wa n jabu do gbugbãi Kirisi iyi wa ce icɛ sim.