Daniɛli 5:1 - Bibeli do fee

¹ Ajɔ nŋu gɔ, ilaalu Bɛlisasaa í nya jingau nla nla ti akawe nlaɛ ŋa. Akawe ŋau à wɛɛi aŋa dubu. Ŋɔi si wajui inɛ dubu ŋau, í lɔsi atɛ̃ vɛ̃ɛ ku mɔ.

Daniɛli 5:1 Iomraidhean Croise

Kusintii Andunya 40:20

Iyi ajɔ mɛɛtau í to ŋɔi Faraɔ̃ wa ce jingaui ajɔi kubíɛ nɔ í nya woo ce icɛ minjiɛ ŋau wa hai ile piisɔ̃ɔu nɔ í leekĩ ŋa si wajui woo ce icɛɛ ŋa iyi à gbe ŋau.

Ezai 22:12

Aɔ̃ Lafɛ̃ɛi lele do ilɛ í kpe ŋɛ ajɔ nŋu í ni i kpata nɔ i maa weewea ŋa. I wa iri nŋɛ ŋa, nɔ i we saaki ŋa i nyisiò inɔ kufɔ nŋɛ.

Ezai 22:14

Na nŋu, Aɔ̃ Lafɛ̃ɛi lele do ilɛ í sɔ̃m do kugbasi í ni nŋu kaa kpa kurara nŋɛu bɛ hee i koo i kuò ŋa.

Zeremi 50:35

Aɔ̃ Lafɛ̃ɛ í fɔ í ni, igũ á naa si ilɛi Babilɔni do si inɛi ilu nlaɛ ŋa do si akaweɛ ŋa do si ilu laakaiɛ ŋa.

Zeremi 51:39

Waati iyi kɔdɛɛ nŋa á dede ntɔ ntɔ, waati bɛɛbɛi an ce nŋa sɔnda jiida. Nɔ an jɔ̀ a mɔ atɛ̃i hee ku kpa ŋa. Waati bɛɛbɛ, aa sĩ njooi hee do ajɔ fei, nɔ a kaa dede má ajɔ kãma. Amu Aɔ̃ Lafɛ̃ɛi ǹ fɔ bɛɛbɛ.

Zeremi 51:57

Nɔ ilaalu iyi iriɛ í jɛ Aɔ̃ Lafɛ̃ɛi lele do ilɛ í ni má, an jɔ̀ atɛ̃ ku kpa akaweɛ do woo nɛ kumàɛ ŋai, do ilu ilɛɛ ŋa do woo kiitiɛ ŋa do woo ja igũɛ ŋa. Aa sĩ njooi iyi a kaa nɛ ku jĩ má.

Daniɛli 5:30

Si idũ akãu bɛ mɔi à kpa Bɛlisasaa ilaalui inɛi Kaladee ŋau.

Nahumu 1:10

Baa bii í jɛ à yɛ bɛi agũ ŋa iyi à tɔtɔɔ inya akã nkpɔ nkpɔ, aŋa iyi à ya mɔ atɛ̃ nŋa hee kú maa kpa ŋa, aa ce nfe nŋai mam mam bɛi ina í ya cea fɔfɔ ngbɛ.