Daniɛli 4:8 - Bibeli do fee

⁸ Jĩi nɔu í la wa kooi nɔ í nɛ gbugbã. Kugbokaɛ wa bɔi hee lelei Aɔ̃, nɔ inɛi andunya ŋa fei, à waa yɔɔi.

Daniɛli 4:8 Iomraidhean Croise

Kusintii Andunya 41:38

Nɔ Faraɔ̃ í bee woo ce icɛɛ ŋa í ni, iwoi aa ka ba inɛ gɔ bɛi inɛɛu ihɛ̃ má iyi í nɛ hundei Ilaaɔ̃ .

Ezai 46:1

Iwɛ̃ iyi à ya kpe Bɛliu í kua gbugbã, nɔ iwɛ̃ mɔ iyi à ya kpe Nebou í gulɛ. Ŋɔi à so iwɛ̃ ŋau à kãa mɛɛmu ŋa iyi à ya ceò icɛ. Aso ŋau, iŋɛi ì waa soo si kɔngɔ ŋa wo. Amma bɛbɛi, à baa à jɛ aso kuwo iyi à kãa mɛɛmu ŋa iyi à gbɛɛji.

Ezai 63:11

Ŋɔi inɛɛ ŋau à ye gigii faajii waatii Moizi, à waa ni, hee iwoi Ilaaɔ̃ í wa, nŋu iyi í tako í jɔ̀ inɛ ŋa à kua tenkuu bɛi mɛɛmu gaa do woo degbe nŋa. Hee iwoi nŋu iyi í da nŋa si hunde kumáɛu í wa.

Zeremi 50:2

Í ni, laabaauu ihɛ̃, i sɔ̃ inɛi ilɛ ŋa. I gũ nyinda ŋa iyi á jɔ̀ inɛ ŋa a màa ŋa. I jɔ̀ inɛ ŋa a gbɔɔ nɔ i maà singa nkãma ŋa. I fɔ ŋa i ni, à mu Babilɔni mbɛ. Anyɔi í baa í jɛ ti iwɛ̃ɛ Bɛli. Nɔ njo í mu iwɛ̃ɛ Maaduku. Anyɔ nla nlai í jɛ ti iwɛ̃i inɛi Babilɔni ŋau, nɔ mii riisiɛ ŋau fei à lɛgɛ.

Ezekiɛli 17:23

An koo n lɔɔi si iri kuta iyi í gboka í re si ilɛi Izirɛliu. Á yɔ amaawɔ ŋa, á so iso, á ce jĩi ndii sɛɛdi nla nla. Yɛi dimi ikã ikã feii á ya ce antɛɛ si amaawɔɛ ŋa nɔ aa ya wa si abɛ jĩjĩɛ.

Daniɛli 1:7

Ŋɔi inɛ ngboi akawe nla ŋau í na ŋa iri titɔ̃ mmuɛ ŋa. Ti Daniɛlii í jɛ Bɛlitasaa, Hanania mɔi í jɛ Sadaaki, Mikaɛli mɔi í jɛ Mesaaki, Azaria mɔi í jɛ Abɛdi-Nego.

Daniɛli 2:11

Ilaalu, mii iyi ì waa beeu bɛ, í gaabu ntɔ ntɔ. Inɛ kãma kaa yɔkɔ ku jɛɛ ideu bɛ, í gbe iwɛ̃ ŋa aŋa akã, amma wee ngu ŋa a kù wa si inɔi inɛi andunya ŋa ihɛ̃.

Daniɛli 2:26

Ŋɔi ilaaluu í bee Daniɛli nŋu iyi à ya nyi a kpe Bɛlitasaa máu í ni, aa yɔkɔ i sisi ala iyi ǹ ceu nɔ i tusɛɛm yaaseɛ?

Daniɛli 3:14

Ŋɔi ilaalu Nebukanɛsaa í bee ŋa í ni, Sadaaki, Mesaaki, Abɛdi-Nego, ntɔi ì kɔ̀ ku tɔɔ iwɛ̃m ŋau nɔ ì kɔ̀ ku sɛɛbata ku tɔɔ iwɛ̃ iyi ǹ jɔ̀ à ce do wura ǹ jɔ̀ à gũu ŋa?

Daniɛli 4:18

Jĩi nɔu bɛ iyi í nɛ wua kusĩa ŋau bɛ, nɔ í nɛ iso nkpɔ nkpɔ ŋa iyi inɛ fei á ba ku jɛu, jĩi iyi mɛɛmui sako ŋa à ya maa sũ abɛɛ, nɔ yɛi ŋa à ce bi kuwa nŋa si amaawɔɛ ŋau,

Daniɛli 4:9

Jĩi nɔu, wuaɛ ŋa à sĩa, nɔ isoɛ ŋa à kpɔ bɛi inɛ fei á ba iyi á jɛ. Si abɛɛ bɛi mɛɛmui sako ŋa à ya sũ, nɔ si amaawɔɛ ŋaui yɛi ŋa à ya de. Mii ilu hunde fei, bi tɛɛ bɛi à ya ba sɔnda nŋa.

Daniɛli 5:14

Ǹ gbɔ à ni iwɛ̃ jiida gɔ ŋa à wa siɛ, nɔ bi titɛɛi à ya ba inya kumá ŋa do kumà do laakai iyi í wɛɛ dimi ikã.