Daniɛli 4:9 - Bibeli do fee

⁹ Jĩi nɔu, wuaɛ ŋa à sĩa, nɔ isoɛ ŋa à kpɔ bɛi inɛ fei á ba iyi á jɛ. Si abɛɛ bɛi mɛɛmui sako ŋa à ya sũ, nɔ si amaawɔɛ ŋaui yɛi ŋa à ya de. Mii ilu hunde fei, bi tɛɛ bɛi à ya ba sɔnda nŋa.

Daniɛli 4:9 Iomraidhean Croise

Kusintii Andunya 41:38

Nɔ Faraɔ̃ í bee woo ce icɛɛ ŋa í ni, iwoi aa ka ba inɛ gɔ bɛi inɛɛu ihɛ̃ má iyi í nɛ hundei Ilaaɔ̃ .

Ezai 33:18

Aa maa lasabui si mii ŋa iyi à ya tako a maa da zigiɛ ŋau. Nɔ aa maa bee araɛi i maa ni, hee iwoi woo kɔ tiau í wa. Hee iwoi woo gba fiai lɛmpoou í wa. Hee iwoi inɛ iyi í ya maa cɔ ile kugboka ku nɛ gbugbã ŋau í wa.

Ezai 54:14

Dee dee ku jɛ á jɔ̀ i nɛ gbugbãi ntɔ ntɔ. Fa araɛ i jĩò woo taa inɛ ŋa gbugbã. I kaa wɛɛò njo do zigiida má. Njo do zigiidau, kaa naa bi tɛɛ má.

Ezekiɛli 17:23

An koo n lɔɔi si iri kuta iyi í gboka í re si ilɛi Izirɛliu. Á yɔ amaawɔ ŋa, á so iso, á ce jĩi ndii sɛɛdi nla nla. Yɛi dimi ikã ikã feii á ya ce antɛɛ si amaawɔɛ ŋa nɔ aa ya wa si abɛ jĩjĩɛ.

Ezekiɛli 28:3

Ì waa tamaa si ì nɛ laakai ì re Daniɛli nɔ nkãma kù waa jɛɛ bɛi asii.

Daniɛli 1:20

Ŋɔi ilaaluu í lɔsi ide ŋa ku bee ŋa si gãmɛi ide ŋa iyi í bee inɛ ku jɛ ilu laakai nɔ ku jɛ ilu bisi, nɔ í ba wee ide ku jɛ nŋa í sĩa í re ti woo ce alisi ŋa do ti woo ce dobu dobu ŋa iyi à wa si bommaɛu ikɔ mɛɛwa.

Daniɛli 2:47

Ŋɔi ilaaluu í sɔ̃ Daniɛli má í ni, ntɔ ntɔ, Aɔ̃ Lafɛ̃ɛ nŋɛ í re iwɛ̃ ŋa fei. Nŋui í jɛ Lafɛ̃ɛi ilaalu ŋa, nɔ nŋu akãi í ya jɔ̀ inɛ ku gbɔ yaasei asii ŋa, domi ì yɔkɔ ì tusɛɛm yaasei idei asiiu ihɛ̃.

Daniɛli 2:48

Si anyiɛ, ilaaluu í so Daniɛli lele, nɔ í ceaa amuai amani nkpɔ nkpɔ. Nɔ í so ilɛi Babilɔniu í naa ku jɛ inɛ ngboɛ, nɔ í soo kú jɛ inɛ ngbo iyi í wa antaii woo mài Babilɔni ŋau fei.

Daniɛli 4:18

Jĩi nɔu bɛ iyi í nɛ wua kusĩa ŋau bɛ, nɔ í nɛ iso nkpɔ nkpɔ ŋa iyi inɛ fei á ba ku jɛu, jĩi iyi mɛɛmui sako ŋa à ya maa sũ abɛɛ, nɔ yɛi ŋa à ce bi kuwa nŋa si amaawɔɛ ŋau,

Daniɛli 4:5

Hee do ankãanyii Daniɛli nŋu iyi à ya nyi a kpe Bɛlitasaa má si yaasei kukpei iwɛ̃m í na í naa bi titom. Daniɛliu inɛ nŋu njɛ í nɛ iwɛ̃ jiida ŋa. Ŋɔi ǹ sisiaa alau.

Daniɛli 4:8

Jĩi nɔu í la wa kooi nɔ í nɛ gbugbã. Kugbokaɛ wa bɔi hee lelei Aɔ̃, nɔ inɛi andunya ŋa fei, à waa yɔɔi.

Daniɛli 5:11

Inɛ gɔ í wa si bommaɛ ihɛ̃ iyi í nɛ iwɛ̃ jiida ŋa. Waati iyi baaɛ í wɛɛ si hunde, bi lafɛ̃ɛi à ba inya kumá do kumà, do laakai iyi í jɛ dimi akã do ti iwɛ̃ jiida ŋa. Na ŋɔi í jɔ̀ baaɛ ilaalu Nebukanɛsaa í soo í jɛ inɛ ngboi woo ce alisi ŋa do woo ce dobu dobu ŋa do inɛi Kaladee ŋa do inɛ ŋa iyi à ya mà yaasei leleaɔ̃ ŋa.

Samuɛli 1, 4:8

Aa. Ntɔi, ijuukpã nwai. Yooi á yɔkɔ ku nya wa hai si awɔi Lafɛ̃ɛ ilu gbugbã nŋa, nŋu iyi í dasi inɛi Ezibiti ŋa wahala dimi ikã ikã fei si gbaau.