Daniɛli 5:11 - Bibeli do fee

¹¹ Inɛ gɔ í wa si bommaɛ ihɛ̃ iyi í nɛ iwɛ̃ jiida ŋa. Waati iyi baaɛ í wɛɛ si hunde, bi lafɛ̃ɛi à ba inya kumá do kumà, do laakai iyi í jɛ dimi akã do ti iwɛ̃ jiida ŋa. Na ŋɔi í jɔ̀ baaɛ ilaalu Nebukanɛsaa í soo í jɛ inɛ ngboi woo ce alisi ŋa do woo ce dobu dobu ŋa do inɛi Kaladee ŋa do inɛ ŋa iyi à ya mà yaasei leleaɔ̃ ŋa.

Daniɛli 5:11 Iomraidhean Croise

Kusintii Andunya 41:38

Nɔ Faraɔ̃ í bee woo ce icɛɛ ŋa í ni, iwoi aa ka ba inɛ gɔ bɛi inɛɛu ihɛ̃ má iyi í nɛ hundei Ilaaɔ̃ .

Samuɛli 2, 14:17

Na ŋɔi í ce ǹ ni ide iyi aa fɔi á tũ idɔm, domi ì yɛi bɛi amalekai Ilaaɔ̃. Ì mà jiida do laalɔ ku wũa. Nɔ Aɔ̃ Lafɛ̃ɛɛ ku wɛɛ do awɔ.

Ezekiɛli 28:3

Ì waa tamaa si ì nɛ laakai ì re Daniɛli nɔ nkãma kù waa jɛɛ bɛi asii.

Ezekiɛli 28:4

Si laakaiɛ do bisiɛi ì ba amani ŋa, ì ba wura do isɔ fũfũ à jɛ amaniɛ ŋa.

Daniɛli 1:4

Inɛ ŋa iyi í ni a naaò wa ŋau, awaasũ ŋa iyi a kù nɛ leebu si ara nŋa ŋai aa jɛ, nɔ a jɛ mɔkɔ kusĩa ŋa, nɔ a jɛ inɛ ŋa iyi à kɔ̃ò laakai, nɔ a jɛ inɛ ŋa iyi à nɛ kumà nɔ à nɛ bisi, ku ba a ya yɔkɔ a maa ce icɛ inɔ kabai ilaalu, nɔ a kɔ ŋa si feei inɛi Kaladee ŋa ku fɔ. Aa kɔ ŋa si kukɔɛ do kukaɛ feii.

Daniɛli 2:11

Ilaalu, mii iyi ì waa beeu bɛ, í gaabu ntɔ ntɔ. Inɛ kãma kaa yɔkɔ ku jɛɛ ideu bɛ, í gbe iwɛ̃ ŋa aŋa akã, amma wee ngu ŋa a kù wa si inɔi inɛi andunya ŋa ihɛ̃.

Daniɛli 2:22

Nŋui í ya sisia inɛ mii iyi í jĩisa nɔ wa manji. Nŋui í mà mii iyi í wa si ilu kuku, nɔ bi titɛɛi inya kumá í wa.

Daniɛli 4:18

Jĩi nɔu bɛ iyi í nɛ wua kusĩa ŋau bɛ, nɔ í nɛ iso nkpɔ nkpɔ ŋa iyi inɛ fei á ba ku jɛu, jĩi iyi mɛɛmui sako ŋa à ya maa sũ abɛɛ, nɔ yɛi ŋa à ce bi kuwa nŋa si amaawɔɛ ŋau,

Daniɛli 4:5

Hee do ankãanyii Daniɛli nŋu iyi à ya nyi a kpe Bɛlitasaa má si yaasei kukpei iwɛ̃m í na í naa bi titom. Daniɛliu inɛ nŋu njɛ í nɛ iwɛ̃ jiida ŋa. Ŋɔi ǹ sisiaa alau.

Daniɛli 4:6

Ŋɔi ǹ sɔ̃ɔ ǹ ni, Bɛlitasaa awɔ inɛ ngboi woo ce alisi ŋau, ǹ mà iyi iwɛ̃ jiida ŋa à wa siɛ. Idei asii kãma kaa muɛ biti. Na nŋu, tusɛɛm yaasei ala iyi ǹ ceu bɛ wa.

Daniɛli 5:14

Ǹ gbɔ à ni iwɛ̃ jiida gɔ ŋa à wa siɛ, nɔ bi titɛɛi à ya ba inya kumá ŋa do kumà do laakai iyi í wɛɛ dimi ikã.

Daniɛli 5:7

Ŋɔi í dɔ̃ anu do gbugbã, nɔ í na wooda í ni a kpea nŋu woo ce dobu dobu ŋau wa do inɛi Kaladee ŋau do woo mà yaasei leleaɔ̃ ŋau. [Waati iyi woo mà ŋau à to wa,] nɔ í sɔ̃ ŋa í ni, inɛ baa yooma iyi í yɔkɔ í cio kukɔu ihɛ̃, nɔ í tusɛɛm yaaseɛ, ibɔ kusĩa ŋai an daa si, nɔ n daa si sabai wura si kɔ̃ɔɛ, nɔ inya mɛɛtasia si bommau, titɛɛi á jɛ.

Woo bɛ ŋa 12:22

Ŋɔi inɛ ŋau à dɔ̃ anu à saabuɛ à waa ni, kù jɛ baa amanɛi wa fɔ ideu, Ilaaɔ̃i.

Woo bɛ ŋa 14:11

Iyi zamaau í yɛ mii iyi Pɔlu í ce ŋɔi à dɔ̃ anu hee lele do fee nŋa à ni, iwɛ̃ nwa ŋau à kpɔò amanɛ à naa si wa.

Woo bɛ ŋa 16:16

Ŋɔi ajɔ nŋu gɔ iyi awa à waa bɔ tengi bii à ya ce kutɔɔu, à ko ama inaabo woo ce icɛ gɔ iyi í nɛ inɛi inɔɔko. Bii inɛi inɔɔkou í dede siɛ í ya maa fɔ ide iyi á na ku cei. Nɔ lafɛ̃ɛɛ ŋa à waa ba fia jiida na iriɛ.

Kuyɛi Zãa 3:9

Wee an da nŋɛ inɛi igbɛi Seetam ŋa si awɔ, inɛ ŋa iyi à waa kpe ara nŋa Zuifu amma a kù jɛ Zuifu ŋa, iboi à waa sɔ. An jɔ̀ a naa bi tu ŋɛ a na a gulɛ si waju nŋɛ. Aŋa fei aa mà iyi ǹ bi ŋɛ.